Hibru 3:1 - Nobonob Baibel

¹ Amunu O ig lainkad, ag Kayaknu danab ah oppiaawak ele, Nug ag ig ele hab aabppa daagnignu tituanikkom amu, ag Kristus Jesus, Nug am ihinig ooppa genab doyaknu mana mettak ikki danab, Nug am ihinig ooppa genab doyaknu totol danab daatte ele amu, ag nuhignu atognona dabmena autna aweg!

Hibru 3:1 ပူးပေါင်းရင်းမြစ်များ

Sam 110:4

Yawe Nug nuhig nai ɠagattag qetta aum amu, Nug ii baolima. Nug aum. “Na am Melkisedek bia, mana mettak danab hanhannu daattem,” awa aum.

Aisaia 1:3

Makau okkai ebehi ele ag mamelag dootteb. Donki ag aben adekkuppa mamelag ee madatte, aben amu ag dootteb, amge Israel danab ah ag ⌊da⌋ ii dooiɗtteb. Ge! Dahilad danab ah ag da, ⌊laa iitta, daib ag ehanadttem amu, ag amunu⌋ diignu doyak tutukku iitta ele,” awa atte.

Aisaia 41:20

Da amu hekkulnu diig am, danab ah oh ag imunu dabmak pehettak aon, diignu tutukku doyak aoglag Amuam, da Yawe, da amu hemi. Ao, da, da Israel dilag Kayak Oppiaawak Ele, da amu hemi.” Yawe Nug anam atte.

Aisaia 5:12

Ag hobul hena, hobulppa wain lanana, ag harp, laia, tambarin, amu dumuttum eleppa musik digdignu hetteb. ⌊Ag keeke amu hekkulagnu doon autna aotteb⌋, amge ag Yawe Nug aɗi keeke hette amu, ag amunu dab-ii-metteb. Ao, ag Yawe Nug eppegppa aɗi aɗi hette amu, ag amu iinab anidna dabmetteb.

Esekiel 12:3

Ag anam daatteb amunu, O danab bekka, danab ah amu ag uug naunab genab bekkunu daatte dooglagnu, na wan laappa gona, wan amuppa diia ukka laih me dayak danab dayaknu ⌊ippu hena⌋, na amunppa keeke na gona, appa daakkutnu aon gokkut ele battamppa inan, danab ah amu, ag na anidppeppeg, na daattemppanu ahan, na laih gokkut. Na anam heppe, ag dooglagtai, o iitta. Aɗinu? Ag am nai tappe nak danab ah daatteb.

Esekiel 18:28

Nug hipunin heum, nug amu oh dabmetta, uua dimedatte, diig amunu nug bau daakku. Nug ii mauhma.

Hagai 1:5

Hagai nug nai amu ag matte, dimppa nug nai imu ele mattom. Yawe Nukka Ɠagattag Oh Ele Nug atte. “Ag ahilag haknu pehettan dabmetteg!

Hagai 2:15

Amu gemu, butti aɗi ele ag imu dabmettan autna aweg! Ag ii digmena, Yawenu mettid lag heppig amu, ag attem attem daappig dabmenan dayeg!

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

Jon 20:21

Ag anam doyeg amu, Jesus baula amelagppa aum. “Ag maɗoɗ ele dayeg! Mame Nug da meiɗe uɗimi, amubia da ele ag maatti gotteb,” awa aum.

Jon 20:27

Nug anam awowa, Nug Tomas amegppa aum. “Na eppen doɗoppa da eppel nakok aɗan, amenppa ele da eppel antte! Na eppen bahin, da qettil ele nakok aɗe! Na ooppa genab ii doyak danab bia aib heme. Iitta! Na ootppa genab doye!” awa aum.

Aposel 1:15

Ag anam daanna, haen amuppa Pita nug danab ah ag Jesusnu oolagppa genab dooppig ele, ahilag ebqak 120 anam amu, nug ag oolagppa aha hibaitta Judasnu inam mattiom.

Rom 11:17

Kayak Nug danab laa, nug dattanu olip ad ebekkud laala qiialatta awowa, ebekkud ii qiialattak daappig oolagppa olip dakkuɗ eppeg laa awa tuɗitte bau daatte, amubia Kayak Nug he, ag iitta aɗi ag gemu ena bau daatteb. Ag iitta aɗi ag gemu amu ag am olip dakkuɗ eppeg bia, gemu amu ag ɠagattag, kobol ena ele Kayaknu aotteb, eppekkud diɗippa keeke ena aotteb bia.

