Hibru 13:5 - Nobonob Baibel

⁵ Ag oolag men doɗonu aib mauhom. Keeke ag aɗatteb ele, ag amunu elele doyeg! Aɗinu? Kayak Nug aum aakku daatte. Amuam, “Da na ii uuidpa, da na ii paɗaidpa,” awa aum.

Hibru 13:5 ပူးပေါင်းရင်းမြစ်များ

Genesis 28:15

Da na ele daaɗa, na adeppa gokkut amu, da na gumidkkul. Da heppi, na eɗun wan imuppa uɗikkut. Aɗinu? Da na ii uuidpa. Da na ele daaɗa, keeke oh nahipnu hekkulnu nai ain qakkami amu, da hekkul,” awa aum.

Genesis 30:31

Jakop anam a amu, Laban nug aum. “Da na aɗi medakkul?” awa oɗ mettom. Oɗ mette amu, Jakop nug aum. “Na men doɗo meɗakkutnu ool ii daatte, amge na elele doon appe, da sipsip ameg nahip, meeme ameg nahip ele tuɗitten gumadkkulnu

Genesis 31:5

Aa gumidya uɗieh, nug aa amelahppa aum. “Da aa mamelah nug anukka dahilnu ooppa tatam ena doyom bia gemu ii dootte anidttem, amge da mamelnu Kayak Nug da ele daamuɗ.

1 King 6:13

Ele amu, da Israel danab ah oolagppa daakkul. Da ag ii uuadpa!” awa aum.

1 King 8:57

Da Yawe, ihinig Kayak, Nug ig mamenkad aɗi atognoattette oidppig, amubia ig ele oignignu, Nug ig ii uuigmanu ool daatte.

1 Stori 28:20

Amu Dawit nai imu ele Solomon amegppa aum. “Na ɠagattag daan, ootppa ele ɠagattag doon, uɗat amu he! Yawe Kayak, dahil Kayak, Nug na ele daattep amunu, na aib baɗame. Na dabmak qe nak ele aib doome. Na lag amu, danab ah ag appa Yawe noobppa dup nona Nug binag mekkulagnu daakkunu, amu lag amunu keeke ele babaittak daakkunu, na lag amu heppe ukka ukka, gogppa tekkunu, Nug ii uuidma; Nug ehanidkkunu dabmak ii paɗama.

Sam 10:3

Aɗinu? Nau hak danab ag eheɗ henana, en kuɗum aoglagnu dabmenana, ag amu haknu ag akka binalag metteb. Ao, ag danab baubau awaknu hik qak kobol dim lamidtteb binalag mena, ag Yawe Nug eheɗ laa awaknu anak waappa daakkunu anan, dimedatteb.

Sam 119:36

Da keeke nau laalanu ool ittag qeebeb aokkul am nau. Da nahip ɗo doyen dim lamidkkul, amuam ena amunu, na da ɗo nahip dim lamidkkulnu ehah meɗakkutnu oɗ medattem.

Sam 37:25

Anukka da nid bau daami, gemu da kaino memi, amge Yawe Nug genab tutukku hak danab laa uuitte, nukka hamu dayeye ii anidmi. Genab, da nid naunau ahilkad ag enug aqe, ag laa eenu unuqak uɗat heegeg ele ii anidmi.

Sam 37:28

Aɗinu? Yawe Nug danab ah ag nai doya mala hettoɗia epeɗia elele mettak kobol hetteb amu, Nug amu dilagnu oo mauhtte. Nug danab ah ag oolag Nug mettan, amu haknu ii uun oitteb amu, Nug ag ii uuadma. Nug am genab tutukku hak danab hanhan atognoadkku, amge nau hak danab ag buɗulkad iitta daaglag.

Eksodas 2:21

Ag anam heeg ⌊ukke, dimppa amu Jetro nug Moses nug ele oh daaglahnu oo dayom amu,⌋ Moses nug ele appa daaglahnu oo daye, “Ena,” awa a, aakku Jetro nug aɗeg laa Sipora awa, Moses mette, aa ewau matulak aopiɗ.

Eksodas 20:17

Na layap laugnu aib amen qeeb aolomnab dabmak eheɗ aome. Laa amu, na layap wau, o nuhig maɗi nid, o nuhig maɗi ah, o nuhig makau okkai ebehi ele, o nuhig donki, o nuhig keeke laala oh ele amu, na aib amen qeeb aolomnab dabmak eheɗ aome.” Yawe Nug nai amu oh Israel danab ah amelagppa aum.

Prowerb 23:4

Na en okkainab aɗakkutnu uɗat ge iitta aib heme; na amu hemananu na doyak dabmak ena ele aɗan, nagakka atognoitte!

