Hibru 2:13 - Nobonob Baibel

¹³ Nug ele inam atte. “Da nuhignu oolppa genab dookkul.” Nug laa ele inam atte. “Aria da, amu nid naunau, Kayak Nug da meɗom ele amu, da ag ele ig oh iikku daattem,” awa atte.

Hibru 2:13 ပူးပေါင်းရင်းမြစ်များ

Genesis 33:5

Anam gayoya, Esau nug ameg huma, nid naunau, anilkad ele anatta, oɗ meum. “Umu am aun aɗi?” oɗ meum. Oɗ me amu, Jakop nug aum. “Nid naunau umu, Kayak Nug nahip maɗi nid da, Nug dahilnu oo bodoette enanag maɗoɗ ele ha, da meɗom,” awa aum.

Genesis 48:9

Nug anam oɗ mette amu, Josep nug aum. “Nid aɗit imuam, da bekkalaɗ. Da ippa Isip wanppa daaiyi, Kayak da meɗom,” awa aum. Anam a amu, Israel nug aum. “Na omalatppe, da gumiɗya dopeɗ, da aa itittak ena matakkul,” awa aum.

2 Samuel 22:3

Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten, ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daya, Nug dahil padal mak eɗitteb ena dayaknu ehanittak daatte. Nug Padal ii maknu ehanittak dahil daatte; Nug danab laa ag laa guittak nau mauhnoak mettaknu tiigppa daatte amu, nug danab amu eppelagppanu awiɗtte.

Sam 127:3

Antte! Danab bekkod ag am danab mameg aug medatte bia Yawe eppegppanu uɗitteb. Yo, bekkod amu ag am Yawe toppan keeke ena, nob iitta aakku.

Sam 16:1

O Kayak, na da padal mak eɗitten ena daakkulnu ehanittak daattem. Da nahip-ppa ehanittak amu aottem amunu, da na atognoiɗppe ena daakkulnu oɗ medattem.

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Sam 91:2

Da Yawenu miag atiak inam iikku attem. Nug am padal mak eɗitteb ena dayaknu ehanittak dahil daatte. Nug am aab aɗ ɠagattagnab dahil bia ele daatte. Nug am dahil Kayak. Da nuhignu oolppa genab doottem.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Aisaia 53:10

⌊Ag Yawenu maɗi nidnu anam ii helob⌋, amge ⌊ihinig hipunin uhuqkkunu ib laa iitta amunu,⌋ Yawe Nug nuhig maɗi nid nug amu maokkunu aum. Yo, ⌊ihinig hipunin uhuqkkunu ib laa iitta amunu,⌋ Yawe Nug ag nuhig maɗi nid guittak anam mettaglagnu ib babaittom. Yawe Nug he, nuhig maɗi nid nug eheɗ haknu ofa dayom amunu, Yawe Nug heeb, nuhig maɗi nid nug buɗub ele dayaya, buɗub anadkku. Nug dayaya heeb, Yawenu dabmak am ena ma, okkai mekku.

Matyu 27:43

Nug Kayaknu ooppa genab dootte amunu, Kayak Nug nuhignu oo heeb amu, geha iikku Nug ehanittaɗ! Aɗinu? Nug aum, ‘Da Kayak Bekka,’ ” aon appig.

Jon 10:29

Da Mamel Nug ag da meɗom amu, Nug am keeke oh eɗattak. Laa nug Nug eppegppanu ii oqaiatta diima.

1 Korint 4:15

Ag Kristusnu daanna, ag ippunittak danab kuɗumnab ag ehanadkkulagnu diiglagtai. Ag diiglag dayeb am diiglag, amge amuam heeb, keeke laa ii baolima. Keeke ii baolikku, amuam da Jesusnu Nai Ena mehuqi, ag oolagppa genab dooppig amunu, daib ag mamelag daattem; ag mamelkad kuɗum iitta.