Rom 15:27

Am genab ag oolag ena daye, akka ahilag dabmakppa anam heppig. Aɗinu? Ag Jerusalem dilagnu keeke nob eɗua mettak bia hekkulagnu daatte dootteb. Ag anam hekkulagnu dottebnu diig am, Kristusnu nai nug Juda ahilagppanu aha, iitta aɗi dilagppa ukkom amunu, iitta aɗi ag beɗunignu keeke, amuppa Juda danab keeke nob eɗun mattaglag am ena dootteb.

Rom 15:8

Da inam attem. Kristus, Nug Kayaknu nai ig alankad amelagppa qakkatta aum amu, nai amuam genab miag atikkunu, Kristus Nug Juda dilag maɗi nid beum.

Rom 9:24

Amuam ig danab ig Jesusnu oonigppa genab doottem. Nug ig Juda danab amu iitta aɗi danab ele ig anam hekkunignu oninigppa eum.

1 Korint 1:2

i nai imu uɗugppa yaattep. I Kayaknu Kristen tamaniak Korint daatteb, ahilagnu yaattep. Ag Kristus Jesusnu, oppiaawak danab ah daatteb. Nug ag oppiaawak daaglagnu ag onilagppa eum. Amge Nug agib onilagppa ii eum. Iitta! Nug danab ah oh ag wan atu ohppa daana, ag Naɗi Jesus Kristus onigppa unuqidtteb amu, ag oh onilagppa eum. Jesus amu, Nug am ag ig ele, ig oh ihinig Naɗi daatte.

1 Korint 10:17

Bret kunum laippuib daatte, amu ig danab ah kuɗum amuppa beɗunig laippu daattem. Aɗinu? Ig oh am bret laippu amuib lattem.

1 Korint 9:23

Am Nai Ena aha okkai mekkunu, da nai amuppan itittak ena aokkulnu ele, da uɗat anam anam hettem.

2 Korint 1:7

Amu ig ag ena daaglagnu oonigppa genab ɠagattag doottem. Aɗinu? Ag ig ele oh guittak maottem, anam bia ele ag ig ele oh oo mak aottem.

2 Korint 9:13

Ag layag ehanittaknu uɗat imu hekkulag amu, geha ahilag kobol amu heeb, ag am genab Kayaknu danab daatteb am miag atiak bekkulag. Am geha ig lainkad ag ag Korint danab, ag Kristusnu Nai Ena dim lamidttebnu atteb amu, ag genab anam hetteb anidna, ag Kayak binag mekkulag. Aria, geha ag ahilag ehanittak okkai ag madappig doonna amu, danab ag amuppa geha ag oh amu Kayak onig humaglag.

Epesus 3:6

Nai lokkumak dayom amu inam. Gemu Nai Enanu ɠagattagppa ameg laa, amuam iitta aɗi, ag Juda ele laippu ouqak daatteb. Ig oh laippu daattem. Ag anam daanna, keeke oh Kayak Nug Juda aoglagnu nai qakka aum amu, iitta aɗi ag Kristus Jesusnu daatteb ele, ag ele amu aoglag.

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Epesus 4:4

Ig Kristen oh, ig Kristus beɗu daattem, amu beɗu laippuib daatte. Kayak Ouɗi ele laippuib daatte. Amu keeke laa, Kayak Nug ig Kristen, ig keeke laa aognignu dabmak aɗat daagnignu oninigppa eum daatte, amuam bauklel amu, dabmak amu aɗa dayaknu am ele laippuib daatte.

Pilipai 3:14

da hab aabppa gokkulnu wagai mein, qaiedattem. Aɗinu? Kayak Nug da hab aabppa Kristus Jesusnu uɗatppa keeke ena meɗakkunu onilppa eum amunu, da amu aokkulnu anam hettem.

Kolosi 1:12

ag ig Mamenig amegppa, “Ena heme,” akkulag. Aɗinu? Nug he, ag keeke oh, Nug ag aoglagnu tituanom amu, ag amu aoglagnu elele daatteb. Ao, geha ag, amu Kayaknu danab ah oppiaawak ele laa ele, ig oh nuhig ɗo maɗoɗ, amahlak ele ooppa daattem amu, ig oh ele aognig.

Kolosi 1:22

Amge Kristus Nug danab beɗu awa, ad emaitakppa mauhom, ib amuppa Kayak he, ag nuhikkud danab ah oppiaawak ele, ag nuhig neekkakppa ag oolagppa kaliak laa iitta ele, amu eheɗ laa iitta ele daaglagnu ag Nug ele oolag laippu daatteb.

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

1 Tesalonaika 2:12

ig oo ɠagattag qaknu nai ag amelagppa mattitta, ig oo maɗoɗ dayaknu nai ele mattitta, ig ag Kayak Nug oo niitte bia elele oiglagnu nai mattamut. Kayak Nug, Nug ag nuhig ɗo maɗoɗppa, binag amahlak oppiaawak nuhig ele aon daaglagnu ag onilagppa ette.

