Hibru 3:5 - Nobonob Baibel

⁵ Moses nug am Kayaknu danab ah tamaniak ooppa maɗi nid dayaya, oo metta ii uuak kobol dim lamitta, dimppa keeke bekkunu amu Kayak oɗeppanu awa madittom.

Hibru 3:5 ပူးပေါင်းရင်းမြစ်များ

Nehemaia 9:14

Na ig mamenkad aɗi ag nahip deɗ, nahipnu tituanak daatte, am Sabat, na ag nahip deɗ amu ippunatte doon, na nahip haknunab nai, ɗo iɗu iɗu ele, na nahip maɗi nid Moses amegppa ae, nug ag amelagppa a dooppig.

Sam 105:26

Nug nuhig maɗi nid Moses me, Paro toppa teum. Ao, Nug Aron, Nug nug tituanom amu, Nug nug ele me teum.

Eksodas 14:31

Aria, Israel ag Yawe Nug Isip eɗatta, uɗat naɗi heum, ag amu anidna, ag nuhignu ebehilkad oh bodoetta le me, ag nuhignu, nuhig maɗi nid Mosesnu ele oolagppa genab dooppig.

Eksodas 40:16

Yawe Nug anam aum, aria Moses nug nai amu doya, nug keeke oh Yawe haknunab aum, nug aumbianab aakku heum.

Namba 12:7

Amge Moses, dahil maɗi nid amu, nug dahilad danab ah oolagppa oo metta ii uuak kobol elelenab dim lamidtte amunu, da nug amegppa ib anamppa nai ii madittem.

Matyu 24:45

Jesus Nug anam ana, Nug nai tuɗitta aum. “Maɗi nid laa doyak dabmak ena ele, nug oo metta ii uuak kobol haaha daatte amu, nuhig okkai nug maɗi nid amu nuhikkud maɗi nid laa gumattatta, haenppa ee madakkunu uɗat medakkunu elele.

Matyu 25:21

Anam a amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Luk 12:42

Pita nug anam oɗ mette, Jesus Nug nob ma aum. “Maɗi nid laa, nug doyak dabmak ena ele, nug oo metta ii uuak kobol ele dim lamidtte amu, nuhig okkai nug nuhikkud maɗi nid laa gumattatta, haenppa ee madakkunu elele daatte antta, nug amu hekkunu meum amu,

Luk 24:27

Nug anam amelahppa awowa, Nug Mosesnu naippa digme ukke, Kayaknu propet oh dilag nai ele nuhignu nai aum niitte amu, Nug amu oh diig mehuqom.

Luk 24:44

Nug amelagppa aum. “Anukka da ag ele daatta, da ag amelagppa dahilnu nai oh Mosesnu ɗoppa, amu Kayaknu propet dilag yaakppa ele, nai amu oh bekkuoitte ami,” awa aum.

Jon 5:39

Ag Kayak nai yaak niitte, nai amu ebqena autna aona, ‘Nai amu bauklel hanhannu megatte,’ atteb, amge nai amuam dahilnu aakku atte

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Aposel 7:37

Amu Moses nugib aakku, nug nai imu Israel amelagppa aum. ‘Kayak Nug geha ahilagppanu danab laa da bia nug propet daakkunu epeɗia meeb, ahilagppa gokku,’ awa aum.

Rom 3:21

Amge gemu Kayak Nug he, ig Nug noobppa genab tutukku hak danab ah daagnignu ib laa, ɗo nai, amu propet nai ele aa ib amunu mehuqpiɗ amu, ib amu miag atiom. Ib amuam ig ɗo dim lamidta, Kayak noobppa genab tutukku daagnignu, am ib amu iitta.

1 Korint 4:2

Aria, uɗat gumak danab nug nuhig okkai noobppa ena daakkunu, nug nuhig danab okkai uɗat aɗi aɗi hekkunu atte, nug uɗat amu hekkunu oo metta ii uuak kobolppa hekkuoitte.

Duteronomi 3:24

“O Naɗi Yawe, da nahip maɗi nid. Am na digmena, na onin ɠagattag ele, na ebehin ele ippuniɗme. Am kayak laa habnute, o wannute nug keeke na hettem, nug anam laa hekkunu elelete? Iitta!

Duteronomi 34:5

Yawe anam aum amunu, Moses, Yawenu maɗi nid, nug Moap wanppa Yawe aum bia, appa mauhom.

1 Timoti 1:12

Da Kristus Jesus, ihinig Naɗi, Nug da uɗat imu hekkulnu ɠagattag meɗom amu, da Nug amegppa, “Ena heme,” awe attem. Aɗinu? Nug uɗat imu da eppelppa meeb hekkulnu elele aniɗa, Nug nukka da uɗat imunu tituaniɗom.

