Hibru 13:7 - Nobonob Baibel

⁷ Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!

Hibru 13:7 ပူးပေါင်းရင်းမြစ်များ

Solomonnu Ahi 1:8

O ah dahil, na am ah enanag, iɗun tuqaknab ele, ah laa oh eɗattak. Amu na da adeppa daakkulnu ii doottem dayeb amu, na sipsip dahilad baelag mattan gona, sipsip gumak danab ag ahilkad peh lag daattebppa tena, na meeme nakkud nahip appa gikkiɗah lakkulagnu atognoatte!

Matyu 24:45

Jesus Nug anam ana, Nug nai tuɗitta aum. “Maɗi nid laa doyak dabmak ena ele, nug oo metta ii uuak kobol haaha daatte amu, nuhig okkai nug maɗi nid amu nuhikkud maɗi nid laa gumattatta, haenppa ee madakkunu uɗat medakkunu elele.

Luk 12:42

Pita nug anam oɗ mette, Jesus Nug nob ma aum. “Maɗi nid laa, nug doyak dabmak ena ele, nug oo metta ii uuak kobol ele dim lamidtte amu, nuhig okkai nug nuhikkud maɗi nid laa gumattatta, haenppa ee madakkunu elele daatte antta, nug amu hekkunu meum amu,

Luk 5:1

Deɗ laa Jesus Nug le ameg Genesaret, le amu ihippa hibaitta dayeye, danab ah kuɗum ag Kayak nai dooglagnu uɗin itun daaegeg,

Luk 8:11

Jesus Nug anam ana amu, Nug nai baula tuɗitta aum. “Keeke danab ag dootteb ii dootteb ele ouaqaten ippuanatten mattimi amu, nuhig meu am inam. Ee aeg amu Kayaknu nai.

Aposel 13:46

Ag anam heppig amge Pol, Barnabas ele aa amunu ii baɗapiɗ. Iitta! Aa nai baɗak iitta ele mattiya amelagppa apiɗ. “Imu genab, i Kayak nai tatam ag amelagppa apuɗ dooglagnunab dayom, amge ag nai bauklel hanhannu imu doon dim lamidkkulagnu uunna, ag akka ag bauklel hanhannu amu aoglagnu elele ii dootteb heeg miag atiak bette amunu, ag imu doyeg! Gemu i ag uuadɗa, iitta aɗi gumadɗa gokkunih.

Aposel 14:23

Anam heyaya amu, aa Kristen tamaniak amu ohppa ikki danab laala otiadya maadpiɗ. Aa ee ohnu kud meya daayya unuqidyaya, aa Kristen tamaniak amu oh diiya, Naɗi, ag nuhignu oolagppa genab dooppig ele amu, Nug eppegppa maadpiɗ.

Aposel 4:31

Ag unuqidna bagqeeg, lag ag daappig ele amu uɗalele, Kayak Ouɗi ag oolagppa ambe, ag ii baɗana, Kayak nai mehuqppig.

Rom 10:17

Amunu ooppa genab doyaknu diig amu Nai Ena doyak, amu haen danab nug Kristusnu nai mehuqtte amu, danab ah ag nai Ena dootteb.

1 Korint 10:13

Eheɗ haknu eeɗak laanab ag beɗulagppa ii bette. Iitta. Danab oh aotteb amuib. Amu Kayak Nug hanhan ehanigkkunu oo metta ii uuak kobol dim lamidtte amu, Nug eheɗ haknu eeɗak haenppa ele ehanigkku. Eheɗ haknu eeɗak amu na eɗidmanu Kayak Nug na ehanitta, eheɗ haknu eeɗak okkainab, na eɗidkkunu elele, amu bemanu amu Nug aib akku. Ge! Haen na eheɗ haknu eeɗak aottem ele amu, haen amunab Nug na eheɗ haknu eeɗak waappa daamnanu ɠagattag medakku, amu amuppa Nug eeɗak amu eɗidkkunu ib medakku.

1 Korint 11:1

Am da Kristus Nug kobol aɗi aɗi heum ele andette, da kobol amu dim lamidttem, amubia ag ele da aniɗnana, da hettem bia heig!

1 Korint 4:16

Da ag mamelag daattem amunu, ag oiyak dahil anidtteb ele amu, ag kobol amuppa oiglagnu dabmak ahilkad maɗedattem.

Pilipai 3:17

O lailad, ag oh antte oo maittak kobol dahil dim lamitteg! Amu ag danab laa ihinig kobol dim lamidtteb ele, ag amu dilagppanu ele dabmak aweg!

1 Tesalonaika 1:6

Ag ihinig kobol dim lamidnana, Naɗinu ele dim lamidppig. Ag uug teppu ele maoppig, amge Kayaknu nai ii uuppig. Iitta. Ag Kayak Ouɗinu maɗoɗppan gamag ahak ele nai amu aoppig.

