Hibru 6:18 - Nobonob Baibel

¹⁸ Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.

Hibru 6:18 ပူးပေါင်းရင်းမြစ်များ

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Taitus 1:2

Doyak diig genabib amuam he, ag bauklel hanhannu aoppig daatteb dootteb. Kayak, Nug hambuppuak nakok laa iinab maditte amu, Nug ag bauklel hanhannu amu aoglagnu anukkanab, keeke ii heum haenppa nai qakka aum.

1 Samuel 15:29

Yawe, Nug am Israel dilag Kayak, Nug binag amahlak oppiaawak ele amu, Nug ham-ii-bubutte. Nug dabmak nuhig ele ii eɗutte. Nug am danab iitta amunu, Nug ig danab, ig keeke hekkunignu atata, dabmak eɗut, keeke laa hettem amu, Nug amubia iinab hette,” awa aum.

2 Timoti 2:13

Ig nuhignu oo metta ii uuak kobol ii dim lamidkkunig dayeb; Nug nuhig diignu oo metta ii uuak kobol dim lamidkku. Aɗinu? Nug nuhig diig attem daatte, Nug amunu oo metta ii uuak kobol ii dim lamidkkunu elele iitta.”

Rom 3:4

Iittanab! Danab oh ag hambuppulob, amge Kayak Nug nai hambuppuak ii mattima. Iitta. Nug nai doyak diig genabibppanu aakkuib maditte. Amu Kayak naippa nai laa daatte amubia. Nai amuam inam. “Da hipunin hemi amunu, na Kayak, haen na dahilnu, ‘Na hipunin heme,’ attem am genabib attem. Yo, haen na da hettoɗiakppa meiɗna, na tutukkuib hettem.”

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

1 Jon 1:10

Ig hipunin ii hemut akkunig dayeb amu, nai amuppa ig Kayak, Nug am hambuppuak danab akkunig. Ig anam akkunig dayeb amu, nuhig nai ihinigppa nakok laa ii daatte.

Josua 20:3

Aun laa nug ii doyaya laa qe mauhom amu, nug aab okkai amunu laa, nug amuppa oola ukka daakku amunu, nug ukka appa dayebeb, laa nug qe mauhak danab nob ma qeeb mauhkkunu daatte, nug danab amu qeeb mauhkkunu elele ii daakku.

Aisaia 51:12

Amu Yawe Nug atte. “Da, ge da, da oo mak madattem. Danab am keeke gai-iitta, oh mauhtteb amunu, aɗinu ag danabnu baɗadtteb? Ao, aɗinu ag danab bekkalkad, ag gikkiɗah bia paha nauhtteb ele amu, aɗinu ag ag baɗadtteb?

Hibru 3:11

Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Kayak Nug anam aum.

1 Timoti 1:1

Da Pol, da Kayak, eɗua awikkak ihinig daatte amu, Nug Bekka Jesus, nuhig ehanittakppa ig ena daagnignu dabmak aɗat ameg mettem amu, da haknunab anak ahilahppa Kristus Jesusnu totol danab daattem.

Rom 3:25

Anukka Kayak Nug eheɗ haknu nob elele eɗua mettak uua, danab dilag hipuninnu nob nau paha ii mattom amunu, Nug tutukkuib daatte, Nug amu ippunigkkunu haaha, Nug ig aun laa ig Jesus tiigppanu oonigppa genab doottem, Jesus Nug ihinig eheɗ haknu nob nau Nug tiigppa iitta mekkunu heeb elele medakkunu Nug tituanom.

Sekaraia 9:12

O Israel danab ah, ag diia ukka laih me dayak danab ah daatteb, ag ena bekkulagnu dabmak aɗan oiglagnu elele amunu, ag eɗun, ahilag aab aɗ ɠagattagnab ele, ag amuppa uɗieg! Da ag amelagppa attem. Ag uug maoppig, amge da geha heppi, ag bu laippu aoppig dayeb amu, ag keeke ena aɗit aoglag. O ag bu aɗit aoppig dayeb amu, ag keeke ena waɗele aoglag. Da heppi, ag anam anamib aoglag.