Hibru 1:1

Kayak Nug anukka ig mamenkad amelagppa nai haen kuɗum ib laalappa ele propet oɗelagppa aum,

Hibru 3:2

Kayak Nug uɗat amuppa meum amu Nug Kayak oɗe oo metta ii uuak kobolppa dim lamitta heum. Amu Nug anukka Moses Kayaknu danab oolagppa Kayak oɗe tutukku dim lamitta, uɗat heum bia heum.

Hibru 3:4

Amu lag oh danab heeg daatteb, amge keeke ohnu hak diig am Kayak.

Hibru 8:5

Mana mettak uɗat, ag wan imuppa hetteb ele amu, ag hab aabppa Kayaknu mettid lag ooppa kobol niitte amubia dottog aakku hetteb. Nai laa amu ippunigtte am nai anukka Kayak Nug Moses amegppa aum. Nai amuam haen Moses nug Kayaknu mettid haknu peh lag digma hekkunu heehe, Kayak aum. “Da na qaukoppa dottog ippunidmi bianab na heppe, ag keeke amu oh anamib heig!” awa aum.

Hibru 9:24

Amuam Kristusnu mauhakppa beum. Kristus Nug Kayaknu mettid lag ooppa, danab ag eppelagppa heppig ele, Nug amu ooppa ii noum. Iitta! Nug hab aabppanab ukkom amunu, gemu Nug Kayak noobppa miag atia teum dayaya, danab ig ehanikkakka daatte.

Josua 1:15

ag wan ahilag, wan amuam Jodan lenu qaban uɗitteppanu daatte, Yawe, ahilag Kayak, Nug ag madatte ele amu, ag wan amu ahilag daakkunu aon malan, aguppa ena daappeg, ag eɗun uɗin, wan imuppa, wan imuam Jodan lenu kaɗag uɗitteppanu daatte, Yawenu maɗi nid Moses nug ag wan imu mattom amu, ag eɗun uɗin, wan imuppa daaglagnu elele daaglag,” awa aum.

Josua 1:2

“Moses, dahil maɗi nid, nug mauhom, akkunu amu, gemu na, aria Israel danab oh ele ag da wan ag madattem ele, ag wan amu aoglagnu, ag Jodan le mataɗkkulagnu babaitteg!

Josua 1:7

Ge, na ɠagattag daan, na ootppa ɠagattagnab doye! Na aɗi aɗi hekkutnu henana, na enaib hekkutnu na ɗo oh, dahil maɗi nid Moses na mettom ele amu, na amu oh dim lamitte! Na ib apiɗidna, na naɗiap-ppa, o nanehppa aib gome.

Josua 8:31

Nug Israel dilagnu ippunittak nai, Yawenu maɗi nid Moses nug Ɗo Nai Buk, Kayak Nug nai amu Moses amegppa a, Moses nug bukppa yom amu, nug nai amu antta, dim lamitta buuom. Yawe Nug inam amegppa aawo yom. “Qaɗab dahil, men ii otaɗak, amu aen qattippa men laa ii kuhak ele, amuppa buue!” Nug qaɗab he, ag qaɗab amuppa manaknu ofa, amu laippu dayaknu ofa ele Yawenu heppig.

Josua 8:33

Nug anam hewowa amu, nug Israel danab ah obate, ameg aɗit daappig. Obatak aɗit ohppa amu, wan laihnu danab daappig, ikki danab, Israel dilag ehanittak anuqak danab, amu epeɗiak danab, ag ele, ag oh ameg aɗit amuppa nona daappig. Ameg laa amu qauko onig Gerisim ukkakppa dayom, laa amu qauko Ebal ukkakppa dayom. Ameg aɗit amu aa Yawenu Tituanak Nainu Kunup kontrak inak ele laih laih daaeheh, mana mettak danab, ag Lewi buɗub amu, ag kunup amu maoppig ele, ag gamagppa daappig. Danab ah oh ag kunup amu neekkidna daappig. Imu oh am anukka Moses, Yawenu maɗi nid, nug Israel danab ah itittak ena aoglagnu, ag anam daan aoglagnu haknunab aum.

Revelesen 15:3

Ag anam daanna, ag Moses, Kayaknu maɗi nid, amu Sipsip Nag, Nug ele edapiɗ amu, ag amu ettanna inam appig. “O Naɗi Kayak Nakka Ɠagattag Oh Ele, nahip hak am onig, ɠagattag ele, danab antta nug enanag doya dabmak kuɗum aotte. Nahip ib am ib tutukku, genab ele. Na wannu king hanhannu.