Hibru 6:2 - Nobonob Baibel

² layattak digdignu nai, eppeg danab qaɗeppa maknu nai, Kayak Nug mauhak danab maɗetteb eɗua hibaittaknu nai, Kayak Nug danab ah oh ag epeɗiatteb, ag hanhan nob ena o iitta nob nau aon daaglagnu nai ele amu, ig nai amuib ii mattimta.

Hibru 6:2 ပူးပေါင်းရင်းမြစ်များ

Eklisiastis 12:14

Diig laa na anam hekkutnu am, Kayak Nug keeke oh ig danab, ig hettem ele epeɗiadkku. Nug keeke ig miag atiak hemut epeɗiadkku, amge amu aakkuib iitta. Iitta. Nug keeke ig lokkumakppa hemut ele epeɗiadkku. Nug ig keeke ena hemut epeɗiadkku, amu Nug keeke eheɗ ig hemut ele epeɗiadkku,” awa atte.

Aisaia 26:19

Ig anam daamut, amge ⌊O Yawe, nahipad⌋ huu mauhna, moɗppa daatteb, ag geha eɗun ahaglag. Ag beɗulag eɗua, bau ahakku. O ag danab ah, ag matmatppa niitteb amu, ag eɗun, bau ahan gamalag ahebeb, ag eig! Aɗinu? Yawe Nug heeb, tuqan baito wan qaɗaiettakppa na, leppu mette, gikkiɗah bau bette, amubia ag moɗppa daatteb ele, ag eɗun ahaglag.

Daniel 12:2

Kuɗumnab, ebqaknu iitta huanaknab moɗppa niitteb ele, ag eɗun ahaglag. Laa ag bauklel hanhannu aoglag; laa ag uɗa nak nau, laa noolagppa keeke hamunab doyak ele hanhannu aoglag.

Matyu 28:19

amunu, ag gowona, wan atu ohppanu danab ah heppeg, dahilad ippunittak awak danab ah daappeg, ag Mama onigppa, Nug Bekka onigppa, amu Kayak Ouɗi onigppa layatteg!

Matyu 3:14

amge Jon nug Jesus am okkai, nug nukka nug am okkai iitta doya, nug Jesus nug eppegppa layattak ii aomanu haaha, nug Jesus amegppa aum. “Na da laaiɗkkutnu daatte, ge attemu am, na dahilppa uɗime?” awa aum.

Mak 16:16

Ag mehuqppeg doona amu, danab laa nug ooppa genab doya, layattak aweb, Kayak nug eɗua aokku. Laa nug ooppa genab ii doya amu, nug Kayak noobppa nai ele daakku.

Mak 7:4

O ag ee oɗiak abenppanu eɗun, lakka gona, ag haen amu ele ag ⌊ɗo dim lamidna⌋ eppelag ii ihana amu ag ee ii latteb. Ag ɗo laala kuɗum amubia dim lamidtteb; kap ihaknu, nippud ihaknu, amu tappiɗ ihaknu ele.

Mak 7:8

Ag gemu daatteb amu, ag Kayaknu ɗo uuna, danab dilag ɗo aakkuib dim lamidtteb,” awa aum.

Luk 11:38

Dayom amge ɗo gumak danab-Parasia amu nug Jesus tatam ahilag ɗo atte, kobol amuppa Nug eppeg ii ihowa ee laum amu antta, Nug dabmak kuɗum awom.

Luk 12:50

amge uug laa da maokkulnunab daatte amunu, da gemu ukka batakppa oolppa uug nau doottem.

Luk 14:14

Am danab amu, ag am nahip ee amu nob mettaglagnu elele iitta, am na anam heppe amu, Kayak na itittak ena medakku. Yo, dimppa Kayak Nug amunu haen genab tutukku hak danab ag eɗun hippaidkkulag amu, Nug na nob ena medakku,” awa aum.

Luk 3:16

Anam aeg amu Jon nug amelagppa aum. “Da ag leppa layadttem, amge laa Nug da dimulppa uɗitte amu, nuhig ɠagattag am dahil eɗidtte. Nug am danab okkainab, da am okkai iitta; dahil hak am nuhig bia iitta, dahil am elele iittanab iitta. Nug Kayak Ouɗi, aab aɗu eleppa ag layadkku,” awa aum.

