Hibru 7:1 - Nobonob Baibel

¹ Melkisedek, Salem dilag king, nug am Kayak Attannab Laa Oh Eɗattaknu mana mettak danab. Anukka Abraham nug ban ha, king aqowa, eɗua appagppa ugekke, Melkisedek nug Abraham ibppa nug uɗa ta, itittak ena mettom.

Hibru 7:1 ပူးပေါင်းရင်းမြစ်များ

Sam 57:2

Da Kayak Attannab Laa Oh Eɗattak, da Nug unuqidttem. Ao, Kayak, Nug da aɗi hekkulnu maittak awa he, da hettem ele amu, da nuhignu unuqidttem.

Sam 76:2

Jerusalem amu, Nug appa daatte. Yo, qauko Sion am Nug appag.

Sam 78:35

Ag Kayak, Nug ahilag kekeɗ aqadmanu ehanittak daatte, ag amu dabmeppig. Ao, ag Kayak Attannab Laa Oh Eɗattak Nug am qagaiettakppanu eɗua uhuqaknu ehanittak ahilag dayom dabmeppig.

Sam 78:56

Kayak Nug amu oh ahilagnu heum, amge ag Nug ma anttak medappig. Ag Kayak Attannab Laa Oh Eɗattak waappa daaglagnu uun, ag nuhig nai tappeg neum. Ao, ag nuhig ɗo dim lamidkkulagnu uuppig.

Daniel 4:2

Da Kayak Attannab Laa Oh Eɗattak, Nug nuhignu dabmettaknu kobol danab haknu elele iitta, amu uɗat ɠagattagnab ele, Nug dahilnu heum amu appi dooglagnu gamag ahak doottem.

Daniel 5:18

O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Daniel 5:21

Nuhig dabmak eɗua, doɗ dilag bia daye, laa ag lamitteg ukke, nug danab ah ii daattebppa donki dakkuɗ ele daanna, nug makau gikkiɗah latteb bia gikkiɗah laum. Baito habppanu na, nug laittom. Nug anam daye ukke, nug Kayak Attannab Laa Oh Eɗattak Nug wanppan ɗo maɗoɗ oh gumadtte, Nug aun nug ahilag okkai daakkunu oo hette, nug king abenab medatte, nug dabmak amu tutukku doya, elele aɗa oiye, uug aguppa batom.

Maika 6:6

Amge da Yawe noobppa ukken daakkulnu amu, da aɗi keeke awe wain medakkul? Ge, da Kayak, Nug am keeke oh ikkilag, da ukken Nug noobppa daakkulnu amu, da aɗi keeke ena awe wain, Nug noobppa gatel qaun oin, gomelen medakkul? Da Nug noobppa wakkulnu amu, da nuhig qaɗabppa manaknu ofa kuɗum manen medakkulte? Ge, da Nug noobppa wakkulnu amu, da makau gaiɗ maɗ laippu awak ele kuɗum nuhig qaɗabppa manen medakkulte?

Mak 5:7

Nug gateg qaun o amu Jesus Nug ouɗi nau, danab amuppa dayom ele, Nug nug amegppa, “Danab amu uuidna ukke!” awa aum. Nug anam aum amunu danab amu nug baag okkainabppa ewa aum. “Jesus, na Kayak Attannab Laa Oh Eɗattak Bekka. Na da attem heiɗkkutnu hettem? Na Kayak onigppa nahip nai ɠagattag qena, na da guittak nau ii meɗamnanu akkutnu oɗ medattem!” awa eum.

Aposel 16:17

Nug Pol ig ele dim lamikkakka amu, nug inam ewa aum. “Danab imu amu, ag am Kayak Attannab Laa Oh Eɗattaknu maɗi nid! Kayak Nug attem ha, ig eɗua awikkaknu ib babaittom ippunigtteb,” awa aum.

Hibru 6:20

Jesus Nug tatam lag oo amuppa ig ehanigkkunu noum. Nug am mana mettak ikki danab, Melkisedek bia hanhannu beum daatte.

Hibru 7:2

Mette amu, Abraham nug keeke oh awom, nug amunu obatak eblaih tanig ele ooppanu obatak laippu Melkisedek mettom. Melkisedek onignu mehuqak am, “Genab tutukku hak kobolnu king.” Melkisedek nug am Salemnu king. Amunu meu am, “Maɗoɗnu king.”

Hibru 7:3

Kayak nai am nug anig mameg amu nug memetab ele ii ippunigtte. Menuak deɗ nuhig amu mauhak deɗ nuhig ele ii ippunigtte. Nug am Kayak Bekka bianab daatte. Nug am mana mettak ikki danab hanhannu daatte.

Hibru 7:6

Melkisedek nug am Lewi buɗub ooppanu iitta, amge nug Abrahamnu keeke ameg 10 oolagppanu ameg laippu awowa, nug danab, Kayak nug amegppa keeke laa heeb bekkunu nai qakka aum ele amu, nug itittak ena mettom.