Hibru 13:20 - Nobonob Baibel

^20-21 Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!

Hibru 13:20 ပူးပေါင်းရင်းမြစ်များ

2 Samuel 23:5

Kayak Nug da, da baeladppa ele tituanikkom. Ao, Nug he, da Nug ele i nug tituanɗa, nai qakkamuɗ, hanhan daakkunu heum. Nug tituana nai qakkak amu, am hanhan babaittak anamib daakku. Ao, Nug da hanhan atognoiɗebeb, da ena daappi, nug ele heeb, dahil uɗat am elele gokku.

1 Stori 16:17

Nug nai amu Aisak amegppa ɠagattag qetta ana, dimppa Nug nai amu awa, ɗo naippa ma mattia, Jakop amegppa ele nai amuib baula aum. Ao, nug tituana nai qakkak amu Nug awe, Israel ele nug tituanya nai qagapiɗ. Amu nug tituana nai qakkak amuam hanhan daakkunu babaittom.

2 Stori 30:12

King, nuhikkud ehanittak anuqak danab ele ag Yawe Nug ag Pasowanu aɗi hekkulagnu ippuanattom hekkulagnu haknunab appig amu, Juda appa Kayak Nug he, Juda danab ah ag nai amu dim lamidkkulagnu dabmak amu aon dayeg, dabmak amu ɠagattag dayom.

Sam 23:1

Danab nug sipsip gumattak danab daatte, amubia amu, Yawe Nug dahil gumittak daatte. Nug anam daatte amunu, da bau dayaknu keeke oh elele aɗattem.

Sam 80:1

O na ig Israel, na ihinig gumitta danab, na sipsip gumitta danab nug sipsip ameg laa diia, laih gotteb bia na ig Israel anuqna gonana omaigttem amu, na ihinig unuqittak imu dookkutnu oɗ medattem. Na sia king nahip-ppa engel okkai-kerubim aɗit dottolah gamalahppa daattem amu, na heppe,

Eksodas 24:8

Ag anam aeg amu, Moses nug tiig tappiɗ laalappa dayom amu diia, danab ah qaɗelagppa tauɗe ugekke, nug aum. “Yawe Nug nai amu oh matta, amu geha Nug ag ele nai amu atte bia, Nug ag ele nug tituanna nai qagatteb. Aria, tiig imu amu, am nug tituana nai qakkak nai amu ɠagattag qedatte,” awa aum.

Aisaia 40:11

Amu Nug sipsip gumak danab laa nuhikkud sipsip atognoadtte, amubia nuhikkud danab ah atognoadtte. Sipsip gumak danab nug sipsip nakkud diia, momoppa maatta, gamanattatta, anilkad amu qinonob omalatta gotte bia nuhikkud danab ah dilagppa hette.

Aisaia 55:3

⌊O dahilad danab ah,⌋ ag daulag human, da dooiɗna, ag dahilppa uɗieg! Ag bau daaglagnu amu, ag dahilppa doig! Ag anam heppeg, geha da Yawe, da Dawitnu oo mauhaknab doyen dim lamidkkulnu dahil nai ain qakkami amu, da ahilagnu oo mauhaknab amuib dim lamidkkulnu heppi, da ag ele ig nug tituanta nai qagapput, nai qakkak amuam iitta ii mema.

Aisaia 61:8

Yawe Nug atte. “⌊Da ahilagnu anam hekkul.⌋ Aɗinu? Da, da Yawe, da nai doya mala hettoɗia epeɗia elele mettak kobolnu ool mauhtte. Ao, am anam, amge, da yab awak, hipunin hak laa ohnu ele amu da eheɗ nau ninig ele doottem. Da ⌊dahilad danab ah ag da tutukku dim lamiɗtteb ele,⌋ da Yawe, da oo metta ii uuak kobol dim lamitten, ag nob ena madakkul. Da nob ena matten heppi, da ag ele ig nug tituana nai qakkak hanhannu hekkunig.

Aisaia 63:11

Nug anam he, nuhikkud danab ah ag anukka Yawe Nug ag ehanattomnu dabmeppig. Ag Mosesnu haenppa Nug kobol digdig ehanadkkunu heum amu, amuam ag daulagppa doum. Ag amu dabmena, akka akka nug oɗ medappig. “Laa Nug yu gamagppa ib he, ig memetankad aɗi, ahilag okkai Moses ele, ag ib amuppa laih ena goppig amu, Nug gemu adeppa daatte? Laa Nug nuhig Ouɗi Oppiaawak Ele ag oolagppa meum amu, Nug gemu adeppa daatte?

Jeremaia 32:40

Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.

Esekiel 34:23

amu da geha king laippu laa, dahil maɗi nid Dawit, ag madappi, nug ag atognoadkku. Nug geha sipsip gumak danab laa, nug nuhikkud sipsip gumadtte, amubia ag gumadkku.

Esekiel 37:24

Da anam heppi, dahil maɗi nid Dawit, nug ahilag king dayaya, nugib ahilag gumak danab, danab sipsip gumadtte bia, daakku. Anam amu Israel ag dahil ɗo iɗu iɗu elele dim lamidkkulag.

