Hibru 4:12 - Nobonob Baibel

¹² Kayak nai am bauklel, uɗat haaha daatte. Nug am qep laa aeg laih laih ele, uɗat nuhig enanag hette amu, Kayak nai nug uɗat nuhigppa qep amubia eɗidtte. Nug keeke qataiettaknab daattep am okkula aokkunu elele. Danab nug dabmakppa aɗi dabmette, nug ooppa aɗi dootte amu, Kayak nai keeke amu oh epeɗiadtte.

Hibru 4:12 ပူးပေါင်းရင်းမြစ်များ

Sam 110:2

Yawe Nug heeb, na danab ah kuɗum Sionnu gumadppe, nahip gumak am ɠagattag daakku. Ao, na kekeɗ nahipad ag talilidna daatteb gumadkkut.

Sam 119:130

Nahip nai amu, danab ah ag doon, oolag maitte, am ag amahlak madatte. Ao, nahip nai danab ag doyak ii awak ele, am amu dilag diignu doyak tutukku madatte.

Sam 139:2

Da daattem, o hibaitte daattem, haen amuppa na doottem. Na da keeke laanu dab-ii-memi, butti haen adekku dabmekkul amu, na gemu dabmak dahil amu aakku doon malame.

Sam 149:6

Yawenu danab ah amu ag oɗelagppa Kayak binag menana, ag eppelagppa qep elab aeg laih laih oh ele aɗeg!

Sam 45:3

O king ɠagattag ele, na nahip qep elab na heqonppa qakke! Ao, na king, na dagom onig ɠagattag okkai naɗi ele, na keeke amu lamen bia takke!

Prowerb 5:4

Digmakppa danab nug anam ubuhi bia dookku, amge batakppa ah amunu hak am uud ad tiig mua ele bia. Ao, batakppa ah amunu hak am qep aeg laih laih ele, aeg oh am aegnab ele, am amubia daatte.

Eklisiastis 12:11

Danab ag doyak dabmak ena ele, ahilag nai am ad laa aeg hawaɗ hoiyak ele danab ag amuppa makau okkai ebehi ele yaalatteg uɗat hetteb bia. Ao, ahilag nai am ad laa noobppa tutui ɠagattag ye nak ele doɗ guittak mettette gotteb bia. Ahilag nai am Kayak, Nug ig gumigtte, nuhigppanu uɗitte.

Aisaia 11:4

Amge nug geha kobol genab tutukku ele dim lamitta, nug daɗek danab ah dilag nai am epeɗia bappaidkku. Ao, nug nai doya mala hettoɗia epeɗia elele mettak kobol dim lamitta, nug danab ah huu laa ag keekenu tutu meppig daatteb, nug amu dilag nai am epeɗia bappaidkku. Nug ab, geha danab ah kobol nau heppig ag bu aoglag. Ao, nug geha naiib ab, nau hak danab ag mauhkkulag.

Aisaia 49:2

Yawe Nug he, dahil nai am qep aeg elenab bia dayom; Nug keeke enanag laa danab eppegppa dayeye atognotte, Nug amubianab da atognoiɗom. Ao, Yawe Nug heiɗe, da lat doɗo aeg uɗat haknu babaittak daatte, da amubianab nuhig uɗat hekkulnu babaittak daaiyi, danab nug lat aeg nuhig abenppa ma atognotte bia, Nug da atognoiɗtte.

Aisaia 55:11

Gu, sno ele aa hettep amubia, dahil nai, da nai amu da oɗelppa madittem amu, nai dahil amuam anam aakku hekku. Dahil nai amu dahilppa hamu eɗua ii uɗima. Aɗinu? Da aɗi keeke, dahil nai nug keeke amu hekkununab daatte dabmettem amu, anam aakku heeb bekku. Ao, dahil nai nug aɗi keeke hekkunu da ool daatte amu, amunab aakku heeb bekku.” Yawe Nug anam atte.