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Aisaia 41:17

Amu Yawe Nug atte. “Haen Israel danab ah, ag am danab ah daɗek, keeke iitta ele bia daatteb amu, haen ag le oug mattin ii anidppeppeg, ag le baalag eheɗnab diiebeb, da Yawe, da ahilag unuqittak doyen ehanadkkul. Ao, da, da ag Israel ahilag Kayak, da ag ii uuadpa. Da ag ehanadkkul

Aisaia 42:16

Da geha dahilad danab ah, ag amelag gaɗuak bia daatteb amu, da ag omaladppi, ib ag anukka ii dooppig ele amuppa gokkunig. Yo, da ag omaladppi, ib ag anukka ii anidppig ele, ig amuppa gokkunig. Da heppi, gatatu ag tonattom daatte amu, gatatu amu oppiak ele dayeb, ag amahlak aoglag. Da heppi, aben qe ta qe nak ele, am uɗem tutukku daakku. Genab, da anam aakku ehanadkkulnu hekkul; da ag iinab uuadpa.

Jeremaia 6:13

Amu Yawe Nug atte. “Juda danab ah oh, danab onig iitta, danab onig okkai ele, ag oh baubau awaknu hik aqeeqe oitteb. Propet danab, mana mettak danab ele ag hambuppuak kobol dim lamidtteb.

Esekiel 33:31

Danab ah amu, ag dahilad danab ah, ag hanhan na noomppa uɗin daanna, nahip nai dootteb, amge ag nahip nai da na medattem amu, ag nai amu ii dim lamidtteb. Aɗinu? Ag oɗelagppaib da dim lamiɗkkulagnu atteb, amge ag ib eheɗppa baubau awaknu hik aqeeqe oitteb.

Matyu 6:19

Wan imuppa amu, keeke laala tiig qe, iitta mette, keeke laala dittuɗ laeg, iitta mette, amu yabhoi danab ele ag lag keeke loppaɗna, keeke yab aotteb amunu, ag wan imuppa en okkai ahilagnu aib qagmeppig.

Matyu 6:25

Anam daatte amunu, da ag amelagppa attem. Ag wanppan bau dayaknu dabmak aqadna, ‘Ig ee le elete daagnig?,’ o iitta beɗulagnu, ‘Ig beɗunigppa takkaknu amu, ig lamen elete daagnig?’ aib appig. Bau dayak amu ee lanakib iitta, beɗu nug lamen takkaknuib ele iitta.

Matyu 6:34

Anam amunu, ag keeke buttinu aoglagnu dabmak aib aqom. Buttinu amu, nukka piɗe nuhig keekenu dabmekku. Am uug laa deɗ amuppa bekku amu, deɗ amunu am aakku elele.

Mak 7:22

baubau awaknu hik qak kobol, oo aeg bak kobol, nai hambuppuak anak kobol, gappai heeb baknu kobol, laan ameg qe oo elele ii dayak kobol, danab laanu baeg qak nai anak kobol, beɗuppa tak kobol, amu Kayak dab-ii-maama hak ele.

Luk 3:14

Anam a amu ban danab laala ele ag oɗ medappig. “Ig amu attem hekkunig?” aon appig. Aeg amu nug amelagppa aum. “Ag danab laa aib duttunattegeg, ag men doɗo madappig; amu laa ag hambuppuna, danab eheɗ laa ii heum ele, ag nug eheɗ heum aib appig. Ag ahilag uɗatnu nob tutukku aona, baubau awaknu aib dabmeppig. Ag aotteb ele amu, ag amunu elele doonna dayeg!” awa aum.

Luk 8:14

Amu ee aeg wan uud keeke qaun ele beppigppa nena qeppig ele, nai amu inam ippunigtte. Danab amu ag nai dootteb, amge ag gona oiyegeg, wan imuppa uug laala, enub awaknu uɗat, amu ameg qak kobol ele, keeke amu oh ag oolagppa he, Kayak nai iitta ma, meu ii otte.

Rom 1:29

Amu ag kobol nau digdig, kobol eheɗ digdig, baubau awaknu hik qak kobol, amu gappai hak digdig ele hetteb. Ag laanu ameg qe oolag elele ii daatte dootteb, ag layag kekeɗ metta duug wak kobol, nug mehqak kobol, layag bubuittak kobol, amu oo aeg bak kobol ele, ag kobol nau amu oh henan daatteb. Ag layagnu dimug nai mattiak kobol,

1 Korint 5:11

Amge da nai aakku yaami, amu diig am inam. Danab laa nug ag ele Kristen tamaniak ooppa laippu laa daattenu atte, amge nug gappai kobol hette, o nug baubau awaknu hik qak kobol dim lamidtte, o nug kayak hambuppuak binag mette, o nug laanu baeg qak nai atte, o nug le ɠagattag la kaaka qette, o nug nai ittag ele mattiaya yabhoi hak danab daatte amu, ag Kristen danab ag danab anambia ele aib tamanippig; ag nug ele ouqak aibnab daappig.

1 Korint 6:10

o aun aɗi ag yabhak kobol hetteb, o aun aɗi ag baubau awaknu hik qak kobol dim lamidtteb, o aun aɗi ag le ɠagattag laeg, kaaka aqatte, o aun aɗi ag baeg qak nai maditteb, o aun aun aɗi ag nai ittag ele mattinna yabhoi hak danab daatteb amu, danab ah amu ag oh Kayaknu ɗo maɗoɗ ooppa ii daamna.

