Hibru 13:9 - Nobonob Baibel

⁹ Ippunittak bau digdig, am Nai Ena bia iitta amu, ag doon aib dim lamidppig. Aɗinu? Ig Kayaknu ehanittak okkai hamu mettakppa, Nug dim lamidkkunignu ɠagattag aognig am ena. Ig eenu ɗo kuɗum dim lamidta, ɠagattag amu aognignu hekkunig am ena iitta. Danab laala ag anam henan oippig amge ii ehanattom.

Hibru 13:9 ပူးပေါင်းရင်းမြစ်များ

Sam 112:8

Nug ɠagattag daatte. Nug aɗi keeke laanu ii baɗama. Nug nuhikkud kekeɗ ag nena qeppeg, nug anadkku.

Matyu 24:24

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta okkainab, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag agnab hambuppualadkkulagnu hekkulag, amge elele iitta.

Matyu 24:4

Ag anam aeg, Jesus oɗelagppa awa aum. “Danab laa ag hambuppualadmanu ag dabmeig!

Luk 5:38

Ag anam ii hetteb. Danab nug grep leppu bau am doɗ gaɗa nippud bauppa inaglagnuib daatte. Ag anam hekkulag dayeb amu, grep leppu amu doɗ gaɗa nippud ele am ena daaglah,” awa aum.

Aposel 20:30

Am ag akka ahilkad danab laala ag ahan, ag doyak diig genabib baolinna, ag Kristen eeɗadppeg, ahan dim lamadkkulagnu hekkulag.

Aposel 20:32

Am gemu da ag Naɗi eppegppa maatte, nuhig ehanittak okkai hamu megatte, nai amu waappa daaglagnu ele aakku maadttem. Nuhig ehanittak hamu mekkak, amuam heeb, ag ɠagattag, amu keeke, aug bia, Kayak Nug oppiaawak danab madakkunu aum ele, ag amu oh aoglagnu elele.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Rom 14:2

Danab laa nuhig ooppa genab doyak am ɠagattag ele nug ee oh lanan Kayak noobppa ena daatte dootte. Amu danab laa nug ooppa genab doyak nuhig ɠagattag iitta ele, nug Kayak noobppa ena daakkunu nug doɗ teppu ii lamanu dootte amunu nug doɗ teppu ii latte.

Rom 14:6

Amu danab laa nug deɗ laanu gun dootte, danab amu, nug Naɗinu dabmaama anam dabmette. Amu danab laa nug ee oh latte, nug Kayak amegppa, “Ena ha meɗom,” anana latte amunu, nug ele Naɗinu dabmaama anam hette. Aria, danab laa nug ee oh ii latte, nug ele Naɗinu dabmaama, teppu laa lamanu gun mette, amuppa nug ele am Kayak amegppa, “Ena ha meɗom,” awa atte.

1 Korint 6:13

Ee nug ig oonignu daatte, ig oonig nug ee aokkun daatte, amge aa oh am gemunuib. Kayak heeb, aa oh iitta mekkulah. Aria, ee nug ig oonignu daatte, ig oonig ee aokkunu daatte, amge ig beɗunig amu, ig amuppa gappai hekkunignu ii daatte. Iitta. Ig beɗunig am Naɗinu keeke, amu Naɗi Nug ig beɗunig atognotte.

1 Korint 8:8

Amge ee nug ig omaikkeb, Kayak toppa ii gomata. Ig ee laa ii lakkunig dayeb amu, ig anen anen, “Da ee amu ii lattem amunu, da Kayak noobppa elele iitta daattem,” ii amata. O ig ee laa lakkunig dayeb amu, ig anen anen, “Da ee amu lattem amunu, da Kayak noobppa enanag daattem,” amu ele akkunignu elele iitta.

2 Korint 1:21

Amu Kayak Nug, ig ag ele ɠagattag megekke, ig oh Kristusnu danab ɠagattag daattem. Kayak Nug ig goɗen gokkaɗakppa tituanikka,

Galesia 6:1

O lailad, danab laa nug hipunin laa heeb, ag anidna amu ag danab ag Kayak Ouɗi ele, ag danab amu eɗun aoglagnu nai bodoettak eleppa oo babaitteg! Ag aib nuhignu guhuɗittak kobol heppig. Ag oh anen anen ahilagnu dabmeig! Satan nug ag ele eheɗ hekkulagnu oolag eeɗkkunu daatte.