1 Tesalonaika 5:27

Ig lainkad laa oh nai imu dooglagnu, da Naɗi onigppa ag ag amelagppa ebqekkulagnunab iikku attem.

2 Tesalonaika 1:11

Ig amunu dabmetata, ig haen oh Kayak ahilagnu unuqidttem. Ig Kayak, Nug ag onilagppa eum amu, ig Nug ag ehanatteb, ag nuhig ewak baag amu elele dim lamidkkulagnu Nug unuqidttem. Laa ele Kayak Nug ag ɠagattag matteb, ag kobol ena oh hekkulagnu hetteb ele amu henana, ag uɗat oh Kristusnu oolagppa genab doon hetteb, amu ele genab hekkulagnu ig unuqidttem.

2 Tesalonaika 2:14

Ag ihinig Naɗi Jesus Kristusnu binag amahlak oppiaawak ele ooppa daaglagnu Kayak Nug Nai Enanu mehuqak ihinigppa ag eɗua diiadkkunu ag onilagppa eum.

1 Timoti 6:12

Ban ameg laa amu ban ameg laa ele aa nug eɗidkkulahnu nug mehqettep, amubia na ooppa genab doyaknu wagai men he! Na bauklel hanhannu, Kayak Nug anukka na amu aokkutnu oninppa eum ele amu, na amu ɠagattag aɗe! Kayak Nug na oninppa e, na nahip ooppa genab doyak, danab ah kuɗum amelagppa miag mattime.

1 Timoti 6:2

Begbeg maɗi nid ag Kristen daatteb, ahilkad okkai ag ele Kristen daatteb dayeb amu, ag oh eamakkud daatteb bia, diig amunu ag begbeg maɗi nid ag ahilkad okkainu ena elele doyak uun, ii hemananu aib heppig. Iitta. Ag anen anen ahilag uɗatppa ag laa Jesusnu ooppa genab dootte, Jesus nuhignu oo mauhtte ele, ag nug ehanidtteb amunu, ag uɗat elelenab hekkulagnu daatteb. Na ag anam ippunadna, dabmak maɗettaknu nai a!

2 Timoti 1:9

Kayak Nug ig eɗua awikkom, ig nuhikkud danab ah oppiaawak ele daagnignu oninigppa eum. Nug ihinig uɗat nobnu oninigppa ii eum. Iitta. Nug nukka Nug maittak awom amu, Nug nuhig ehanittak okkai hamu mettak, Kristus Jesusnu uɗatppa beum, Nug amu dabmaama, oninigppa eum. Nug ehanittak okkai hamu mettak amu ig megakkunu anukkanab, keeke ii dayom haenppa, babaitta ig mekkom daatte.

2 Timoti 2:7

Na da attem imunu dabmak aoppeppe amu, Naɗi Nug dabmak nahip matuleb, nai imu oh diig tutukku anidkkut.

Hibru 10:19

Amunu O lailad, ig Jesus tiigppa Kayaknu mettid lag Oo Gunnab Eleppa gokkunignu ib babaittak daatte; ig baɗak iitta nokkunignu elele.

Hibru 10:21

Laa ele amu ig am mana mettak ikki danab onig, ɠagattag ele, Nug Kayaknu danab gumigtte

Hibru 10:23

Amu Kayak Nug keeke hekkunu nai qakka aum amu genab meu bekku amunu, ig Jesusnu ooppa genab doyak ihinigppa keeke ena meu okkunu attem amu, ig dabmak amu ɠagattag aɗat auta aota oitu!

Hibru 13:22

O lailad, uɗug imu tutuib yaami amunu, ag daulag human, ena haknu dabmak maɗettaknu nai yaami imu, ag dooglagnu oɗ madattem.

Hibru 2:11

Laa amu, Jesus Nug he, danab oppiaawak betteb. Amu danab oppiaawak betteb ele, ag Nug ele oh am Mamelag laippu waappa daatteb amunu, Jesus Nug amu dilagnu, “Da lailad,” akkunu Nug uɗa ii nette.

Hibru 2:17

Amunu, diig amunu, Nug Kayak noobppa oo gai-iitta doya oo metta ehanittak kobol, oo metta ii uuak kobol ele dim lamata mana mettak ikki danab daakkunu, amu Nug danab dilag hipuninnu eheɗ haknu nob nau Nug tiigppa iitta mekkunu heeb elele medakkunu elele daakkunu, Nug ib ohppa Nug laikkud bia bekkununab dayom.

