Hibru 5:14 - Nobonob Baibel

¹⁴ Amge ee ɠagattag am danab kalulag ele, ahilagnu daatte. Danab anam amu, ahilag dabmak am okkai meum, ag dabmak elele aon oitteb amunu, ag kobol ena, nau ele epeɗin dooglagnu elele.

Hibru 5:14 ပူးပေါင်းရင်းမြစ်များ

Genesis 3:5

Kayak dootte, haen aa ad amu meu lakkulah amu, aa keeke ena, nau ele dooyya, Nug bia daaglah amunu, ⌊Nug ɗo meum⌋,” awa aum.

2 Samuel 14:17

Amu da, nahip maɗi ah, da ele dabmemi. ‘Dahil naɗi, dahil king, nug Kayaknu engel bia, nug aɗi kobol am ena, aɗi kobol am nau amu, nug oo maittak awaknu ehah awom daatte amunu, nug heeb, da oolppa uug iitta, maɗoɗ ele daakkul,’ aakku dabmemi,” awa aum. Nug anam awowa amu, nug nai tuɗitta, Dawit amegppa aum. “Yawe, Nug nahip Kayak amu, Nug na ele daaglahnu ool daatte,” awa aum.

1 King 3:11

Aakku Kayak Nug Solomon amegppa aum. “Na da heppi, na wanppa bauklel haen elab daakkutnu oɗ ii meɗame. Na da enub kuɗum medakkulnu ele oɗ ii meɗame. Amu na da nahipad kekeɗ amu, da eheɗ hadappi mauhkkulagnu ele oɗ ii meɗame. Iitta! Na nahip gumak uɗat henana, na nai doya mala hettoɗia epeɗia elele mettak kobol elele hekkutnu, oo maittak awaknu ehah medakkulnu oɗ meɗame

1 King 3:9

Anam amunu, da, nahip maɗi nid, da danab ah imu gumadkkulnu, da aɗi keeke am ena, aɗi keeke am nau ele dookkulnu, na da oo maittak awaknu ehah meɗakkutnu ool daye, oɗ medattem. Aɗinu? Auntai nug nukka, nuhig doyakppa danab ah huanak imu ena, elele gumadkkunu elele?” awa aum.

Job 12:11

Ig daunigppa nai doottem. Ao, ig lemaɗunigppa eenu miti doottem.

Job 34:3

Danab nug miti ena, o nau dookkunu ee lemaɗuppa nakok ya, amuppa mitinu ma anttak medatte, amubia danab nug daugppa nai doya, nai ena, o nau ma anttak medatte amunu,

Job 6:30

Da hambuppuak nai laa madittemte? Ao, da keeke laa anttena, da keeke amunu kobol nau, o kobol ena anidkkulnu, da oo maittak awaknu ehah iittate?

Sam 119:103

Danab laa nug keeke ubuhi ele lakkunu oo huana hette, amubia da nahip nainu ool huananab hette. Uppuh leppu am ubuhi elenab, amge nahip nai am ubuhi huanaknab ele.

Solomonnu Ahi 1:3

Leppu muttuɗig ena ele na laidttem am muttuɗig enanagnab ele. Ao, laa nug leppu muttuɗig ena ele amu gokkaɗeb, muttuɗig huana okku, am na onin am amubia. Ge, am anam, am diig amunu ah bau na waatad daatteb ele, ag nahipnu oolag mauhtte!

Solomonnu Ahi 2:3

Apel adnu dadppa, apel ad laa am apel ad laa oh eɗattak daatte; apel ad laa anam daatte bia amu, laa, nug dahilnu oo mauhtte, nug apel ad amubia nid bau laa oh oolagppa eɗattak daatte. Da apel ad amu waappa, logoppa daakkulnu enanagnab doottem; apel ad meu lakkulnu ele ena doottem. Anamib, da danab dahil ele daagnihnu enanagnab doyeye; keeke aɗi nug da meɗatte amu, da amunu ele da oolppa ena doottem.

Aisaia 7:15

Ataɗeb ukkeb, tatam nid amu nug nakok ena ma, haen nug dabmak ele dayaya, nug kobol aɗi am kobol genab tutukku ele, kobol aɗi am kobol nau ele doya, aria dimppa nug uppuh leppu, sis huhppa hak amu lakku.

Matyu 5:48

Anam amunu, ag Mamelag, hab aabppa daatte amu, Nug qa oppiaawak daatte, amubia ag qa oppiaawak dayeg!

Rom 14:1

Aria, danab laa nug ooppa genab doyak nuhig ɠagattag iitta dayeb amu, ag nug aon tamaniak ahilag ooppa omalna noig! Amge ag dabmak laala, dabmak amuam keeke anuqaknu iitta, danab oh ag amunu ele dabmak laippu ii aotteb amu, ag nug ele amunu aib nai appeg ona appeg doum.

1 Korint 2:6

Imuam genab, ig danab Kayak kobolnu kalulag mettak ele, ig ag amelagppa nai doyak dabmak ena ele mehuqttem. Amge nai doyak dabmak ena ele amu, amuam wannu haen imuppan danab dilag doyak dabmak ena ele iitta. Amu wan imunu ikki, ahilag ele iitta. Ag am iitta mekkulag.

Epesus 1:18

Da Nug heeb, ahilag dabmak amahleb, butti aɗi ag aɗi keekenu Nug ag onilagppa eum ele amu, ag amunu dabmak ɠagattag aona, ag maɗoɗppan gamag doon, itittak enanagnab oh Nug nuhikkud danab ah oppiaawak ele oh aoglagnu nai qakka tituanom ele amu, ag amu oh dooglagnu ele unuqidttem.

Epesus 4:13

Uɗat amu ukkeb ukkeb, ig oh oonigppa genab doyaknu, ig oonig laippu meta, Kayak Bekkanu doyak laippu aota, danab kalunig ele beta, ig Kristus bia bekkunig.

Pilipai 3:15

Amu ig oh ig danab kalunig ele daattem amu, ig da nai ami amubia dabmetu! Amu ag dabmak laa ele, dahil bia iitta daappeg amu, Kayak Nug nukka ahilag dabmak tutukku medakku.

1 Tesalonaika 5:21

Nai oh, amu keeke oh ele ag epeɗin, aɗi am ena aakkuib, ag aɗeg!

1 Timoti 4:7

Amge na kaya nai hamu, Kayak nai ii dim lamidtte ele, na amu aib dabmeme. Iitta! Na genab tutukku hak danab daakkutnu amu, na nakka, na anam daakkutnu na ippunittak na mette!

Hibru 6:1

Amunu ig Kristusnu nai digmakppan baubau haen oh ii mattimta. Ig danab kalu mettak ele nai maditte, amubia daagnignu hetu! Amu ig digmaknu nai, amuam ig oonig eɗueb, kobol nau oh genab iitta ele dimettagnignu nai, ig Kayaknu oonigppa genab doognignu nai,

Jems 3:2

Am ig oh haen kuɗum taataɗ qettak hettem, amge danab laa nug nai mattiak nuhigppa eheɗ laa ii hette dayeb amu, nug danab elelenab; nug nuhig meu oh ena atognokkunu elele.