Hibru 4:1 - Nobonob Baibel

¹ Aria, Kayaknu hik awaknu nai, nug amunu nai qakka aum amu, nai amu gemu ele daatte amunu, danab laa ag oolagppanu nug hik awak amu etta ii aomanu amu, ig dabmeta autta aotu!

Hibru 4:1 ပူးပေါင်းရင်းမြစ်များ

Prowerb 14:16

Danab doyak dabmak ena ele nug Yawenu ebehi oh bodoetta le me, nug kobol nau hekkunu uua oitte; amge danab nug Kayak dab-ii-maama ii dim lamidtte ele nug am oppoɗi paha paha beebe, kobol mauhnoak, dabmak iitta ele hette.

Prowerb 28:14

Danab aun nug hanhan Yawenu ebehi oh bodoetta le mette, nug itittak ena awom daatte; amge aun nug kobol ena hemanu dabmak nuhig ɠagattag ebatte, nug am uugppa notte.

Jeremaia 32:40

Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.

Namba 14:34

Lokkumakppa atu italak danab ag wan atu italkkulagnu maatteg goppig amu, ag deɗ 40 oippig. Anam bia, ag hipunin heeg, ag hipunin hak amunu guittak maɗ 40 batak doon oiglag. Maɗ laippu, amu deɗ anen anen, deɗ 40 wan italna oippig, am amu elele medakku. Ib amuppa amu, da ahilag hak amunu eheɗ doyeye ool ii madattem, ag amu dooglag.’

Matyu 24:48

Amge maɗi nid amu nug danab ena iitta daya, ooppa, ‘Danab okkai dahil nug paha ii uɗima,’ dabmekku dayeb,

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Rom 11:20

Genab! Eppekkud qiialatta awak amu, ag oolagppa genab ii dooppig amunu, Nug ag qiialatta awom. Ag iitta aɗi ag Kristen beppig daatteb ele, ag am oolagppa genab dootteb amunu, ag aakku ena daatteb, amge ag dabmena autna aweg! Ag aib hibguitta heppig. Iitta! Ag Kayaknu ebehilkad oh bodoetta le maɗ!

Rom 3:23

Aɗinu? Ig danab oh ig hipunin hemut amunu, ig Kayak Nug ihinignu ig attem daagnignu dabmeum amu, ig amubia laa ii daattem.

1 Korint 10:12

amunu, danab laa nug ɠagattag hibaitta daatte dabmette ele amu, nug na qemanu dabma auta awaɗ!

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

Galesia 5:4

Am ag ɗo dim lamidkkulag, amuppa Kayak Nug geha ahilagnu, “Genab tutukku hak danab,” awa akkunu dabmetteb amu, amuppa ag aakku Kristus uuppig, ag am Kayaknu ehanittak okkai hamu megatte amu, ag amuppa ii daatteb.

2 Timoti 2:13

Ig nuhignu oo metta ii uuak kobol ii dim lamidkkunig dayeb; Nug nuhig diignu oo metta ii uuak kobol dim lamidkku. Aɗinu? Nug nuhig diig attem daatte, Nug amunu oo metta ii uuak kobol ii dim lamidkkunu elele iitta.”

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Hibru 13:7

Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!

Hibru 3:11

Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Kayak Nug anam aum.

Hibru 4:11

Amunu ig ele hik awak amu aot daagnignu Kayak Nug amunu aɗi atte amu ig hetu! Ig anukka Israel ag Kayak oɗe tappaeg neum bia padal mekkunignu ii hemata.

Hibru 4:9

amunu, Kayak Nug nuhikkud danab ag hik aon daaglagnu hik awak ⌊enanag, hanhannu ele⌋ babaittom daatte. Amuam deɗ eblaih aɗit elenu hik awaknab ahilag.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.