1 Tesalonaika 2:13

Ig ag amelagppa nai mehuqmut amu, ag wanppanu danab dilag nai bia ii aoppig. Iitta. Ag nai amunu, am Kayak nai, tutukku doonna aoppig amunu amu, ig haen oh Kayak amegppa keeke amunu ele, “Ena heme,” aot attem. Nai amunu amu ag oolagppa genab dootteb ele amu, nug ag oolagppa uɗat ɠagattag heehe, meu aakku bette.

2 Tesalonaika 3:7

Ag akka, haen ig ag ele daatta, ig uɗat heutut anikkegeg, hamu ii daamut ana dootteb, amu ag kobol amu dim lamidkkulag am ena.

2 Tesalonaika 3:9

Ig anam hemutnu diig am, ag ihinigppa anidna oolag maitteb, ag ele bau daaglagnu uɗat hekkulag. Ig totol danab amunu, ig ag oolagppa daatta, ag eppelagppa ee aolomnu ɗo daatte, amge ig anam ii hemut.

1 Timoti 3:5

Am danab laa nug nug baekkudppa atognoatta omalattak ii dootte dayeb amu, nug attemun Kayaknu Kristen tamaniak dabmadatta daakku.

Hibru 13:17

Ag tamaniak ooppa daatteb ele amu, ag ahilkad ikki danab waalagppa daanna, ahilag nai ele dim lamitteg! Ikki danab ag ehanadkkulagnu hena, hanhan ag atognoadnana uɗat hetteb amu, ikki danab amu ag amunu geha Kayak amegppa mehuqkkulag, amunu ikki danab ag uug doomnanu, ag maɗoɗppan gamag ahak dooglagnu amu, ag laa ag ag waalagppa daanna, ahilag nai dim lamitteg! Tamaniak danab ah ag uug doon ikki danab dilag nai dim lamidppeg, ikki danab ag uɗat ahilag hekkulagnu uug doon hekkulag dayeb amu, tamaniak danab ah ag kobol amuppa ehanittak ena ii aomna.

Hibru 13:24

Amu ag ihinig humittak nai ahilkad ikki danab oh mattanna, Kayaknu danab ah oh ele matteg! Amu Kayak baekkudppan danab Italinu ag humittak nai ahilagppa meeg gotte.

Hibru 6:12

Ig ag bahilag iitta daaglagnu oonig ii daatte. Iitta. Ag danab ag oolagppa genab doona, ag oo maɗoɗ doon Kayak oɗe dim lamidna, amu kobol amuppa ag keeke Kayak Nug anukka bekkod madakkunu nai qakka aum, ag amu aotteb amu, ag danab anam baelag mattan ukkeg!

1 Pita 4:11

Ao, danab ag ahilag uɗat oh anidna, Jesus Kristus onigppa ag Kayak binag mekkulagnu amu, danab laa nug Kayak nai mehuqtte ele dayeb, nug Kayak nai tutukku mehuqaɗ! Amu danab laa nug layag ehanidtte ele dayeb, nug ɠagattag Kayak medatte ele amuppa uɗat haɗ! Binag amahlak oppiaawak ele, ɠagattag oh ele hanhan alet ele Jesus Kristus, nuhigppa dayaɗ! Genab.

Revelesen 1:9

Da Jon, da ag lailag, da ag ele ig oh Jesus nuhigppa laippu daat, uug mua ele imu maottem. Da Kayaknu ɗo maɗoɗ ooppa, amunu uɗat haknu, ag ele daattem. Ig oh Jesus ig hekkunignu atte amu, ig nuhig ɠagattag aot daatta, ig tuɗidta, uug doyaya eɗittaknuib dabmak awak kobol dim lamidttem. Da Kayak nai mattimi da Jesus Kristusnu oolppa genab doottemnu ami, amunu ag da nud laa onig Patmos, amuppa meiɗppig.

Revelesen 20:4

Amu da sia king laala anadmi. Kayak Nug laala ag hettoɗiakppa danab ah epeɗiadkkulagnu uɗat mattom ele amu, ag sia king laala amuppa daappig. Daaegeg amu da laala ag Jesusnu oolagppa genab doonna, Nug onignu madippig, ag Kayak nai ɠagattag aɗappig amunu ag baalag otaɗppig ele amu, da ag dottolag anadmi. Danab amu ag doɗ dakkuɗ dottog noobppa ii dup nona binag meppig; ag uɗalkadppa eppelkadppa ele nuhig epponak keeke ii aoppig. Danab amu ag eɗun hippaidna bauklel aona, Kristus ele gumak uɗat maɗ 1,000 henan daappig.

Revelesen 6:9

Amu Sipsip Nag Nug buk itoɗiak qataqak ebqak 5 tolom. Tole amu qaɗab waappa danab ah Kayak nainu oolagppa genab doona, mehuqppig ele amunu, laa ag aqaeg mauhppig ele amu, da ag dottolkad anadmi.