Hibru 13:2 - Nobonob Baibel

² Ag aab diig danab iitta diin atognoadkkulagnu ele aib daulag atiom. Anukka laa anam hena, Kayaknu engel diin atognoadppig, amge ag am engel, ag amu oolag ii maittette diin atognoadppig.

Hibru 13:2 ပူးပေါင်းရင်းမြစ်များ

Genesis 18:1

Amu Abraham nug Mamrenu ad ok gukkuattak dayeye, Yawe Nug gumitta neum. Haen amuppa Abraham nug aam anig nug peh lag nuhig odppa dayaya,

Genesis 19:1

Haen amu tueb Lot nug Sodom aabnu aɗ od guguittak dayeye, engel aɗit nopiɗ. Noeheh, Lot nug anata aha, uɗalah tekkunu gumata ukka, gateg qaun o, gomela, iɗu wanppa meum.

2 King 4:8

Deɗ laappa Elisa nug Sunem aabppa ukkom. Aab amuppa ah laa nug enub nakok kuɗum ele dayom. Ah amu nug Elisa uɗieb, nug laugppa nug gamu ele, ag oh daanna, oh ee lakkulagnu nakok eeɗa ha oɗ mettom. Aakku Elisa nug haen oh uɗia, nug ah amu laugppa ee lattom.

Job 31:19

O iitta, oug nau haenppa da laa daɗeknab daya, lamen iitta amunu mauhkkunu heehe antten, lamen laa sipsip dahilad uɗilkadppa hak ii mettalomlob, nug amuppa gakkaɗak awawa, dahilnu gamag ahak doya, itittak ena ii meɗalolob, o iitta, da danab laa nug keekenu tutu ma, lamen elele iitta oiya, eheɗ doye antten, lamen laa sipsip dahilad uɗilkadppa hak ii mettalomlob, nug amuppa gakkaɗak awawa, dahilnu gamag ahak ii doololob,

Aisaia 58:7

Amu ele, ag danab ag ee iitta, enug daatteb amu, ag ee mattanna, laa lag keeke iitta, qati qati oitteb amu, ag amuppa daaglagnu aben matteg! Amu haen ag laa nug lamen iitta dayeb anidna, ag nug lamen metteg! Ag lailkadnab dilagnu aib daulag atiom! Ag keekenu tutu meppeg amu ehanadna matteg!” Yawe Nug anam atte.

Lewitikas 19:34

Ag amu dilagnu amu, ag akka ag ahilkad menuattak ena hadattebbia, ag anamib amu dilag hattan, ag akka ahilagnu oolag mauhtte bia, ahilagnu oolag mauhkkuoitte. Aɗinu? Ag ele am haen laa, Isip wanppa, wan laihnu danab ah daappig. Da am Yawe, ahilag Kayak.

Matyu 25:35

Aɗinu? Anukka da enug iwe, ag ee meɗappig. Da le baal diie, ag le meɗappig. Da aab diig danab iitta daami, ag da ag ele daagnignu onilppa eppig.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Matyu 25:43

Da aab diig danab iitta daami amu, ag da ag ele daagnignu onilppa ii eppig. Da lamen iitta daami, ag da lamen ii meɗappig. Da oɗe ele daami, ag da ii atognoiɗppig. Da maniguittakppa daami, ag gona ii aniɗppig,’ awe akkul.

Aposel 16:15

Nug nai doya oo eɗue layattak awe, nug baekkudppa ele ag layattak aoppig. Lidia layattak awowa, nug ig amenigppa aum. “Ag da Naɗinu oolppa genab doottem elele anidtteb dayeb amu, aria ag uɗin, da laulppa dayeg!” awa aum. Nug anam ana wagai ma he, ig nug oɗe dim lamidta, gota nug laugppa daamut.

Rom 12:13

Kayaknu danab ah oppiaawak ele laa ag keekenu tutu daappeg amu, ag ehanatteg! Laa dilagnu ag nug ehanittak heig!

Rom 16:23

Amu Gaius, da nug laugppa daaiyi, nug da atognoiɗtte, Kristen tamaniak nug laugppa ele qagmetteb amu, nug ele ag humadtte. Amu Erastus, nug am aab imunu men doɗo gumak danab, amu ig lainig Kwartus ele, aa ele ag humadttep.

1 Timoti 3:2

Amunu laa nug Kristen tamaniak gumak ikki danab daakkunu, nuhigppa nai laa ii daakkuoitte. Nug ah laippu gamu aakkuib daya, nug atognoak oiya, nug nukka nuhig oiyak pehettak atognoak kobol haaha, laa nuhignu ena elele dooglagnu elele daya, nug ɗo danab dotteb ele atognoatta, nug danab ah ele nai ippunadkkunu elele daakkuoitte.

1 Timoti 5:10

amu danab ah laa ag nug kobol ena heum, nug nuhikkud nid ena atognoatta omalattom, nug ehanittak kobol dim lamittom, nug Kayaknu danab ah oppiaawak ele atognoattom, nug laa qagaiettakppa daaegeg ehanattom, amu nug kobol ena laala kuɗum heum ele anidtteb dayeb amu, ah qab amu na nug onig ah qab laa, ehanittak aoglagnu onilag ele laippu ye!

Taitus 1:8

Nug amu ii hema. Iitta! Nug ɗo danab aab laappanu uɗippeg amu ehanattaɗ! Nug kobol ena ohnu oo mauhaɗ! Nug nukka nug nuhig oiyak pehettak atognoaɗ! Nug tutukku, oppiaawak ele dayaɗ! Nug nukka beɗu atognoa hagakka awak ele oiyaɗ!

1 Pita 4:9

Ag lailkad dilagnu nug ehanittak kobol naittuɗ mak iitta ele dim lamidna heig!

3 Jon 1:5

O lai gamal, uɗat oh na ig lainkad ehanadna hettemppa, na oo metta ii uuak kobol dim lamidna hettem. Genab, na laa ii doyadttem, amge na ag ele ehanadttem.