Hibru 2:6 - Nobonob Baibel

⁶ Kayak naippa, laa nug amunu inam yom. “Danab ah amu, ag am aɗi daatteb amunu, na ag dabmattanna daattem? Ao, danab bekkalkad, ag am aɗi daatteb amunu, na ag atognoadttem?

Hibru 2:6 ပူးပေါင်းရင်းမြစ်များ

Genesis 50:24

Aria, dimppa Josep nug awakkud amag ele amelagppa aum. “Da mauhkkul hettem, amge Kayak Nug ehanatteb, ag eɗun, Kanan wanppa gokkulag. Kayak Nug Abraham, Aisak amu Jakop ele wan amu madakkunu nuhig nai ɠagattag qa, ag amelagppa mattiom,” awa aum.

Job 15:14

⌊Na, ‘Da beɗulppa aab iitta,’ attem, amge⌋ danabnu amu, laa nug oppiak ele daakkunu elelete? Ge, laa ah oolkadppanu dotteb ele oolagppan laa nug genab tutukku ele hak daakkunu elelete?

Job 25:6

Nuhig neekkakppa kalam, hoɗoppai ele ag enanag iitta anam daatteb amunu, ig danab ig gawat bia daattem amu, ig nuhig neekkakppa ena laa iinab daattem. Ao, ig danab, ig maɗwai bia daattem amu, ig nuhig neekkakppa ena laa iinab daattem.” Bildad nug anam Job amegppa aum.

Sam 144:3

O Yawe, ig danab ig am keeke okkai iitta. Na ig ii atognoiglom am elele, amge na atognoigttem. Ao, danab ah bekkalkad aɗelkad ig, ig oh am keeke okkai iitta. Na ihinignu dab-ii-mena, ii ehaniglom am elele, amge na ihinignu dabmena ehanigttem.

Aisaia 40:17

Yawe noobppa amu, wan atu oh am keeke ii daatte, amubia daatteb. Ao, Nug noobppa wan atu oh am keeke iitta, hamunab, uɗat mettaknu elele iitta, amubia daatteb. Nuhig neekkakppa wan atu oh am keeke nagnagnag, anttaknu elele iitta bia daatteb.

Aisaia 51:12

Amu Yawe Nug atte. “Da, ge da, da oo mak madattem. Danab am keeke gai-iitta, oh mauhtteb amunu, aɗinu ag danabnu baɗadtteb? Ao, aɗinu ag danab bekkalkad, ag gikkiɗah bia paha nauhtteb ele amu, aɗinu ag ag baɗadtteb?

Luk 1:68

“Ig Naɗi, Israel dilag Kayak, Nug binag metu. Aɗinu? Nug uɗia, Israel danab nuhikkud qagaiettakppanu eɗua uhuqak ha mattom.

Luk 1:78

Kayak ihinig Nug oo gai-iitta doya oo metta ehanittak kobol naɗi ele amunu, Nug ig ehanigkku. Geha Nug heeb, hab aabppanu amahlak uɗia, ig amahaligkku.

Luk 7:16

Danab ah oh ag amu anidna, ag Kayaknu ebehilkad oh bodoetta le me, ag Kayak binag mena appig. “Propet naɗi laa ig oonigppa uɗiom. Kayak Nug ig ehanigkkunu uɗiom,” aon appig.

1 Tesalonaika 4:6

ag Kristen ag gappai kobol, mauhnoak oiyak, oo ahak kobol, keeke amu oh hena, lailkad buppualadnana, laanu ah ele ii aomnanu Nug oo daatte. Ig anukka kobol nau amunu nau aomnanu nai mattat, amelagppa mattimut, amu amubia Naɗi Nug danab anam hetteb ele amu nob nau madakku.

Hibru 4:4

Amu Kayak naippa aben laappa Kayak Nug deɗ eblaih aɗitnu inam atte. “Kayak Nug uɗat nuhig oh ha mala, amu deɗ ebqak eblaih aɗitppa Nug uɗat heum ohppanu hik awom.”

Hibru 5:6

Kayak naippa yaak laappa amu, Nug inam ele aum. “Na am Melkisedek bia, mana mettak danab hanhannu daattem,” awa aum.

1 Pita 1:11

Kristus Ouɗi propet, ahilagppa dayom amu, Nug Kristus uug maokkunu, amunu binag amahlak oppiaawak ele dimppa uɗikkunu elenu dabmak mattom amunu, propet ag amunu haen, amu nuhig keeke laa ele hettoɗidttappig.