Aisaia 64:7

O Yawe, ig hipunin heut, na ig ii ehanigttem. Ig hipunin heut, na he, ig ihinig hipunin waappa daat nauhttem. Ig anam aakku daattem amunu, auntai laa na ii unuqidtte. Yo, ig am anam aakku daattem amunu, auntai laa na tutukku dim lamidkkunu ii hette.

Aisaia 56:4

Danab anam ag amu ii dabmemananu diig am, Yawe Nug inam atte. “Laa ag hipab qak daatteb, ag Sabatnu ɗo da memi ele dim lamidna, ag kobol laala, da kobol amunu ool hette, ag kobol amu dim lamidna, nug tituana nai qakkak dahil ele dim lamidtteb amu, da ahilagnu inam attem.

Prowerb 4:13

Keeke da na ippunidttem ele amu, na aɗan autna awe! Na aib agappe ukkom! Da ippunidttem ele amu, ippunittak amuam na ehanitteb bau daakkut amunu, na nahip dabmakppa mena, dabmettan autna awe!

Sam 110:4

Yawe Nug nuhig nai ɠagattag qetta aum amu, Nug ii baolima. Nug aum. “Na am Melkisedek bia, mana mettak danab hanhannu daattem,” awa aum.

1 King 2:28

Amu Joap nug anukka Apsalom ele, aa oh laippu ii oidpiɗ, amge nug Adonaiya ehanittom amunu, haen nug Adonaiya, Abiatar ele dilahppa kobol amu be antta amu, nug ele baɗa, oola ukka, Yawenu mettid haknu peh lag, nug amuppa ukka, qaɗabnu makau qeqeɗi dottog amu aɗalata dayom.

1 Jon 5:10

Danab nug Kayak Bekkanu ooppa genab dootte, nug aakku Kayaknu ippunittak amu awa, nug ooppa daatte. Am laa nug amu ooppa genab ii dootte, nug aakku, “Kayak Nug am hambuppuak danab,” awa atte. Aɗinu? Kayak Nug Bekkanu ippunittom, danab amu nug ooppa genab ii doyom amunu, nug anam atte.

1 Timoti 6:12

Ban ameg laa amu ban ameg laa ele aa nug eɗidkkulahnu nug mehqettep, amubia na ooppa genab doyaknu wagai men he! Na bauklel hanhannu, Kayak Nug anukka na amu aokkutnu oninppa eum ele amu, na amu ɠagattag aɗe! Kayak Nug na oninppa e, na nahip ooppa genab doyak, danab ah kuɗum amelagppa miag mattime.

Rom 15:5

Amu ag oolag laippu daanna, oɗelag oh ob, ag Kayak, Nug am ihinig Naɗi Jesus Kristus Mameg, Nug binag mekkulagnu, ig Kayak, Nug am oo maɗoɗ ele dayak amu ɠagattag dayak elenu diig amu, Nug ag ehanatteb, ag Kristus Jesus dim lamidnana, ag dabmak laippu aɗan oiglagnu oonig daatte.

Hibru 11:7

Noa nug Kayaknu ooppa genab doyom, amu Kayak Nug keeke laa, Noa nug deɗ laa ii anttom bekkunu nug amegppa nau aomanu nai mattie, Noa nug ebehi oh Kayaknu bodoetta le meum ele amu, nug nuhig nai amu doya, nug baekkudppa ele ena daaglagnu nug uub itom. Ooppa genab doyak nuhig amuppa amu nug danab laa oh, ag oolagppa genab ii dooppig ele, ag eheɗ heppig aakku ippuanatta, ooppa genab doyak amuppa ele nug am genab tutukku hak danab beum.

1 Tesalonaika 1:10

ag Kayak Bekka Nug hab aabppanu eɗua uɗikkunu haen ameg mettebnu ele maditteb. Nug anukka mauhe, Kayak Nug he, Nug mauhakppanu eɗua hibaittom. Amuam Jesus, Nug dimppanu hipuninnu bu aqak, Kayak eppegppanu uɗitte amu, ig amu aomtanu eɗua awikkom.

