Hibru 13:13 - Nobonob Baibel

¹³ amunu ig ele aab okkainu aɗ dimittim nuhigppa gota, Nug uɗa nak guittak ele Nug mawom bia maotu!

Hibru 13:13 ပူးပေါင်းရင်းမြစ်များ

Matyu 16:24

Haen amuppa Jesus Nug nuhikkud ippunittak awak danab amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta. Nug nuhig ad emaitak mawa, da dim lamiɗaɗ!

Matyu 27:32

Ag aon gonana, ag wan laa onig Sairini ted onig Saimon uɗappa tena, ag nug duttuna heeg, nug Jesusnu ad emaitak mawom.

Matyu 5:11

Ag da dim lamiɗtteb amunu, haen danab ag amu dabmetteb, ag ahilagnu nai nau anana, ag eheɗ hattanna, nai hambuppuak kuɗumppa ag yaaladna hetteb ele amu, ag dahilad amu, ag itittak ena aoppig daatteb.

Luk 6:22

Ag Danab Bekkalag da, ag da dim lamiɗtteb ele amu, ag da dim lamiɗtteb amunu, haen danab ag amu dabmetteb, ag ahilagnu oolagppa nau ninig ele doon, ag geɗadna, nai nau ahilagnu anana, ag am danab nau ele atteb amu, ag dahilad amu ag itittak ena aoppig daatteb.

Luk 9:23

Anam ana amu Nug nuhikkud ippunittak awak danab oh amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema, nug nuhig ad emaitak deɗ oh mawa, da dim lamiɗaɗ!

Aposel 5:41

Ag anam heeg, totol danab 12 ag Juda dilag hettoɗiak okkai onig Sanhidren, amuppanu dimittim gona, ag maɗoɗppan gamag ahak doona, inam dabmeppig. “Kayak nug ig Jesus onignu uɗa nak, guittak ele aognignu elele anikkom amu, amuam ena.” Ag anam dabmeppig.

2 Korint 12:10

Anam amunu haen da Kristusnu uɗat hekkulnu amu da ɠagattag iitta, haen da Kristusnu uɗat hettem, danab ag amunu da eheɗ heiɗtteb, haen da Kristusnu uɗat hettem, da amunu uug digdig da beɗulppa doottem, amu haen da Kristusnu uɗat hettem, danab ag amunu heeg, da eheɗ daattem ele amu, da haen amuppa oolppa enanagnab doottem. Ao, haen da ɠagattag iitta daattem amu, haen amuppaib aakku da ɠagattagnab daattem.

Hibru 11:26

Nug nob ena, butti aɗi Kayak medakku amunuib dabmeum amunu, nug Kristus onigppa uɗa nak aokkunu ena doya, Isip enubnu amu, nug keeke hamu doyom.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Hibru 12:3

Ag Jesus aɗi ippunigtte am antteg! Hipunin danab anukka ag Jesus kekeɗ okkai medappig, amge Nug ɠagattagnab dayom. Ag gemu oolagppa genab dootteb amu, ag keeke amu dabmena, ag ele aib bahilag yom; ag ebehilag ele aib bodoettom.

Hibru 12:4

Ag am hipunin qeppeg nekkunu ban heppig, amge ban amuppa ag tiilag ii ne mauhppig.

1 Pita 4:4

Gemu ag aakku kobol nau amu baula ii hetteb amunu, danab Kayak baekkudppa iitta, ag ag ele kobol nau amu gemu ii hetteb, ag amu anidna ottaina, ahilagnu nai eheɗ atteb.