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

Jeremaia 23:29

Dahil nai am aab aɗu bia. Yo, dahil nai am hama, danab ag aguppa men oeg aoɗa, huppu huppu nette, dahil nai am amubia daatte.” Yawe Nug anam awa atte.

Luk 8:11

Jesus Nug anam ana amu, Nug nai baula tuɗitta aum. “Keeke danab ag dootteb ii dootteb ele ouaqaten ippuanatten mattimi amu, nuhig meu am inam. Ee aeg amu Kayaknu nai.

Jon 12:48

Laa nug da dimeɗa, dahil nai ii aokku amu, nuhig epeɗiak nug aokkunu appa ana daatte. Nai da nug dookkunu mattimi ele amu, nai amu geha gog tak haenppa nug hettoɗiakppa epeɗikku.

Jon 6:51

Bret bauklel ele hab aabppanu uɗiom am da. Am laa nug bret imu latte amu, nug bauklel hanhan daakku. Amu ele bret da wanppan danab ah bauklel daaglagnu madakkul ele imuam, da beɗul,” awa aum.

Aposel 2:37

Ag nai mattie doona, nai amu ag oolagnab yom amunu, ag ahan, Pita, amu totol danab 11 ele ag amelagppa inam appig. “O ig lainkad, geha ig attemtai hekkunig?” aon appig.

Aposel 4:31

Ag unuqidna bagqeeg, lag ag daappig ele amu uɗalele, Kayak Ouɗi ag oolagppa ambe, ag ii baɗana, Kayak nai mehuqppig.

Aposel 5:33

Ag nai amu aeg doonna, ag oppoɗilag be amelag kokoɗ eppe, totol danab 12 aqappeg mauhkkulagnu appig.

Aposel 7:38

Moses nug dimppa Israel ele oh ag atu taɗakppa, Sainai qaukoppa qagmena amu, nug engel, ig mamelkad aɗi ele dilag gamag danab dayeye, engel nug Kayak nai bau dayaknu amu mette, nug awa, ag mattom.

Rom 1:16

Da Jesusnu Nai Enanu amu, da uɗa nak ii doottem. Aɗinu? Nai amuam Kayaknu ɠagattag, amu Kayak Nug amuppa danab aun aɗi ag oolagppa genab dootteb ele, Nug ag eɗua diitte; Juda ag tatam ⌊nai amu⌋ doyegeg, iitta aɗi ag aakku geha dootteb.

1 Korint 1:24

Juda, amu Grik danab ele ag anam hetteb, amge ig danab, Kayak Nug oninigppa ette doottem ele amu, ig Juda danabte, o Grik danabte, amuam keeke hamu, ig doottem; Kristus Nug am Kayaknu ɠagattag, amu Kayaknu doyak dabmak ena ele.

2 Korint 2:17

Danab kuɗum laa ag oinna, Kayak naippa men doɗonu uɗat hetteb ele amu, ig amubia ii hettem. Iitta. Ig Kristusnu daatta, maɗi nid Kayak maatte gotteb bia, ig oonig oppiaawak eleppa Kayak noobppa nai amu mehuqttem.

2 Korint 4:2

Iitta. Ig kobol uɗa nak ele, laa lokkumakppa hetteb amu, ig kobol amu dimettota, hambuppuak kobolppa ele ig ii oittem. Am ig Kayak nainu ele amu ig baolita ii hettem. Iitta. Ig Nai Ena tutukku miag mehuqttem, amu amuppa ig danab oh ig am aun ippuanadttem. Ig amu heut, ag ig Kayaknu neekkakppa attem daattem oolagppa dooglagnu elele.

Epesus 5:13

Amge keeke oh amahlakppa mak daatteb amu, keeke amu ag miag atieg, danab ag anidtteb.

