Hibru 13:6 - Nobonob Baibel

⁶ Diig amunu ig ⌊anen anen⌋ ig oonigppa baɗak iitta ele akkunig. “Naɗi Nug da ehaniɗtte amunu, da ii baɗapa. Ao, ⌊Naɗi Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.”

Hibru 13:6 ပူးပေါင်းရင်းမြစ်များ

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

1 King 17:8

Le qaɗaiette amu, Yawe Nug nuhig nai imu Elaiya mettom.

Sam 124:8

Yawe Nug ig ehanigtte. Nug hab, wan ele haatom.

Sam 146:3

Wanppan gumak danab ag na aun, ag na padal memananu ehanidkkulagnu elele iitta, na amu dilag aib ootppa genab doome. Ao, wanppan danab mauhtteb ele, ag na padal memananu ehanidkkulagnu elele iitta, na amu dilag aib ootppa genab doome.

Sam 27:9

O Yawe, na nakka na lokkumidmananu unuqidttem. Ao, na da, nahip maɗi nid, na dahilnu oot nauheb, di-ii-meɗamnanu oɗ medattem. Na am dahil ehanittak daattem. O Yawe, na da di-ii-meɗan, da ii uuiɗmananu na oɗ medattem. Na amu dahil Kayak, na aakkuib da padal mepanu ehanittak daattem.

Sam 33:20

Ig Yawe, Nugib heeb, keeke ena bekkunu dabmak aɗat daat, Nug ameg meta daattem. Ao, Nugib am ihinig ehanittak, ihinig guppiɗ ele daatte.

Sam 40:17

Amge da am daɗek, keekenu tutu mak daattem; Naɗi Nug da dabmeɗakkunu ool daatte. O Kayak dahil, naib dahil ehanittak daattem. Naib na ehaniɗe da qagaiettakppa ii daattem; na da ehaniɗppe padal ii mepanu haen elab ameg mak ii daapanu unuqidttem.

Sam 54:4

Ag anam hetteb amge antte! Kayak Nug da ehaniɗtte. Ao, Naɗi, na da atognoiɗe, da bau daattem.

Sam 56:4

Ao, da Kayak, da nuhig nai binag mettem amu, da nuhignu oolppa genab doottem. Anam amunu, da ii baɗapa. Ge, ⌊Kayak Nug danab dahilppa aɗi hekkulagnu ii uuatteb hekkulag amu,⌋ danab ag aɗi keeke dahilppa hekkulagnu elele iitta.

Sam 63:7

Haen oh na da ehaniɗttem amunu, da na haut waappa dayeye, oo gamag ahak ahi ettaladttem.

Sam 94:17

⌊Yawe Nug da ehaniɗtte.⌋ Nug da ii ehaniɗlo amu, da pahanab mauhlom.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Aisaia 41:14

O ag Jakop buɗub, ag ahilag ɠagattag am maɗuai bia, amge ag aib baɗappig. Ao, ag Israel danab ah ag ahilag ebqak am kuɗum iitta, amge ag aib baɗappig. Da Yawe, da ag ehanadkkul.” Yawe, Nug am ag Israel, ahilag qagaiettakppanu eɗua uhuqaknu ehanittak, Nug ele ag Israel, ahilag Kayak Oppiaawak Ele amu, Nug anam atte.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Epesus 3:12

Ig Jesus Kristusnu uɗat okkai, diig amunu, amu nuhignu ooppa genab doyak, amuppa ele, ig Nug ele ouqeta daattem amunu, ig Kayak toppa gokkunignu ib matulak daatte. Ig gokkunignu ii baɗattem.

Duteronomi 33:26

Moses nug anam awowa nug tuɗitta aum. “Auntai laa Israel dilag Kayak bia iitta. Nug ag ehanadkkunu habppa oitte. Yo, Nug ag ehanadkkunu, Nug lombig attan nuhig sia kingppa dayaya, oitte.

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.

Hibru 10:19

Amunu O lailad, ig Jesus tiigppa Kayaknu mettid lag Oo Gunnab Eleppa gokkunignu ib babaittak daatte; ig baɗak iitta nokkunignu elele.

Hibru 4:16

Amunu uug haenppa Kayak Nug ihinignu oo gai-iitta doya oo mekka ehanikkunu, Nug ig ehanittak okkai hamu megakkunu amu, ig ii baɗatta, Kayak gumitta gotu!

1 Samuel 23:17

“Na aib baɗame! Aɗinu? Mama nug na nitteb mauhkkutnu ib laa ii anidma. Na am Israel dilag king bena daakkut, amu geha da na waatppa nahip ehanittak okkai daakkul. Mama nug amu ele dootte.” Jonatan nug Dawit amegppa anam aum.