Hibru 5:8 - Nobonob Baibel

⁸ Jesus Nug am Kayak Bekkanab, amge Nug uug mawa, Kayaknu nai dim lamitta mauhom, amuppa Nug oɗe dim lamittaknu ippunittak awom.

Hibru 5:8 ပူးပေါင်းရင်းမြစ်များ

Aisaia 53:5

Ig anam doomut, amge ihinig hipunin hak, diig amunu laa nug nug yom. Ao, ig anam doomut, amge ihinig eheɗ hak, diig amunu laa nug he, Yawenu maɗi nid nug guittak okkainab awa, mauhom. Ig maɗoɗ daagnignu amu, nug bu okkai awom. Ge, mataɗak naunab nau mettaeg, ihiud mettom, amuppa ig ena daattem.

Matyu 3:15

A amu Jesus oɗeppa awa aum. “Iitta. Gemu amu na da ami bia hekkut. I amuppa kobol tutukku oh elele mettagnih,” awa aum. Awa a amu Jon nug Jesus oɗe dim lamittom.

Jon 10:18

Laa nug heeb, bau dahil iitta mekkunu am iitta; da dakka dahil bau heppi iitta mekku. Da dahil bau dayak heppi iitta mekkunu ehah ele, amu da bau dayak dahil eɗue aokkulnu, da ehah amu ele. Da haknunab anak amu Mamenu aomi,” awa aum.

Jon 15:10

Da Mamenu haknunab anak dim lamittette, nuhig oo mauhak ooppa daattem, amubia ag dahil haknunab dim lamidkkulag amu, ag haen oh dahil oo mauhak ooppa daaglag.

Jon 4:34

Ag anam mattieg amu, Jesus Nug aum. “Laa Nug da meiɗe uɗimi ele, da nuhig dabmaknab awak hekkulnu, da nuhig uɗat oh hein malakkulnu, amuam ee dahil.

Jon 6:38

Aɗinu? Da hab attannu wanppa uɗimi amu, da dahil dabmaknab awak dim lamidkkulnu ii uɗimi. Iitta. Da am laa, Nug da meiɗe uɗimi ele, da nuhig dabmaknab awak dim lamidkkulnu uɗimi.

Pilipai 2:8

Nug danab beɗu awa, Nug nukka Nug onig qe ne, Kayak oɗeib dim lamitte ukke, Nug mauhom. Amge Nug danab oh mauhtteb bia ii mauhom. Iitta! Nug ad emaitakppanab mauhom.

Hibru 1:2

amge Nug gemu, gog tak haen imuppa amu, Nug Bekka oɗeppa ig amenigppa nai mattiom. Kayak Nug Bekka Nug aug daakkunu Nug keeke oh aokkunu aum, amu nuhigppa Nug keeke oh ele hattom.

Hibru 1:5

Kayak Nug engel dilag inam iinab aum. “Na am da Bekkal, gemu da na Mamen bemi daattem.” Iitta. Laa amu Kayak Nug engel laippu laa nuhignu, “Da nug Mameg daakkul; nug da Bekkal daakku,” ii aum amunu, ig nai amuppa Jesus Nug engel eɗadtte anidttem.

Hibru 1:8

Amge Kayak Nug Bekka amegppa inam aum. “O Kayak, ɗo maɗoɗ na kalame ele am hanhan daakku. Ao, nahip ɗo maɗoɗppa amu, genab tutukku hak kobol am anuqak daakku.

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.