Hibru 6:4 - Nobonob Baibel

⁴ Danab ag Kayak nai ena aoppig, ag matu hab attannu ɗo ena aon oolagppa meppig, ag Kayak Ouɗi ele aoppig,

Hibru 6:4 ပူးပေါင်းရင်းမြစ်များ

Lewitikas 13:55

Dayebeb amu, mana mettak danab nug baula pehetta itala anidkkuoitte. Amu nug ihak dimppa, keeke amuppa, gi okkai ii mekkutai, amge neekkakppa baoliak laa ele iitta daakku dayeb amu, keeke amuam Kayaknu neekkakppa dubuttid ele daakku. Keeke amu manappeg ewa iitta ma auta aokkuoitte. Gi, gaɗa oɗe nau bia lamen, o keeke amuppa laihtai daakku, o iitta laihppatai daakku, amuam keeke hamu. Ag manappeg, ewa iitta ma auta aokku.

Lewitikas 14:43

Amge keeke amu oh hak dimppa gi qak amu baula lag amuppa bekku dayeb amu,

Namba 24:3

Kayak Ouɗi nuhigppa uɗie amu, nug nai meunab ele mattiom. Nug inam aum. “Laa ag amelagppa keeke miagib anidtteb. Ao, laa ag Kayak nai mattieye dootteb. Laa ag Kayak Nukka ɠagattag Oh Ele tulegleg ippunatte anidtteb. Ao, laa ag Kayak noobppa gateg qaun ona, gomelna, iɗulag wanppa meeg, Kayak he, ag amelag obat-tte. Laa dilagnu anam daatte, amu ag oolagppan laa nug nai meunab ele imu maditte. Amu laa amuam da Balam, Beor bekka.

Matyu 12:45

nug eɗua ukka, ouɗi nau eblaih aɗit laa ele, ag ahilag ɠagattag kobol nau hekkulagnu nug eɗittak ele, nug amu diie, nug ele uɗitteb. Uɗin, ag lag amu ooppa nona daatteb. Noeg amu danab amu anukka nau dayom, amu gemu nug naunab daatte. Amubia danab ah haen gemu imunu ahilagppa am anam bekku,” awa aum.

Matyu 5:13

Ag amu wanppan yu kalu bia daatteb, amge yu kalu nug yu ubuhi iitta dayeb amu, attem hepput, nug eɗua ubuhi ele daakku? Yu kalu anam amu, nug uɗat iitta. Danab ag gokkaɗeg ukke, tappan gotteb.

Jon 15:6

Laa nug dahilppa ii daatte ele, nug muɗi grep ebekkud danab ag okkulna akkaeg ukke bunaɗtteb, amubia daatte. Danab ag muɗi grep ebekkud amu qagmaadna akkaeg, aab aɗuppa teeg eotte.

Jon 3:27

Anam aeg amu Jon oɗelagppa awa aum. “Kayak Nug hab aabppanu keeke laa danab eppegppa ii meeb amu, danab nug nukka nuhig dabmakppa keeke amu aokkunu elele iitta.

Jon 4:10

Ah anam a amu, Jesus oɗeppa awa aum. “Na Kayak Nug ɗo medakkunu hette doolom, amu na danab aun Nug nahipnu, ‘Na le aon doppe lai!’ aum ele, na Nug ele doolom amu, na Nug amegppa appe, Nug na le bauklel ele mettalo,” awa aum.

Jon 6:32

Aeg amu Jesus Nug amelagppa aum. “Da genabnab genab ag amelagppa attem. Moses nug hab aabppanu bret ii mattom, amge da Mamel, Nug amu hab aabppanu bret genab ag madatte.

Aposel 10:45

Am Juda danab ag Jesusnu oolagppa genab dooppig, ag Pita dim lamidna uɗippig ele, ag Kayak Nug Kornilius aɗi, ag iitta aɗi danab, Nug nuhig Ouɗi Juda danab mattom bianab, Nug iitta aɗi ag ele mattom anidna, ag ottaina dabmak kuɗum aoppig.

Aposel 11:17

Amu anukka tatam ig Naɗi Jesus Kristusnu oonigppa genab doomut amu, Kayak Nug nuhig Ouɗi ig mekkom, anamib gemu ag ele Kayak Nug ag mattom. Kayak hette amunu, da nuhig ib oo ii nepa.” Pita anam awa aum.

Aposel 15:8

Amu Kayak, Nug danab ah oh oolag diig dootte ele, Nug iitta aɗi nuhig Ouɗi ig mekkom bia ag mattom, amuppa Nug eɗua diiadkkunu oo dayom ig ippunikkom.

Aposel 8:20

Saimon nug aum, amge Pita nug amegppa aum. “Na Kayak Nug keeke ihinig daakkunu hamu megatte men doɗoppa aokkutnu hettem. Men doɗo nahip amu na ele oh padal memayanu na dabme!