Jon 1:33

Da ele Nug ii doolom, amge laa Nug da danab ah leppa layadkkulnu meiɗe uɗimi ele amu, Nug a doomi. Nug aum. ‘Kayak Ouɗi Nug na, danab laa qaɗeppa daakku amu, danab amu aakkuib Nug geha Kayak Ouɗippa layadkku,’ awa aum.

Aposel 10:47

“Amu laa nug danab imu ag layattak aoglagnu gun mekkunu elelete? Ag Kayak Ouɗi ig aomut amubiaib aoppig,” awa aum.

Aposel 13:3

Aria, ag tuɗidna ee ohnu kud mena daan unuqittona, ag eppelag qaɗelahppa mena heeg, aa ahai gopiɗ.

Aposel 16:15

Nug nai doya oo eɗue layattak awe, nug baekkudppa ele ag layattak aoppig. Lidia layattak awowa, nug ig amenigppa aum. “Ag da Naɗinu oolppa genab doottem elele anidtteb dayeb amu, aria ag uɗin, da laulppa dayeg!” awa aum. Nug anam ana wagai ma he, ig nug oɗe dim lamidta, gota nug laugppa daamut.

Aposel 16:33

Amunu tuqan geha aakku nug aa diiata, ihilah babaitte, amu nug baekkudppa ele oh ag layattak aoppig.

Aposel 17:18

Amu nug anam heehe, aria doyak danab ameg aɗit daappig, ag nug ele aeg ona aeg doum. Doyak danab ameg laa amu ag doyak onig Epikuriannu doyak, ag amunu nai aɗappig, laa amu ag doyak onig Stoiknu doyak, ag amunu nai aɗappig. Doyak danab amu ag oolagppa laala Polnu inam appig. “Danab umu nug aɗi nai mauhnoak maditte?” Aegeg, Pol nug Jesusnu Nai Ena, Nug mauhakppanu eɗua hibaittomnu ele mattiom amunu, laa ag appig. “Nug aab laappan dilag kayak, ig ii doottem ele, amunutai nai mehuqtte,” aon appig.

Aposel 2:38

Aon aeg am, Pita nug amelagppa aum. “Kayak Nug ahilag hipunin uhuqatta madakkunu amu, ag oh akka anen anen ag oolag eɗueb, Jesus Kristus onigppa layattak aweg! Ag anam heppeg, Kayak Nug nuhig Ouɗi ag ɗo hamu mettak bia madakku.

Aposel 2:41

Am danab ag Pita nai mattiom, ag amu genab doonna, ahilag ebqak am 3,000 keeke, amu ag layattak aoppig. Aona, ag Jesusnu oolagppa genab dooppig ele, ag amu oolagppa ukkaeg, oh laippu daanna,

Aposel 23:6

Aria, Pol nug anam a daaegeg, nug doyom, hettoɗiak okkai danab laala ag am ɗo gumak danab-Sadyusi, amu laala ag ɗo gumak danab-Parasia amunu, nug hettoɗiak okkaippa ewa aum. “O lailad, da am ɗo gumak danab-Parasia laa. Da mamel ele am ɗo gumak danab-Parasia. Danab mauhppig, dimppa ag eɗun hippaidkkulagnu amu, da dabmak amu aɗe ameg mein daattem amunu, diig amunu, gemu da iikku hettoɗiakppa daattem,” awa aum.

Aposel 24:15

Da amu oolppa genab doottem, amu da keeke laa elenu dabmak aɗa ameg ma dayak doottem, danab imu hetteb, amubia. Amuam Kayak Nug geha heeb, genab tutukku hak danab, amu danab nau ele oh ag eɗun hippaidkkulag.

Aposel 24:21

Ag keeke laa ii anidppig bia, amge ag laippuib anidppigtai. Amuam da ag oolagppa hibaittette, da nai laippu imu ein ami. ‘Dimppa Kayak Nug heeb, danab mauhppig amu ag eɗun hippaidkkulagnu oolppa genab doottem amunu, da ag noolagppa hettoɗiakppa daattem.’ Da anam emi,” awa aum.

