Hibru 4:9 - Nobonob Baibel

⁹ amunu, Kayak Nug nuhikkud danab ag hik aon daaglagnu hik awak ⌊enanag, hanhannu ele⌋ babaittom daatte. Amuam deɗ eblaih aɗit elenu hik awaknab ahilag.

Hibru 4:9 ပူးပေါင်းရင်းမြစ်များ

Sam 47:9

Wan atu ohppanu danab okkai ag danab ah Abrahamnu Kayak dim lamidtteb ele, ag Nug ⌊binag okkai mekkulagnu⌋ uɗin, Kayaknu danab ah ele laippu qagmena daatteb. Aɗinu? King laa oh ag ele Kayak waappaib daatteb, Nug ag gumadtte. Kayak Nug attannab daatte. Nug keeke laa oh eɗadtte.

Eksodas 16:30

Nug anam a amu, danab ah ag deɗ ebqak eblaih aɗitppa hik aoppig.

Aisaia 11:10

Haen amuppa am inam daakku. Jesi buɗub nug geha king daakku. Nug pilak laa, pilak amuam ad elab attan ta ukkak galaeg daatte, nug amubia daakku, amu wanppan huu anen anen ohppan danab ah ag geha nuhigppa uɗin, gumidna dona, nug dooglagnu ba daakku. Nug anam dayebeb, wanppan wan ohppan danab ah ag nug gumidna goppeg, nuhig dayaknu aben am binag amahlak oppiaawak ele daakku.

Aisaia 57:2

Danab ah ag oolagppa kaliak laa iitta ele oitteb, ag Kayaknu nai dim lamidtteb amu, ag maɗoɗ aotteb. Ag mauhna, ag maɗoɗ tutukku aon niitteb.

Matyu 1:21

Nug geha nid danab aokku, amu na Nug onig Jesus ataɗkkut. Aɗinu? Nug nuhikkud danab ah, ag ahilag hipuninnu padal ii memananu ehanadkku,” awa aum.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Hibru 11:25

Iitta. Nug amu uua, amu Kayaknu danab ah ele ag oh uug laippu maoglagnu oo dayom. Nug hipunin kobol dim lamitta oiyaya, oo gamag ahak haen tutunuib aokkunu amu, nug oo ii niiom.

Hibru 3:11

Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Kayak Nug anam aum.

Hibru 4:1

Aria, Kayaknu hik awaknu nai, nug amunu nai qakka aum amu, nai amu gemu ele daatte amunu, danab laa ag oolagppanu nug hik awak amu etta ii aomanu amu, ig dabmeta autta aotu!

Hibru 4:10

Aɗinu? Aun nug Kayaknu hik awak aotte, nug uɗat nuhig ii hette. Nug hik aotte, Kayak Nug hab wan ele ha malowa deɗ eblaih aɗitppa hik awom amubia.

Hibru 4:3

Aria ig Jesusnu oonigppa genab doomut ele amu, ig amunu Kayak aum bia aakku Kayaknu hik awak aottem, amge laa ag oolagppa genab ii dootteb ele, Kayak Nug ahilagnu inam aum. “Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Nug hik awak amu ii babaittom amunu, ag ii aoppig am iitta. Nug hik awak amu matu digmak haenppa babaittom daatte. Ag oolagppa genab ii dooppig amunu, ag ii aoppig.

Hibru 4:8

Amu Josua nug danab amu Kayaknu hik awak mattalo amu, Kayak Nug dimppa deɗ laanu ii mattilo

1 Pita 2:10

Anukka amu, ag Kayaknu danab ah ii daappig, amge gemu ag nuhignab danab ah daatteb. Anukka ag ⌊Jesusnu oolagppa genab ii doon,⌋ ag Kayaknu oo gai-iitta doya oo metta ehanittak kobol waappa ii daan, ⌊ag hipuninnu nob nau aoglagnu daappig,⌋ amge gemu amu, ⌊ag Jesusnu oolagppa genab doon,⌋ ag Kayaknu oo gai-iitta doya oo metta ehanittak kobol waappa daan, ⌊ag nob nau amu aoglagnu ii daatteb⌋.

Revelesen 14:13

Aria, da baag laa hab aabppanu doomi amu nug inam aum. “Na nai inam ye! Danab aun aɗi ag Naɗi onignu oolagppa genab dootteb amunu gemu, butti aɗi ele laa heeg, ag mauhtteb ele amu, ag itittak ena aoppig daatteb,” awa aum. Aria, Kayak Ouɗi Nug ele atte. “Ag ahilag uɗatnu hik aoglag. Aɗinu? Ag ahilag hak ena heppig ele amu, amunu nai am ag ele gokkulag,” awa atte.

Revelesen 21:4

Kayak Nug heeb, amelag leb am iitta mekku. Danab ah ag baula ii mauhmana, ag baula ii mahimna, ag baula ii gaamna, amu ag guittak ele baula ii doomna. Aɗinu? Anukkan keeke amu oh iitta meum.”