Hibru 6:8 - Nobonob Baibel

⁸ Amge wan uud keeke qaun ele, keeke amu amuppa betteb, wan amu uɗat ena ii hette amu, wan amuam eheɗ laa awaknu anak waappa daakkunu miagnab daatte. Danab ag maiglagnu daatte.

Hibru 6:8 ပူးပေါင်းရင်းမြစ်များ

Genesis 4:11

amunu, na hemenu, na eheɗ laa awaknu anak waappa daan, na Abel tiig gokkaɗe, wan imu ooppa noum ele, na wan imu uun gokkut.

Genesis 5:29

Do amu Lamek nug aum. “Yawe Nug wan eheɗ laa awaknu anak waappa daakkunu meum amu, nid imu nug ig wanppa uɗat ihinignu ehanigkku,” amunu Lamek nug onig Noa ataɗom.

2 Samuel 23:7

Danab aun nug uud keeke qaun ele ehalkkunu hette ele amu, nug keeke aenppa hakppa, o banppa ehaltte. Keeke qaun ele amu, ag adeppa daatteb, amuppaib laa nug amote ewa, iitta mette.” Dawit nug anam aum.

Job 31:40

wit dahil wanppa ii beeb, keeke qaun ele belo am elele, am tutukku. Ge, bali wan dahilppa ii beeb, uudib belob am elele, am tutukku.” Job nug nai amu mattia mala, nug aakku nai baula laikkud danab ewam amelagppa ii mattiom. Nug oɗe qamutom.

Aisaia 27:4

⌊Amu Kayak Nug anam mattiowa, Nug inam ele akku.⌋ “Da oo nauhak laa ii doottem. O gadon, uud keeke qaun ele ag grep dad dahilppa appa daaloblob, da ag banelag ukken heppi, aab aɗu am ag oh ewatta maladlo.

Jeremaia 17:6

Amu danab laa anam amu, nug am wan meu waknu nakokib elele, appa ad naunau ag ehanittak elele ii aotteb, nug amubia daakku. Danab amu nug nuhigppa keeke ena laa ii bema. Nug geha atu taɗakppa, aben laa qaɗaiettaknabppa daakku. Ao, nug laih wan ittag iitta ele, nug laih laa danab ag ii daatteb, nug appa daakku.

Jeremaia 44:22

Yawe Nug amu antta, amunu dabma, Nug ag ahilag nau hak digdig, ahilag hak nug amunu ooppa uuaknab dootte ele, Nug ag uuatteb, ag hak amu tuɗidna hekkulagnu elele ii doya, Nug he, danab ah laa ag wan amuam eheɗ laa awaknu anak waappa daakkunu anan oiyegeg, wan amuam hele-ettak, wan meu waknu nakokib elele, am anam dayom, amu danab ah appa ii daappig. Gemu ele anamib daatte.

Esekiel 20:47

Na ad amu, danab ah daalob, na ag amelagppa anan, ‘Ag Yawenu nai doyeg! Naɗi Yawe Nug inam atte,’ appe doyeg! Dahil nai am inam. ‘Da amotadppi, ag ad bau, ag ad bunaɗak ele ag oh eoglag. Aab ewak amuam aab ewak okkai, gakkaɗak nau ele, amu laa nug heeb, iitta mekkunu elele iitta. Aab ewak amu ewebeb, danab ah Israel wan ohppa daatteb, ag gakkaɗak nau amu dooppeg, ag iɗulag eokku.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Matyu 25:41

Aria, laa nanehppa daatteb ele, da ag amelagppa akkul. ‘Ag laa ag eheɗ laa awaknu anak waappa daatteb amu, ag uuiɗna ukkeg! Ag aab aɗu ii qauha, hanhan eotte ele, Naɗi Nug Satan, amu nuhikkud engel ele dilag heum amu, ag amuppa ukkeg!

Matyu 3:10

Antteg! Epeɗiak haen am miag. Ad meu ii otte amu, nug mameg o qiie, aab aɗuppa mawe te eotte.

Matyu 7:19

Ad oh, ag meu ena ii otteb ele amu, danab ag oadna, aab aɗuppa akkaeg teeg eotteb.

Mak 11:14

Anam antta amu, Nug aum. “Na danab laa meu lakkunu na baula meut iinab omana!” awa aum. Awa a amu nuhikkud ippunittak awak danab ag nai amu dooppig.

Mak 11:21

Jesus ad amu amegppa aɗi aum, nai amu eɗua Pita daugppa do, nug Jesus amegppa aum. “Ippunittak danab, antte! Tumai na ad fig eheɗ laa awaknu waappa daakkunu ame amu, am aakku bunaɗom!” awa aum.

Jon 15:6

Laa nug dahilppa ii daatte ele, nug muɗi grep ebekkud danab ag okkulna akkaeg ukke bunaɗtteb, amubia daatte. Danab ag muɗi grep ebekkud amu qagmaadna akkaeg, aab aɗuppa teeg eotte.

Duteronomi 29:28

Yawe Nug oo nauhak huanaknab doya, oppoɗi ele be, Nug danab ah nuhikkud, ahilag wanppanu lamatte gona, wan laa dilagppa daappig; gemu ele ag amuppaib daatteb,” aon akkulag.

Hibru 10:27

Iitta! Ig Kayaknu hettoɗiak okkai amu aab gakkaɗaknab, Kayaknu kekeɗ oh ewadkku ele, amuib baɗidta ameg mekkunig.

Hibru 12:17

Aɗinu? Ag dootteb bia, dimppa Esau nug Aisak eppegppa itittak ena aokkunu heum, amge nug elele iitta dayom. Esau nug itittak ena aokkunu gayak huana heum, amge nug ib nakoknab laa ii anttom.

Revelesen 20:15

Aun laa nug onig buk laappa, amuam buk onig Bauklel Awa Onig Yaaknu buk, nug onig buk amuppa ii yaak amu, laa nug nug aab amegppa buɗie noum.