Hibru 13:16 - Nobonob Baibel

¹⁶ Amu ag kobol ena hekkulagnu, ag lailkad keekenu tutu mak ele nug ehanittak kobol ele hekkulagnu aib daulag atiom. Aɗinu? Kayak Nug amunu mana mettak bia doya, oo ena daatte.

Hibru 13:16 ပူးပေါင်းရင်းမြစ်များ

Sam 37:3

Na Yawenu ootppa genab doonna, ena hee! Na wanppa daanna amu, na oo metta ii uuak kobol atognonana hee!

Sam 51:19

⌊Na anam hekkut amu⌋, ag mana mettak genab tutukku ele hekkulag. Ao, na enanagnab dookkutnu, ag manaknu ofa hekkulag. Ge, ag makau dawai manadna mettaglag.

Luk 18:22

Nug anam a, Jesus Nug nai amu doya, amegppa aum. “Keeke laippu amuppaib na elele iitta. Na gona, na enun oh meppe, danab laala ag daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona, na eɗun dona, da dim lamiɗe!” awa aum.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Aposel 9:36

Aria aab laa onig Jopa, appa amu ah laa Jesusnu ooppa genab doyaya dayom, nug onig Tabita, Grik naippa amu ag Dorkas atteb. Nug hanhan kobol ena haaha, nug danab ah keeke iitta ele amu ehanattatta, keeke madattom.

Rom 12:13

Kayaknu danab ah oppiaawak ele laa ag keekenu tutu daappeg amu, ag ehanatteg! Laa dilagnu ag nug ehanittak heig!

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.

Galesia 6:6

Danab nug Kayak nai dookkunu ippunittak danab laa waappa daatte amu, nug nuhig keeke ena ohppanu laih nuhig ippunittak danab amu mettaɗ!

Epesus 4:28

Yabhok danab nug baula yabhok hekkunu aib heum. Iitta. Nug uɗat haɗ! Nug amuppa nuhig keeke awa, nug danab aun laa ag keekenu daɗek ele amu, nug ag madakkunu, nug eppegppa uɗat ha, keeke ele dayaɗ!

Pilipai 4:14

Amge ag da ou iun, dahil uug ag ele maoppig amu, amuam kobol ena.

Pilipai 4:18

Ag Epaproditus eppegppa keeke meeg dahilppa uɗiom amu, da awen, da keeke kuɗumnab, elelenab daattem. Keeke ag meɗappig ele, keeke amuam mana mettak muttuɗig ena ele ag Kayak medappig bia daatteb. Kayak Nug mana mettak anam awa amu, Nug oo enanag ele daatte.

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

2 Tesalonaika 3:13

Amge O lainkad, ahilagnu amu ag uɗat ena hak kobolnu aib oolag bahi yeeb uuppig.

1 Timoti 6:18

Laa amu, na danab ah enulag ele ag ena, ao ag kobol ena okkai hena, ag danab ah oo qak iitta ele ehanadna, ag enulag laih oppatna, danab laa ɗo mattaglagnu babaittak daaglagnu haknunab nai ag matteg!

Pilemon 1:6

Am da nahipnu unuqittette, da Kayak amegppa na ig ele oh, ig Jesusnu ooppa genab doyak dim lamidttem ele amu, ig itittak ena digdig oh, ig Kristusnu aottem amu, na amunu diig tutukku dookkutnu ele unuqidttem.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

3 Jon 1:11

O lai gamal, kobol nau aib dim lamidme. Na kobol tutukku ena amu dim lamitte! Laa nug kobol ena hette, nug Kayak ele laippu daattep. Am laa nug kobol nauppa oitte amu, nug Kayak ele laippu iinab daattep.