Hibru 6:12 - Nobonob Baibel

¹² Ig ag bahilag iitta daaglagnu oonig ii daatte. Iitta. Ag danab ag oolagppa genab doona, ag oo maɗoɗ doon Kayak oɗe dim lamidna, amu kobol amuppa ag keeke Kayak Nug anukka bekkod madakkunu nai qakka aum, ag amu aotteb amu, ag danab anam baelag mattan ukkeg!

Hibru 6:12 ပူးပေါင်းရင်းမြစ်များ

Prowerb 12:24

Danab ag yagbak doon uɗat hetteb ele, ag am anuqak danab daaglag; amge danab ag bahilkad iitta ele, ag am begbeg maɗi nid daaglag.

Prowerb 13:4

Danab bahi iittanab ele nug keeke aokkunu dabmak okkai aotte, me nug aɗitai laa ii aotte; amge danab nug yagbak doya uɗat hette, nug keeke oh oo hette ele, nug elele aotte.

Prowerb 15:19

Danab bahi iittanab ele amu, nuhig bau dayaknu oiyak am, laa nug ib uud keeke qaun eleppa keldoak dayeye akkula gotte, amubia nug uug kuɗum anidtte; amge genab tutukku hak danab nug ib enanagppa gotte.

Prowerb 18:9

Am laa nug nuhig uɗat mauhnoak, pehettak ii hette amu; nug am laa, nug keeke he nauhtte, nug nid amu amag bia aakku daatte.

Prowerb 2:20

Anam amunu, na doyak dabmak ena ele aɗan oina, na danab ena dilag ippulagppa oiye! Ao, genab tutukku hak danab ibppa oitteb, na ib amuppaib oina daye!

Prowerb 26:14

Od ii qakkak ele ona doawa daatte; amubia danab bahi iittanab nug niiak aben nuhigppa niiaya, eɗeɗiak ge iitta hette.

Prowerb 28:10

Laa nug genab tutukku hak danab ah, ag eheɗ hekkulagnu eeɗadtte ele, nug nuhig pelemppa tekku; amge Kayak Nug danab ag nuhig neekkakppa danab oolagppa kaliak laa iitta ele daatteb amu, Nug ag aug ena madakku.

Solomonnu Ahi 1:8

O ah dahil, na am ah enanag, iɗun tuqaknab ele, ah laa oh eɗattak. Amu na da adeppa daakkulnu ii doottem dayeb amu, na sipsip dahilad baelag mattan gona, sipsip gumak danab ag ahilkad peh lag daattebppa tena, na meeme nakkud nahip appa gikkiɗah lakkulagnu atognoatte!

Jeremaia 6:16

Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.

Matyu 22:32

‘Da am Abrahamnu Kayak, Aisaknu Kayak, amu Jakopnu Kayak ele,’ awa aum. Kayak Nug danab mauhppig dilag Kayak ii daatte; Nug danab bau daatteb dilag Kayak daatte,” awa aum.

Matyu 25:26

Nug anam a amu danab okkai nuhig aum. ‘Na maɗi nid nau, na bahin iitta! Na da ii eppamippa, ee aeg ii tauɗmippa ele meu aottem genabte doome?

Luk 16:22

Am dimppa daɗek danab amu nug mauhom. Mauhe am engel ag nug aon meeg, Abraham ele daapiɗ. Daaeheh amu enub danab nug ele mauhe, ag nug boumppig.

Luk 8:15

Amge ee aeg wan enappa nena qeppig ele, nai amu inam ippunigtte. Danab laa ag nai doon, ag aona oolagppa meeg, tutukku oolagppa ena dayeye, ag ɠagattag daanna meu otteb,” awa aum.

Rom 12:11

Amu ag aib bahilag yom. Iitta! Ag Kayak Ouɗinu ehanittakppa yagbak doon, Naɗinu uɗat pehettak hekkulagnu ag oolag metteg!

Rom 2:7

Danab laala ag binag amahlak oppiaawak ele, bau hanhan dayak, binag ele mattinna, kobol tutukku hetteb amu, geha Kayak Nug danab amu bauklel hanhannu madakku.