Epesus 5:26

Ge, Kristus Nug tamaniak leppa amu Kayak naippa ele iheb, oppiaawak daakkunu,

Epesus 6:17

Kayaknu eɗua awikkak, ban danab ag ikkilagppa aen hat metteb, amubia ag aon mena, amu Kayak nai, nuhig Ouɗi madatte amu, ahilag qep elab daakkunu ele aon aɗeg!

1 Tesalonaika 2:13

Ig ag amelagppa nai mehuqmut amu, ag wanppanu danab dilag nai bia ii aoppig. Iitta. Ag nai amunu, am Kayak nai, tutukku doonna aoppig amunu amu, ig haen oh Kayak amegppa keeke amunu ele, “Ena heme,” aot attem. Nai amunu amu ag oolagppa genab dootteb ele amu, nug ag oolagppa uɗat ɠagattag heehe, meu aakku bette.

1 Tesalonaika 5:23

Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.

Hibru 13:7

Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!

Hibru 6:5

ag Kayaknu nai doona enanag anana, kobol enanag butti aɗi haen amuppa ahilagppa bekkunu ele dooppig amu,

Jems 1:18

Iitta! Nug nukka dabmak nuhig dim lamitta, Nug nai nuhig doyak diig genabibppanu, Nug amuppa ha, ig Nug danab ag attem daaglagnu dabmeum ele amu, ig amubia daagnignu Nug bauklel ig mekkom.

1 Pita 1:23

Aɗinu? Ag Kayak nai bauklel ele, nai amuam ii iitta mette, hanhan alet ele daatte, ag amuppa ag bau menuak aoeg, ag Kayak, Nug bau hanhan daatte, Nug ii mauhtte, ag Nug bekkod daatteb.

Revelesen 1:16

Nug eppeg naɗiap-ppa amu hoɗoppai eblaih aɗit ele aɗalattom. Qep elab aeg laih laih aeg ele amu, nug oɗeppanu dimittim doum. Nug iɗu amu aam ɠagattagnab naana amahaltte amubia amahalom.

Revelesen 19:15

Ahilag okkai amu qep elab aeg ele, Nug wanppan wan oh aqakkunu, Nug oɗeppanu doa ukkak daatte. Nug aen bu aɗa, bu amuppa Nug danab ah gumadkku. Nug geha grep meu tappa leppu awaknu abenppa grep meu tabakku. Amuam Kayak Nukka Ɠagattag Oh Elenu oppoɗi bak okkainab, amu ippunigtte.

Revelesen 19:21

Buɗiate noeh, nug daup danab laa oh qep elab aeg ele, Nug oɗeppanu doa ukkak daatte, amuppa aqom. Aqe, ai oh ag danab amu oh teppulkad laeg, oolag huanaknab dittiom.

Revelesen 2:16

amunu, na oot eɗuaɗ! Iitta amu, nakok laa ele da na gumitten goppi, qep elab aeg laih laih ele da oɗelppa daatte amu, da amuppa danab amu ele nug qekkunig.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Revelesen 20:4

Amu da sia king laala anadmi. Kayak Nug laala ag hettoɗiakppa danab ah epeɗiadkkulagnu uɗat mattom ele amu, ag sia king laala amuppa daappig. Daaegeg amu da laala ag Jesusnu oolagppa genab doonna, Nug onignu madippig, ag Kayak nai ɠagattag aɗappig amunu ag baalag otaɗppig ele amu, da ag dottolag anadmi. Danab amu ag doɗ dakkuɗ dottog noobppa ii dup nona binag meppig; ag uɗalkadppa eppelkadppa ele nuhig epponak keeke ii aoppig. Danab amu ag eɗun hippaidna bauklel aona, Kristus ele gumak uɗat maɗ 1,000 henan daappig.

Ikki Danab 3:16

Ag nug uɗat amu mettaeg, Ehud nug qep nakok elab laa ha, aeg laih laih oh hoyom. Qep amu elab nuhig am 50 sentimita anam. Amu nug tuɗi laih naɗiap-ppa qakkom. Nug tuɗi laihppa qakkom amunu, lamen nuhig amu tonom.