Hibru 3:12

O lailad, ag lailag laa ag oolagppanu nug dabmak nau, amu ooppa genab doyak ele iitta, amubia oiyaya, Kayak bauklel dimettamanu, ag dabmena autna aweg!

Hibru 3:14

Aɗinu? Ig Kristus ele tamanit, laippu daagnignu ib am laippuib. Laa iitta. Ib amuam inam. Ig tatam Kristusnu oonigppa genab doomut amu, ig amuib aɗapput ukkeb, mauhak haen ihinigppa ele ooppa genab doyak nuhignu amu aakkuib aɗagnig dayeb, amuppa ig genab Kristus ele tamanit daattem.

Hibru 6:20

Jesus Nug tatam lag oo amuppa ig ehanigkkunu noum. Nug am mana mettak ikki danab, Melkisedek bia hanhannu beum daatte.

Hibru 7:26

Mana mettak ikki danab anam nug ig ehanigkkunu daakkunu am enanag. Nug am oppiaawak, ooppa kaliak laa iitta. Nug oppiak ele, hipunin danab bia ele iitta. Nug onig attannab tak daatte.

Hibru 7:28

Amu ɗo tatamnu am danab gai-iitta tituanatte, ag mana mettak ikki danab daappig, amge nai Kayak Nug nukka Nug onigppa ɠagattag qetta aum, ɗo nai dayeye nai amu beum amu, nai amuppa Kayak Nug Bekka tituanom. Kayak Nug he, Nug Bekka amu Nug mana mettak ikki danab daakkunu elelenab ba, Nug hanhan anamib daatte.

Hibru 9:11

Anam dayom, amge Kristus Nug itittak ena digdig, Kayak megakkunu dabmette ele amu, Nug amunu mana mettak ikki danab daakkunu uɗia dayom. Amu Nug Kayaknu mettid haknu peh lag elelenab, Kayaknu mettid haknu peh lag tatamnu eɗittak amu, uɗat nuhig hekkunu ooppa noum. Kayaknu mettid haknu peh lag amu danab ag eppelagppa ii heppig; am wan imuppan keeke iitta.

Hibru 9:15

Amunu Kayak Nug danab onilagppa eum ele, danab amu ag itittak ena haen ohnu ele, Kayak anukka Nug bekkod madakkunu nai qakka aum amu, ag amu aoglagnu elele daaglagnu, Kristus Nug nug tituana nai qakkak baunu gamag danab daatte. Kayak Nug amu madakkunu elele daattenu diig am Kristus Nug danab ag nug tituana nai qakkak alag waappa daana, hipunin heppig ele, ag hipunin amuppanu uhuqak aoglagnu mauhom.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

1 Pita 3:5

Anukka ah ag Kayak Nug aɗi hekkunu aum amu, Nug genab hekku oolagppa genab doon oppiaawak daadttappig amu, ag ib amuppa heeg, ag iɗulag tuqak daadttappig. Ag Sarah heum bia ag gamulkad waalagppa daappig.

1 Pita 5:1

Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.

1 Pita 5:10

Kayak Nug am ehanittak okkai hamu mettak kobolnu diig daatte, Nug ag Jesus Kristusnu uɗatppa ag geha nuhig binag amahlak oppiaawak hanhan daatte ele, ag amu ooppa daaglagnu onilagppa eum amunu, ag geha uug haen tutuib doonna daappeg, dimppa Nug eɗua heeb, ag eɗun ena daan, ag lag ukku enappa ɠagattag daatte bia ag ɠagattag daaglag.

1 Jon 1:3

Ag uɗug imu ebqetteb ele amu, ag ig ele oh oonig laippu ele nug dootta daagnignu, ig aɗi anidta doomut ele amu, ig ag amelagppa iikku attem. Aria, oo laippu ele nug doya dayak ihinig amu, amuam Mame Kayak, amu Nug bekka Jesus Kristus ele, aa ig ele oh amuppa daattem.

Jut 1:1

Da Jut, da Jesus Kristusnu maɗi nid laa iikku. Da Jems ele i am eamag. Nai imu amu Kayak, ig Mamenig, Nug baekkudppan danab, Nug ag onilagppa eum, ag nuhig oo mauhak ooppa daatteb, Jesus Kristus Nug ag atognoadtte ele amu, da ahilagnu yaattem.

Revelesen 17:14

Medappeg, ag Sipsip Nag ele ban hena, Sipsip Nag Nug ag oh eɗadkku. Aɗinu? Nug am naɗi dilag Naɗi, amu king dilag King. Amu laa Nug ag onilagppa eum, Nug ag nuhig daaglagnu tituanattom, ag nuhignu oo metta ii uuak kobol dim lamidtteb ele, danab amu ag oh Sipsip Nag ele daana, ban eɗidkkulag,” awa aum.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.