Rom 4:12

Ele amu, Abraham nug am danab gaɗalag otaɗak ele, nug ag mamelag ele daatte. Amu gaɗa otaɗaknuib iitta. Iitta. Ag gaɗalag otaɗna, ag Abraham baeg dim lamidna, ag oolagppa genab dootteb amunu, Abraham nug anukka gaɗa ii otaɗom dayaya heum bia hetteb.

2 Tesalonaika 1:4

Anam amunu ig ahilag kekeɗ ag ahilagppa kobol nau kuɗum heegeg, ag amunu uug doonna eɗittaknuib dabmak aotteb, ahilag ooppa genab doyak ele ii paɗatteb amu, ig amu dootta, ig amunu Kayaknu Kristen tamaniak ohppa ag binalag mettem.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Hibru 10:36

Ag Kayaknu dabmaknab tuɗidna dim lamidkkulagnu amu ag oolag maɗoɗ ele ɠagattag hippaidna daaglagnu daatteb. Ag anam hekkulag amu, geha ag keeke ena anukka Nug ag madakkunu nai qakka aum amu, ag aoglag.

Hibru 11:33

Danab amu ag Kayaknu oolagppa genab dooppig amunu, ag wan laalappa ele ban hena eɗidna, ahilag wan aon, ag nai doya mala hettoɗia elele mettak kobol dim lamidna, epeɗiak tutukku hena, ag Kayak keeke madakkunu nai qakka aum amu aona, amu ag laion oɗelag qamutppig.

Hibru 12:1

Aria, ihinignu amu ig anukkanu danab kuɗumnab ag ig ooppa genab doyak kobol ippunikkeg anidttem amunu, ig ooppa genab doyak ippu tutukku dim lamidtu! Ig danab laa ag nug eɗid eɗid qaiettan gotteb ele ag keeke oh beɗulag uug medatte ele, ag amu buɗieg ukke, qaiettan gotteb, amubia ig aɗi keeke, ig amu aɗat ooppa genab doyaknu ippu tutukku ii dim lamidkkunig amu, ig keeke amu buɗipput ukkeb, ig aɗi hipunin, nug ig beɗunigppa ta aɗaikkom daatte ele, ig amu ele qepput na ukkeb, ig Kayak Nug ippunig mekkom amu, amuppa bahi yaak ele iittappa qaiettat gotu!

Hibru 13:7

Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!

Hibru 5:11

Aria, Melkisedeknu nai am unuqagnab, ig nota apput, ag nai imu aotteb ele ag dooglag am ena, amge ag oolag ootot ele daatteb, ag paha oolag maidkkunu elele iitta amunu, ig apput dooglagnu am uug ele.

Hibru 6:15

Amunu Abraham nug oo makppaib, bahi yaak ele iittappa nai amu meu okkunu ameg ma dayaya, keeke anukka Kayak medakkunu nai qakka aum amu aakku awom.

Jems 1:3

Aɗinu? Ag dootteb. Ahilag ooppa genab doyak uugppa ma anttak aotte haenppa, uug doyaya eɗittaknuib dabmak awak kobol, nug ena mekkunu ib oɗeppa daatte.

2 Pita 1:10

Amunu, O lailad, Kayak Nug ag onilagppa ewa, ag tituanattom, diig amunu ag Nug dim lamidkkulagnu wagai meig! Aɗinu? Ag anam hena amu ag iinab nena qemana.

1 Jon 2:25

⌊Ig anam daagnig amu,⌋ ig bauklel hanhannu aognig; Kristus Nug nai amu qakka aum.

Revelesen 13:10

Am aun nug maniguittakppa gokkunu daatte amu, appa gokku. Aun laa nug qep elabppa mauhkkunu daatte amu, nug qep elabppa mauhkku. Kobol amuam Kayaknu danab ah oppiaawak ele, ag tuɗidna uug doyaya eɗittaknuib dabmak awak kobol dim lamidna, ag oo metta ii uuak kobol ele tuɗidna anamib hekkulagoitte ippunigtte