Esekiel 37:26

Amu da Israel danab ah ag hanhan maɗoɗ ele daaglagnu, da heppi, da ag ele nug tituanta nai qakkagnig. Nai qakkak amuam hanhan daakku. Amu da heppi, ag ɠagattag ena daan, huan appatna, kuɗumnab daappeg, da dahil mettid lag ag oolagppa hanhan daakkun mekkul.

Sekaraia 9:11

Da hei, da ag Israel ele ig nug tituanta nai qakkamut. Amu nai qakkak dahil amu, am doɗ tiigppa ɠagattag qak dayom. Ig anam hemut amunu, diig amuppa da geha heppi, ahilagnu laa ag maniguittak danab moɗ naɗi le iitta eleppa daatte, ag amubia daatteb amu, ag amuppa ii daamna.

Matyu 26:28

Imu da tiil, amuppa da nug tituana nai qakkak bau hettem. Da danab ah kuɗum dilag hipunin uhuqen madakkulnu gokkaɗttem.

Mak 14:24

Ag laegeg amu Jesus Nug ag amelagppa aum. “Imu da tiil, amuppa da nug tituana nai qakkak bau hettem. Da danab ah kuɗum dilag hipunin uhuqen madakkulnu gokkaɗttem.

Luk 22:20

Ag ee lana malona, Nug matu heum, amubianab Nug kap awa amelagppa aum. “Kap imuppa da nug tituana nai qakkak bau da tiilppa hettem. Da tiil ag ehanadkkunu gokkaɗttem.

Jon 10:11

Da am sipsip gumak danab ena. Sipsip gumak danab ena nug sipsip ena daaglagnu mauhkkunu dayeb amu, nug mauhkku.

Jon 10:14

Da am sipsip gumak danab ena. Da dahilad sipsip doyadttem, sipsip ag ele da dooiɗtteb,

Aposel 13:30

Ag anam heppig amge Kayak he, Nug eɗua hibaittom.

Aposel 17:31

Aɗinu? Nug wanppan danab ah oh epeɗiadkkunu deɗ aakku otiom daatte. Geha, epeɗiak amuppa amu, Nug nai doya mala hettoɗia epeɗia elele mettak kobol tutukku dim lamittatta, Nug danab ah oh epeɗiadkku. Amu Nug danab laa epeɗiak amu gumakkunu otiom. Danab amu Nug mauhe, Kayak Nug he, Nug eɗua hibaittom amunu, danab oh ag keeke amu genab bekku amu, ag oolagppa genab dooglagnu elele,” awa aum.

Aposel 2:24

Amge Kayak Nug mauhak oolagppanu uhuqa he, eɗua hibaittom. Mauhak Nug aɗakkunu elele iitta.

Aposel 2:32

Aria anam amunu, ag doyeg! Kayak Nug he, Jesus eɗua hibaittom. Ig oh Jesus eɗua hibaittom amu anidmut amunu, ig iikku madittem.

Aposel 3:15

Ag danab ena, Nug bauklel diig, ag Nug qeeg mauhom. Ag qeeg mauhom, amge Kayak Nug he, Nug eɗua hibaitte, i amunu aɗi heehe anttomnu mattiak danab daaɗa, amunu mehuqttep.

Aposel 4:10

Anam dayeb amu, aria gemu ag oh tutukku dooppeg, am Israel buɗub oh ag ele, ag inamib dooglag. Jesus Kristus, Nasaret ted, ag gemu daatteb imu, ag Nug ad emaitakppa atulppig, amge Kayak Nug he, Nug eɗua hibaittom, amu Nug he, danab imu eɗua ena daya oiyeye ag anidtteb.

Aposel 5:30

Amu ag Jesus ad emaitakppa atulna qeeg mauhom amu, ig mamelkad aɗi dilag Kayak Nug he, eɗua hibaittom.

Rom 1:4

Nug doa, ad emaitakppa mauhe, Kayak Ouɗi Nug nuhig ɠagattagppa he, Nug eɗua hibaittom, amu amuppa Kayak Ouɗi Nug he, Jesus Nug am Kayak Bekka miag atia malom; Nug am Jesus Kristus, ihinig Naɗi.

Rom 15:33

Kayak, Nug am maɗoɗ diig, Nug ag oh ele daaglagnu ool daatte. Genab.

Rom 16:20

Haen elab iitta Kayak, Nug am maɗoɗ diig amu, Nug geha Satan tappeb na, ag baelag waappa daakku. Naɗi Jesusnu ehanittak okkai hamu mettak ahilagppa dayaɗ!

Rom 8:11

Kayak Nug he, Jesus eɗua hibaittom ele, Nug nuhig Ouɗi ag oolagppa daatte dayeb, Kayak he, Kristus eɗua hibaittom ele, Nug geha ag beɗulag mauhtteb ele am bauklel, Ouɗi nuhig, ag oolagppa daatte ele, nuhigppa ag madakku.