Rom 1:11

Da ag anadkkulnu ool okkai daatte. Amunu diig am, da ag Kayak Ouɗinu ɗo hamu mettak laa madappi, ag oolag ɠagattag aqakkunu ool daatte.

2 Korint 4:4

Danab amu ag Jesusnu oolagppa genab ii dootteb. Aɗinu? Satan, nug wan imunu kayak hambuppuak daatte, nug ag Kristusnu dabmak pehettak aomnanu ib oo neum. Nug anam heum amunu ag Kristus, Nug genab Kayak attem daatte bianab daatte, ag nuhignu Nai Enanu amahlak, Kristus Nug binag amahlak oppiaawak ele ippunigtte amu, ag amu ii anidtteb.

Galesia 3:2

Keeke laippuib da ag oɗ madappi ag appeg doyei! Ag Kayak Ouɗi aoppig amu, ag attem hena Nug aoppig? Ag ɗo dim lamidna aoppigte? O iitta ag Nai Ena doona oolagppa genab dooppig, ag amuppate ag Kayak Ouɗi aoppig?

Galesia 3:5

Ib attenppa Kayak Nug nuhig Ouɗi ag matta, ag oolagppa kobol danab hekkunu elele iitta laala hette? Nug ag ɗonu uɗat hetteb, amuppa Nug anam hettetai? O iitta, Nug ag Nai Ena doon, ag oolagppa genab dooppig, ib amuppa anam hettetai? Ib laa iitta, Nug ooppa genab doyak aguppaib hette.

Epesus 1:18

Da Nug heeb, ahilag dabmak amahleb, butti aɗi ag aɗi keekenu Nug ag onilagppa eum ele amu, ag amunu dabmak ɠagattag aona, ag maɗoɗppan gamag doon, itittak enanagnab oh Nug nuhikkud danab ah oppiaawak ele oh aoglagnu nai qakka tituanom ele amu, ag amu oh dooglagnu ele unuqidttem.

Epesus 2:8

Ag Kayaknu oolagppa genab dooppig amu, amuppa Kayak Nug ehanittak okkai hamu matta, Nug ag eɗua diia, bauklel mattom. Nug ahilag uɗat, Nug amunu dabmaama ii mattom. Iitta! Nug ag ahilag daakkunu hamu mattom.

Epesus 3:7

Kayak Nug nuhig ɠagattagppa nuhig ehanittak okkai hamu mettak meɗa, da Nai Ena imu mehuqkkulnu nuhig maɗi nid meiɗom daattem.

Epesus 4:7

Ig oh laippu daattem, amge ig anen anen, uɗat iɗu iɗu tamaniak ooppa hekkunignu, Kristus dabmeum bia, ig nuhig ehanittak okkai hamu mettakppa ehah digdig aomut.

1 Timoti 4:14

Haen tamaniaknu ikki danab ag eppelag na baɗenppa meeg, propet nai laa nahipnu mattieg, na Kayaknu uɗat hekkutnu ehah aome amu, na uɗat amu daut aib atiom; aib uume.

2 Timoti 2:25

Nug laa ag nai nuhig tappaeg nette ele oo bodoettak kobolppa ag ib tutukku ippuanattaɗ! Kayak Nug ag oo eɗuak madakkunu, ⌊ag oolag eɗueb,⌋ ag doyak diig genabib tutukku dooglagnu nug anam hekku.

2 Timoti 4:14

Aleksander, nug am keeke brasppa hak doyak danab amu, nug da eheɗnab heiɗom. Dimppa Naɗi Nug kobol nug heum ele, amunu eleleppa nob medakku.

Hibru 10:32

Aria, ag haen Kristus aoppig daanna, dimppa uug okkai laala ahilagppa beebe dooppig ele, haen amu amelagppa doaɗ! Haen amu ag uug kuɗum maoeg, laa ag guittak okkai ele madappig, amge ag ɠagattag hippaidna daanna maoppig.

Hibru 2:4

Kayak Nug nuhignu dabmettaknu kobol danab haknu elele iitta hattomppa, aria kobol danab haknu elele iitta laalappa, amu Nug nuhig Ouɗinu ɗo digdig ele, Nug oo niiom bia, danab mattom eleppa nai amu ɠagattag qettom.

1 Jon 5:16

Laa nug layag hipunin hette anidtte, amge hipunin am he, danab mauhtte, amu iitta ele antta amu, nug layagnu Kayak unuqitteb, Kayak Nug heeb, nug layag bau daakku. Nai amuam hipunin nug he, danab ii mauhtte amunuib, amge hipunin laa nug he, danab mauhtte ele amu, da ag amunu unuqidkkulagnu ain ii attem.