Epesus 4:14

Amu nai ittag, hambuppuak danab dilag, amu ele heeb, ig uub nug ulah kaɗag haenppa duban he, ukka qa, uɗia qa hette amubia ii hemata. Nid nakok ag amubia hetteb amu ig baula, ag bia ii daamta.

Epesus 5:6

Laa nug nai hamu mattiakppa ag eeɗatteb, kobol nau oh amuppa nomananu dabmeig! Aɗinu? Kayaknu oppoɗi bak uɗitte ele am danab oh ag Kayaknu ɗo tappaeg nette ele, ahilagppa daakku

Kolosi 2:4

Amu da danab laa nug nuhig nai ittag ele amge meu iittappa ag eeɗadmanu dabmein, da ag amelagppa nai amu madittem.

2 Tesalonaika 2:17

ag oolag ɠagattag qak dayebeb, ag oiyak ahilag ohppa enaib oiglagnu ɠagattag aoglagnu oonig daatte.

2 Tesalonaika 2:2

Ag, “Naɗi uɗikkunu deɗ aakku malom,” nai amu dooppignu amu, laa nug, “Da propet nai mehuqiqi dootteb,” mattia, tuɗitta nai amu mattie ag nai amu dooppigtai, o iitta danab laa nug, “Kayak ippuniɗom ele amu da ippuanadttem,” mattia, tuɗitta nai amu mattie ag nai amu dooppigtai, o iitta laa nug, “Pol aɗi ag uɗug laa yaan meeg dahilppa uɗie, nai imu amuppa dayom,” mattia, tuɗitta nai amu mattie ag nai amu dooppigtai, amge nai amunu amu ag aib ottaippig, dabmak ele ootot aib dayom.

1 Timoti 6:20

O Timoti, Kayak Nug uɗat na mettom amu na atognona, dabmettanna he! Na nai Kayaknu doyakppanu ii bette, amu doyak hambuppuak, doyak amunu amu wanppan danab ag, “Doyak genab,” atteb amge anam iitta, nai amu ele amu, na keeke aɗit amu aib dim lamidme.

1 Jon 4:1

O gamalad, propet hambuppuak kuɗum ag ihinigppanu qatin gona wan imuppa oitteb amunu, ag danab ag, “Da Kayak Ouɗi oɗe awen madittem,” atteb ele, ag amu oh dilag nai oolagppa genab aib dooppig. Iitta. Ag nai dootteb ele ag ouɗi aun laa nai maditteb ele ehanatte, ag nai maditteb, ag amu pehettan epeɗin, aun nug Kayak Ouɗippa nai maditte anidna, ahilag naiib ag oolagppa genab doyeg!

Jut 1:12

Danab nau amu ag hanhan ag danab nai imu aotteb ele, ag ahilag hobul oo mauhak ele, hobul amuppa ag ele qagmena daanna, ee lanana, ag hobul dubuttid medatteb, amge danab amu ag ii baɗatteb. Ag akka agib ehanadkkulagnu hetteb. Danab amu ag am lombig laa, gu ahilagppanu ii nette; ulah iwalatte gotteb, amubia. Ag am ad, meu awak haenppa meu ii otte bia. Ag am ad bunaɗom, danab ag ad diig hiɗappig bia daatteb.

Jut 1:3

O lailad, da tatam Kayak Nug uɗat naɗi ig eɗua awigkkunu heum ele, da amunu yaakkulnu dabmein aute aomi. Amge gemu amu, da nai imu yaakkulnu duttunak doyeye, da uɗug imuppa ag Kristennu ooppa genab doyak kaboliak daamanu ag wagai mekkulagnu, da ahilag dabmak maɗedakkulnu nai imu yaattem. Kayak Nug haen laippu ooppa genab doyak amu nuhikkud danab ah oppiaawak ele matta malom, baula ii mattama; auntai baolikkunu ele elele iitta.