Aposel 24:25

Pol nug genab tutukku hak kobolppa oiyak amunu mehuqa, danab nug nukka nuhignu atognoa tutukku oikkunu, geha Kayak Nug danab oh epeɗiadkkunu nai ele mehuqeqe amu, Peliks nug nai amu doya, oo baɗe, nug Pol amegppa aum. “Gemu elele! Ahan ukke! Dimppa da haen ena laa dayeb amu, da geha baula dookkulnu na oninppa ekkul,” awa aum.

Aposel 26:8

Amge Kayak Nug heeb, danab ag eɗun hippaidkkulagnu elele iittate? Aɗinu ag daatteb oolagppanu laa ag amunu uug dootteb?

Aposel 6:6

Ag danab amu otiadna heeg, totol danab 12 noolagppa hibaitteg, ag eppelag qaɗelagppa mena, ahilagnu unuqidppig.

Rom 2:16

Amunu epeɗiak deɗ ana uɗieb, Kayak Nug geha danab oh dilag kobol lokkumak daatte, ahilag dabmak lokkumak daatte ele Jesus Kristus nuhigppa, da Nai Ena mehuqttem bia, epeɗiadkku.

1 Korint 10:2

Amuppa ag oh Mosesnu dim lamittak danab bena, ag nug waappa daanna oippig.

1 Korint 12:13

Kayak Ouɗi Nug he, ig oh beɗu laippu bia daattem. Laala am Juda danab, laala am iitta aɗi danab. Laala am begbeg maɗi nid, laala am begbeg maɗi nid iitta. Yo, ig oh Kayak Ouɗi Nugib aomut.

2 Korint 5:10

Aɗinu? Ig doottem, geha ig oh Kristusnu hettoɗiak abenppa daagnig. Aria haen ig beɗunig imuppa daatta, ig kobol nau hettem ele dayeb amu, geha ig amunu nob nau aognig. O iitta ig daatta, ig kobol ena hettem dayeb amu, geha ig amunu nob ena aognig. Yo, ig geha anen anen kobol hemutnu nob amuib aognig.

Pilipai 3:21

Geha Kristus Nug ɠagattag nuhigppa keeke oh Nug waappaib maatteb daaglag ele, ɠagattag amuppa Nug heeb, ig beɗunig mauhtte imu, am Nug beɗu enanagnab binag ele bianab bekku.

Kolosi 2:12

Ag layattak aoppig, haen amuppa ag Kristus ele laippu ouqena daappig; ag Nug ele oh laippu moɗppa boumak daappig. Ele amu, ag layattak aoppig, haen amuppa ag ele Kayak Nug nuhig ɠagattagppa uɗat he, Jesus eɗua hibaittom oolagppa genab doyegeg, ag Kristus ele oh laippu eɗun hippaidppig daatteb.

2 Timoti 2:18

Danab amunu amu, ag doyak diig genabib apiɗidna, ag inam atteb. “Mauhakppanu eɗua hibaittak am ba malom,” aon atteb. Ag nai amuppa danab laala ag ahilag ooppa genab doyak heeg nauhtte.

Hibru 11:35

Aria, danab ag oolagppa genab dooppig ele, ag heeg, danab laala mauhppig ele ag eɗun hippaidna, ag waalkad ele baula daappig. Amu laa ag oolagppa genab dooppig ele, ag oolagppanu laala kekeɗ ahilkad ag eheɗnab hattanna, beɗulag heeg nauha auta awom, amge ag mauhona, dimppa eɗun hippaidna, bauklel hanhannu, wan imuppan bauklel eɗittak, ag amu aoglagnu aakkuib dabmeppig; ag Kayak dimedappeg, kekeɗ uuadppeg gokkulagnu dab-ii-meppig.

Hibru 9:10

Keeke amu oh am ee lanak keeke, le lanak keeke, amu le laaittak kobol digdig ele. Ɗo amu oh am danab beɗulagnuib. Kayak Nug ɗo amu oh danab ag dim lamidppeg ukkeb, dimppa Nug ib bau ooɗaknu haen uɗieb batak daaglagnu he daappig.

2 Pita 3:7

Amubia Kayak oɗeppa hab wan ele gemu daattep amu, aa geha aab ewakppa daaglahnu aum daattep. Hab wan gemu daattep amu daapeɗ ukkeb, deɗ laa Kayak Nug danab ag Kayaknu nuhig haknu ele uuak danab daatteb epeɗiatteb padal mekkulag, deɗ amuppa hab wan ele gemu daattep am aab ewakppa daaglah.