Hibru 5:13 - Nobonob Baibel

¹³ Ig doottem, laa oh ag huhib latteb ele, ag am nid yuɗ daatteb. Amu ag genab tutukku hak kobol iinab dootteb.

Hibru 5:13 ပူးပေါင်းရင်းမြစ်များ

Sam 119:123

Da na ehaniɗppe, da padal ii mepanu na amen haen elab mein dayeye, gemu ele amen mettem. Ao, na genab tutukku hak kobolib hena, na da ehaniɗppe, da padal ii mepanu nai anan qakkame, amu na amu hekkutnu da na amen haen elab mein dayeye, gemu ele amen mein daattem.

Aisaia 28:9

⌊Ag anam henana, ag dahilnu inam atteb.⌋ “Danab imu nug aun, amunu nug ig doyak megakkunu hette? Ao, nug am aun, amunu nug ig diignu doyak tutukku ippunikkunu hette? Ig am nid naunau, anilkad geha iikku huh aɗadppig, ag nai mattiglagnu, dabmak aoglagnu ele elele iitta, ig ag biate?

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Mak 10:15

Da genab ag amelagppa attem. Danab nug Kayaknu ɗo maɗoɗ nid nakok aotte amubia ii aokku amu, nug Kayaknu ɗo maɗoɗ iinab noma,” awa aum.

Rom 2:20

ag, “Kayak Nug ɗo ig mekke, ɗo nug ig doyak diig genabib ippunigtte amunu, ig am doyak amu ele elelenab daattem,” dabmetteb. Ag anam dabmetteb amunu, ag danab laa dabmak tutukku iitta ele dilagppa ippunittak hekkulagnu elele doona, ag nid naunau ippunittak mattaglagnu ele elele daatteb dootteb

1 Korint 13:11

Amu haen da nid nakok dayeye, da nid naunau dilag nai mattimi. Nid naunau keeke dabmedatteb anam da dabmettami. Da nid naunau keeke diig dooglagnu dabmetteb bia, da keeke diig dooglagnu dabmemi. Amge dimppa, da danab okkai mewoya, da nid nakok dilag kobol amu oh da eɗitten, danab okkai dilag dabmak amu da awen daattem.

1 Korint 14:20

O lailad ag dabmaknu amu, ag nid naunau, dabmak tutuib aon oitteb, amubia ag aib oippig, amge ag hipuninnu amu, ag nid yuɗ, hipunin doonna ii hetteb, amubia ag hipunin aib heppig. Ag danab okkai dilag dabmak aon oiyeg!

1 Korint 3:1

O lailad, da ag amelagppa nai mehuqmi amu, da danab Kayak Ouɗi oɗe dim lamidtteb dooglagnu nai mehuqttem bia ii mehuqmi. Iitta. Da nai mehuqmi amu da nai, danab dabmak alag ele dooglagnu mehuqttem, nai amubia ag amelagppa mehuqmi. Ag ahilag Kristusnu dayakppa amu, ag yuɗ daaegeg nai mehuqmi.

2 Korint 3:9

Aɗinu? Ɗo nai, nuhig uɗat am nug ig epeɗikka, hipuninnu nob nau aognignu atte, amge nug am binag amahlak oppiaawak ele. Anam daatte amunu, nug tituana nai qakkak bau nug he, danab ah ag genab tutukku hak danab bena daatteb amu, amuam binag amahlak oppiaawak naɗinab iittate?

Epesus 4:14

Amu nai ittag, hambuppuak danab dilag, amu ele heeb, ig uub nug ulah kaɗag haenppa duban he, ukka qa, uɗia qa hette amubia ii hemata. Nid nakok ag amubia hetteb amu ig baula, ag bia ii daamta.

2 Timoti 3:16

Kayak Nug he, nuhig nai oh aakku beum, amu ig Kayaknu danab, ig babaittak daat, uɗat ena oh hekkunignu elele daagnignu, nai amu ig ehanigtte. Attemun ehanigtte? Ig amuppa ippunittak aottem. Ig eheɗ hekkunig dayeb amu, ig daug batak megatte. Ig ena ii oignig dayeb, ib tutukku ippunigtte, amu ig Kayaknu neekkakppa genab tutukku hak danab daagnignu ib ele ippunigtte.

1 Pita 2:2

Amu ag danab laa nug ee enanag laa lana enanag dootte, amubia ag Naɗinu enanag doona, ag Nug bekkod daatteb amunu, ag ena mekkulagnu, nid yuɗ ag huh aoglagnu oolag okkainab daatte amubia, ag Kayak nai, ag amu dooglagnu oolag dayaɗ!

2 Jon 1:11

Aɗinu? Danab aun laa nug nug ele laippu dayaknu ooppa eleleib dootte amu, nug aakku ippunittak danab nau amu ehanitte, hak nau amu aa oh hettep.