Kolosi 1:27

Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

Luk 2:25

Haen amuppa danab laa Jerusalem dayom, nug onig Simeon. Nug Kayak noobppa tutukku oiyaya, Kayak binag ena maama, Israel dilag ehanattak danab ameg meum. Kayak Ouɗi nuhigppa dayom.

Matyu 24:35

Hab wan ele am iitta mekkulah, amge nai dahil am iitta iinab mema.

Aisaia 27:5

Amge dahilad danab ah dilag kekeɗ ag da ahilag padal mak eɗitteb ena dayaknu ehanittak daakkulnu oolag daatte dayeb amu, ag da ele maɗoɗ daagnignu unuqiɗkkulagoitte. Ao, ag da ele maɗoɗ daagnignu unuqiɗkkulagoitte,” awa aum.

Genesis 19:22

Amge paha ukkeg! Aɗinu? Ag gona, aab amuppa tena daappeg, da heppi, aab imu oh padal mekkulag. Ag ibppa gobeppeg amu, da uɗat dahil hekkulnu elele iitta,” awa aum. Diig amunu ag aab amu onig Soar ataɗppig.

Hibru 7:21

Mana mettak danab anukka ag am anamnab iitta. Anukka auntai laa Kayak Nug Nug onigppa nuhig nai ɠagattag qetta anana he, mana mettak danab beum? Laa iitta, amge Jesus nuhignu aakkuib Kayak Nug nukka Nug onigppa nuhig nai ɠagattag qetta, mana mettak danab daakkunu a, Nug beum daatte. Kayak Nug Jesusnu inam aum. “Naɗi Nug nukka Nug onigppa nuhig nai ɠagattag qetta, ‘Na amu mana mettak danab hanhannu daattem,’ aum amu, Nug dabmak nuhig iinab baolima.”

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

Kolosi 1:5

Ag tatam nai doyak diig genabibppanu, amuam Jesusnu Nai Ena, ag amu doon, keeke Kayak Nug hab attan ahilagnu tituanom amu, ag amu aoglagnu ele doona, gemu ag aoglagnu dabmak aɗan oitteb amunu, ag ooppa genab doyak ahilag, oo mauhak ahilag ele aɗan daatteb.

Pilipai 2:1

Aria, ag Kristusnu daatteb, amu Nug he, ag oolag ɠagattag qak dootteb. Kayaknu oo mauhak am ag oo mak madatte. Kayak Ouɗi Nug he, ag tamaniak laippu daan, ag nug oo bodoettak, amu ag nug oo bodoetta le mak ele doon daatteb.

Matyu 3:7

Layattette amu, ɗo gumak danab-Parasia, ɗo gumak danab-Sadyusi ele ag layattak aoglagnu kuɗum ukkaeg, Jon nug ag anatta, nug ag amelagppa inam aum. “Ag am danab nau, mat nau bia. Aun nug nau aomnanu nai ag amelagppa mattie, ag Kayaknu oppoɗi bak uɗitte ele ii aqamanu uɗippig?

Prowerb 3:18

Am danab aun aɗi ag doyak dabmak ena ele aoppig amu, ahilag doyak dabmak ena ele heeb, ag bauklel daaglag. Ao, danab aun aɗi ag doyak dabmak ena ele aoppig amu, ag itittak ena aoppig daatteb.

Sam 62:8

O danab ah dahilad, Kayak Nug am padal mak eɗitteb ena dayaknu ehanittak ihinig daatte. Ag hanhan Kayaknu oolagppa genab doyeg! Ge, ag nug oolag unuqagppanu unuqitteg! Sila.

Rom 5:5

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

Hibru 6:17

Anukka Kayak Nug ig Nug bekkod ehanigkkunu nai ɠagattag qetta aum, Nug nai amu iinab baolimanu ippunikka auta aokkunu, Nug nai nuhig Nug onigppa ɠagattag qettom.

Hibru 7:19

Aɗinu? Ɗo nug he, keeke laa elelenab ii beum, amge Kayak Nug ib laa ooɗom. Ib amu nug ɗo eɗittak, enanag. Amu ib amuppa ig Kayak toppa wakkunignu elele daattem.