Hibru 7:18 - Nobonob Baibel

¹⁸ Mana mettaknu danab baknu ɗo anukkanu am ebehi iitta, am meu enanag laa he ii beum amunu, Kayak Nug qe iitta meum.

Hibru 7:18 ပူးပေါင်းရင်းမြစ်များ

Aposel 13:39

Ɗo Moses eppegppa uɗiom amu, amuam heeb, danab nug genab tutukku hak danab daakkunu elele iitta. Amge danab imu, Jesus, aun aɗi ag nuhignu oolagppa genab dootteb, ag nuhigppa genab tutukku hak danab bena daatteb.

Rom 3:31

Amunu ig ooppa genab doyak amuppatai ɗo qeut neumte? Iittanab! Ig ɗo aakku qappamut daatte.

Rom 8:3

Amu inam. Ig oonig alag nug he, ɗonu ɠagattag am gai-iitta dayom amunu, ɗo nug heeb, ig ena bekkunignu elele iittanab, amge keeke ɗo nug hekkunu elele iitta amu, keeke amu Kayak nukka heum. Kayak Nug nukka Nug Bekka me uɗia, danab beum. Nug beɗu am, ig hipunin danab, ig beɗunig bia tagittom, amge Nug am hipunin laa iitta. Amu Jesus Nug ib etta hipunin haknu ofa dayeb, amuppa Kayak Nug ihinig hipunin uhuqa megakkunu, Nug Jesus me uɗiom. Ib amuppa amu, Kayak Nug danab ah ag hipunin waappa ii daamnanu heum.

Galesia 3:15

O lailad, gemu da ig danab ihinig kobol daatte amuppanu da antte oo maittak nai laa attem. Danab laa nug geha dimppa mauhkku amu, nug amunu dabma, nug enub oh bekkod aoglagnu nug nuhig dabmakppa elele otia, anen anen aɗi aoglagnu nug tituana nai qakkaknu uɗugppa yeeb, danab laa ele nai amu antta onig yeeb amu, danab laa nug nai amu ii qeeb nema; o laa nug nai amu baolia nai laa ii tuɗidma.

Galesia 3:17

Nai dahil imu, nuhig diig amu inam. Kayak Nug tatam nug tituana nai qakkakppa Abraham amegppa keeke laa heeb bekkunu nai qakka aum. Dimppa maɗ 430 ukke amu, aria ɗo beum. Ɗo amu dim beum. Ɗo amuam Kayaknu nug tituana nai qakkak amu qeeb nekkunu elele iitta. Nai qakka aum ele amu, ɗo nug amu loppaɗkkunu ele elele iitta.

Galesia 3:21

Anam amunu, ɗo nug am Kayak anukka nai qakka aum ele, amunu kekeɗte? Iittanab iitta! Aɗinu? Ɗo am danab bauklel mattaknu ii daatte. Ɗo laa ig danab bauklel megakkunu daalo amu, ig ɗo amu dim lamidpput, Kayak Nug ihinignu, “Genab tutukku hak danab ah,” akkunu elele, amge ɗo laa anambia ii daatte.

Galesia 4:21

Ag Galesia danab, ag eɗun ɗo waappa daaglagnu hetteb ele amu, ag gemu appeg doyei! Ag ɗo nai atte amu ag iitai dootteb?

Galesia 4:9

amge gemu ag Kayak dooppig (da Kayak Nug ag doyadtte alom am ena) amunu, aɗinu ag eɗun bittumttum gona, wan imuppan ɗonu hik aqeeqe, ag eɗun uɗat nob iitta, hamu begbeg maɗi nid uɗat hekkulagnu hetteb?

1 Timoti 4:8

Aɗinu? Beɗunig ehanittaknu kobol hak amu nakok ehanigtte, amge genab tutukku hak danab dayaknu ehanittaknu kobol hak, am keeke ohnu ehanigtte. Amuam ig gemu bau daattem amunu ehanigtte, amu bauklel dimppa aognig, amunu ele ehanigtte.

Hibru 13:9

Ippunittak bau digdig, am Nai Ena bia iitta amu, ag doon aib dim lamidppig. Aɗinu? Ig Kayaknu ehanittak okkai hamu mettakppa, Nug dim lamidkkunignu ɠagattag aognig am ena. Ig eenu ɗo kuɗum dim lamidta, ɠagattag amu aognignu hekkunig am ena iitta. Danab laala ag anam henan oippig amge ii ehanattom.

Hibru 7:19

Aɗinu? Ɗo nug he, keeke laa elelenab ii beum, amge Kayak Nug ib laa ooɗom. Ib amu nug ɗo eɗittak, enanag. Amu ib amuppa ig Kayak toppa wakkunignu elele daattem.