1 Korint 14:33

Aɗinu? Kayak Nug mauhnoak dayak ii he bette. Iitta. Nug he, oo laippu, maɗoɗ ele dayak bette. Kristen tamaniak qagmak ohppa

1 Korint 15:15

Eɗua hibaittak nai am nai genab iitta daatte daalo, aria ig hambuppuak danab daatta, Kayak nai amu mehuqttem. Aɗinu? Ig Kayak he, Kristus eɗua hibaittom, ig nai amu miag atiak mehuqttem. Amge Kayaknu ɠagattagppa mauhak danab ag eɗun ii hippaidmana, nai amuam genab daalo, aria Kristus ele Kayaknu ɠagattagppa eɗua ii hippaidlo.

1 Korint 6:14

Amu Kayak Nug nuhig ɠagattag amuppa he, Naɗi eɗua hibaittom. Am geha ihinigppa ele Nug anamib hekku; ig ele anam eɗut ahagnig.

2 Korint 13:11

O lailad, da gemu nai bagqein, da ag humadttem. Ag tutukku elelenab bena daaglagnu dabmak aon oiyeg! Ag da nai attem imu doona, ag dabmak laippu aɗan, oolag laippu mena, maɗoɗ dayeg! Ag anam heppeg amu Kayak, Nug oo mauhak diig, oo maɗoɗ diig ele daatte, Nug ag ele oh daaglag.

2 Korint 4:14

Aɗinu? Ig doottem, Kayak Nug he, Naɗi Jesus Nug eɗua hibaittom, anamib geha Nug ig ele, Jesusnu ɠagattagppa ig ele maɗekkeb, ig eɗut hippaidpput amu, Nug ig ag ele oh omaikkeb gota, Nug ele oh laippu ouqak daagnig.

Galesia 1:1

Da Pol, da am Jesusnu totol danab. Da am danab dilag totol iitta. Laa ele amu, danab laa nug da Jesusnu totol uɗat hekkulnu ii meiɗom. Iitta. Jesus Kristus amu ig Mamenig Kayak, Nug Kristus moɗppanu bau maɗettom ele amu, Nug ele, aa aakkuib da meiɗpiɗ.

Epesus 1:20

Ɠagattag amuppa Kayak Nug he, Kristus Nug eɗua hibaitte, Kayak he, Nug hab aabppa Kayak eppeg naɗiap-ppa daatte.

Pilipai 4:9

Amu kobol oh da ag ippuanatti aoppig amu, kobol oh dahilppa ag anidna dooppig ele amu, ag hanhan heig! Ag anam heppeg amu Kayak, Nug am maɗoɗnu diig, Nug ag ele daaglag.

Kolosi 2:12

Ag layattak aoppig, haen amuppa ag Kristus ele laippu ouqena daappig; ag Nug ele oh laippu moɗppa boumak daappig. Ele amu, ag layattak aoppig, haen amuppa ag ele Kayak Nug nuhig ɠagattagppa uɗat he, Jesus eɗua hibaittom oolagppa genab doyegeg, ag Kristus ele oh laippu eɗun hippaidppig daatteb.

1 Tesalonaika 1:10

ag Kayak Bekka Nug hab aabppanu eɗua uɗikkunu haen ameg mettebnu ele maditteb. Nug anukka mauhe, Kayak Nug he, Nug mauhakppanu eɗua hibaittom. Amuam Jesus, Nug dimppanu hipuninnu bu aqak, Kayak eppegppanu uɗitte amu, ig amu aomtanu eɗua awikkom.

1 Tesalonaika 5:23

Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.

2 Tesalonaika 3:16

Naɗi Nug maɗoɗ kobolnu diig, Nug nukka ag hanhan, keeke ohppa, maɗoɗ madakkunu oonig daatte. Naɗi Nug ag oh ele dayeg!.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Hibru 10:29

Aria, anukka danab nug ɗo tippalom amu, ag nug qeppeg mauhkkunu dayom amunu, gemu danab laa nug Kayak Bekka dimedatte ele, nuhignu attemnab? Danab amu nug geha qagaiettak naɗinab anidkkunu elele. Aɗinu? Nug Kristusnu, Nug am keeke hamu doya, Nug tiignu ele, amuppa Kayak Nug nug ele nug tituanya nai qagapiɗ, amuppa Kayak he, danab amu oppiaawak beum, amge danab amu nug tiig amunu keeke oppiaawak iitta doyom. Laa ele amu, nug Kayak Ouɗi, Nug ehanittak okkai hamu mettaknu diig amu, nug nuhigppa ele kobol eheɗnab heum.

Hibru 9:20

Nug aum. “Tiig imu am, nug tituana nai qakkak, Kayak ag dim lamidkkulagnu aum amu, am tituanak nai amu ɠagattag qedatte,” awa aum.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

1 Pita 2:25

Anukka ag am sipsip hetteb, amubia ag ib ettan goppig, amge gemu ag eɗun ahilag gumak danab, sipsip gumak danab bia daatte, ahilag okkai, Nug ag atognoadtte ele amu, ag Nug gumidna uɗippig.

1 Pita 5:4

Anam dayeb amu, haen Sipsip Gumak Danab anuqak eɗua uɗieb amu, ag onig okkai ii nauhtte ele amu aoglag.