Hibru 3:19 - Nobonob Baibel

¹⁹ amunu, ig anidta doottem, ag oolagppa genab ii dooppig amunu, ag Kayaknu hik awak aoglagnu elele iitta.

Hibru 3:19 ပူးပေါင်းရင်းမြစ်များ

Sam 106:24

Israel danab ah ag Kanan noaknu uuppig. Ag Yawe ag ehanadkkunu nai anan qakkom ele, ag nai amu oolagppa genab ii dooppig.

Mak 16:16

Ag mehuqppeg doona amu, danab laa nug ooppa genab doya, layattak aweb, Kayak nug eɗua aokku. Laa nug ooppa genab ii doya amu, nug Kayak noobppa nai ele daakku.

Jon 3:18

Am aun nug nuhignu ooppa genab dootte amu, nug nob nau awaknu hettoɗiakppa ii daatte, amge aun nug nuhignu ooppa genab ii dootte amu, nug aakku nob nau awaknu hettoɗiakppa teum daatte. Aɗinu? Nug Kayak Bekka laippunab, nug nuhignu ooppa genab ii doyom.

Jon 3:36

Am laa nug Kayak Bekkanu ooppa genab dootte ele amu, nug bauklel hanhannu awom daatte. Laa nug Bekka geɗitte amu, nug bauklel hanhannu ii awom. Iitta. Kayaknu oppoɗi bak nuhigppa daatte,” awa aum.

Rom 11:23

Ele amu eppekkud laa, ag ooppa genab ii doyak tuɗidna ii heppeg amu, Kayak Nug eɗua tuɗitteb ag ele ad eppekkud aakku daaglag. Kayak Nug eɗua tuɗitteb daaglagnu elele.

Duteronomi 1:32

Da Nug ahilagnu anamnab heum ami, amge ag amu doon, ag doonna, Yawe, ahilag Kayak, ag nuhignu oolagppa genab doyak uuppig.

2 Tesalonaika 2:12

Danab ah amu ag doyak diig genabibnu oolagppa genab ii dooppig, ag nau hak kobolnu enanagnab dooppig ele, ag anam hena, ag nob nau aoglag.

Hibru 3:12

O lailad, ag lailag laa ag oolagppanu nug dabmak nau, amu ooppa genab doyak ele iitta, amubia oiyaya, Kayak bauklel dimettamanu, ag dabmena autna aweg!

1 Jon 5:10

Danab nug Kayak Bekkanu ooppa genab dootte, nug aakku Kayaknu ippunittak amu awa, nug ooppa daatte. Am laa nug amu ooppa genab ii dootte, nug aakku, “Kayak Nug am hambuppuak danab,” awa atte. Aɗinu? Kayak Nug Bekkanu ippunittom, danab amu nug ooppa genab ii doyom amunu, nug anam atte.

Jut 1:5

Aria, ag dahil nai imu ebqetteb ele amu, ag nai imu oh dootteb, amge ag daulagppa eɗua dokkunu attem. Nai amuam inam. Naɗi Nug Israel danab Isipnu eɗua diiom, amge dimppa Nug danab laa nuhignu oolagppa genab ii dooppig ele amu he, ag padal meppig.