2 Korint 4:9

Am danab nau ag ig eheɗ heigtteb, amge Kayak Nug ig ii uuigtte. Ag ig oikkeg, neta qettem, amge ig nauha auta awaknab ii daattem.

Epesus 5:3

Amge gappai kobol, o iitta kobol dubuttid ele, o iitta baubau awaknu hik qak kobol, amuam ahilagppa nakoknab laa aib dayom. Aɗinu? Ag am Kayaknu danab oppiaawak ele amunu, ag kobol amu hekkulagnu am tutukku iitta.

Epesus 5:5

Aɗinu? Ag dootteb, gappai danab, danab nug ooppa oppiaawak iitta, amu baubau awaknu hik qak danab, danab amu nug kayak hambuppuak dim lamidtte, danab amunu laa nug Kayak, Kristus ele dilah ɗo maɗoɗ ooppa ii daama.

Duteronomi 31:6

Ag ɠagattag daan, ahilagnu aib ottaippig! Ahilagnu aib eheɗ nau baɗappig! Aɗinu? Yawe, ahilag Kayak, Nug ag noolag awa gokku. Nug ag ii uuadma, ag ii paɗualadma,” awa aum.

Duteronomi 31:8

Yawe Nug anuqa gokku amunu, na aib baɗak doome, o na aib ootppa, ‘Da elele iitta,’ doome. Nug na ele daaglah; Nug na ii uuidma, na ii paɗaidma,” Moses anam aakku Josua amegppa aum.

Duteronomi 4:31

Yawe, ahilag Kayak, Nug ag ehanadkku diig am, Nug am danab ah dilagnu oo gai-iitta doya oo matta ehanadtte. Nug ag ii uuadma; Nug ag ii hatteb nauhmana; Nug he, Nug ag mamelkad aɗi ele nug tituana nai qakkak heppig, Nug nug tituana nai qakkak amunu nai genab bekkunu nai ɠagattag qetta aum amu, Nug amu daug ii atima.

Kolosi 3:5

Amunu ag wan imunu kobol, kobol amu ag oolagppa uɗat henana daatteb ele amu, ag kobol amu oh aqappeg iitta meig! Amu da kobol imunu attem; gappai kobol, kobol dubuttid ele, kobol naunu oo ahe ittag doyak, amu baubau awaknu hik qak kobol, amuam kayak hambuppuak binag mak kobol laa aakku, kobol amu ele.

1 Timoti 3:3

Nug le ɠagattag lanak danab, o laa guittak nau mauhnoak mettaknu tiigppa dayak danab ele ii daama. Iitta. Nug am oo bodoettak danab dayaya, nug mehqak ii hema. Nug ele oo men doɗonu aib mauhom.

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

Josua 7:21

Da banppa keeke aomut ooppanu amu, da lamen elab enanag laa Babilon appa heppig antten awe, da 2.3 kilogram silwa, amu gol maha laa, uug nuhig am 600 gram, da amu ele awen uɗimi. Da keeke amu amel qe aolomnab dabmak eheɗ aomi amunu, da akke uɗimi. Da dahil peh waappa, wan ooppa lokkumadmi daatteb. Silwa amu laa oh eɗattak unuqagnab boummi daatte,” awa aum.

2 Pita 2:14

Hambuppuak ippunittak danab amu ag ewau pakkua gappai hak kobol hekkulagnu ah oh neekkadnana daatteb, ag hipunin hekkulagnu oolag ahakib daatte. Ag kobol amu henana, laa ag kobol tutukku dim lamittaknu bodoettak amu eeɗatteh, ag hipunin hetteb. Ag baubau awaknu hik aqeeqe men doɗo awaknu kobol amu, ag amu doon autna aotteb. Ag eheɗ laa awaknu anak waappa daanna oitteb.

2 Pita 2:3

Ippunittak danab hambuppuak amu ag men doɗo baubau awaknu hik aqebeb, ag geha ippunittak kobol genab iitta, ahilag dabmakppanu aakkuib ag ippunadnana, men doɗo aoglagnu hekkulag, amge Kayak Nug ameg ii amuhe niitte. Iitta. Nug ag nob nau madakkunu meum daatte; ag ii eɗidmana.

Jut 1:11

Danab amunu am gadonnab gadon. Ag Kainnu kobol hena oitteb. Ag men doɗonuib dabmena, Balam kobol eheɗ heum bia hetteb. Ag anukka Kora tappe nak ha nauhom, amubia ag anam hena, padal metteb.

1 Samuel 10:7

At amu oh nahip-ppa beeb amu, na aakku dookkut, Kayak Nug na ele daattep amunu, ⌊na nuhikkud danab ah tutukku gumadkkutnu⌋ aɗi uɗat laa anidkkut amu, na aakkud he!

1 Samuel 12:22

Ag Yawe aib dimedappig. Iitta. Ag Nug dim lamidkkulag. Aɗinu? Yawe Nug amunu ena doya, Nug ag danab ah nuhikkud daaglagnu tituanattom amunu, Nug onignu dabmak anuqak awa, Nug ag, ag am nuhikkud danab ah amu, Nug ag uuatta, di-ii-mattama.