Hibru 13:1 - Nobonob Baibel

¹ Ag Kayak baekkudppa daatteb ele amu, ag lailkad dilagnu nug oo mauhak aib uuppig.

Hibru 13:1 ပူးပေါင်းရင်းမြစ်များ

Sam 133:1

Danab ah ag maɗoɗ ele laippu, nug oo awak ena ele daatteb, kobol amuam enanag!

Jon 15:17

Da haknunab imu iikku ag madattem; ag akka akka dilagnu, ag oo mauhak doyeg!!

Aposel 2:1

Aria, haen Juda dilag deɗ okkai onig Pentikos, deɗ amu uɗie, laa Jesusnu oolagppa genab dooppig, ag oh aben laippu appa qagmeppig.

Aposel 4:32

Danab ah ag oolagppa genab dooppig ele ag anam aakku henana, ag oh dabmak laippuppa oolag laippu dayeye, amu danab laa nug keeke ele nug nuhignuib ii aɗom. Iitta. Keekeppa amu ag nug ehanitteg,

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Epesus 4:3

Maɗoɗ kobol ag tamaniadtte, amuppa Kayak Ouɗi Nug he, ag laippu daatteb amu, ag tuɗidna, anam daaglagnu wagai meig!

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

2 Tesalonaika 1:3

O lainkad, ig haen oh Kayak amegppa, “Ena heme,” aot akkunignab. Aɗinu? Ahilag ooppa genab doyak am okkainab mette, amu ag akka akka ag nug oo mauhak doona, tuɗidna huanak hetteb.

Hibru 10:24

Amu ig lainkad dilag, ag danab laa dilagnu oolag mauhkkunu, kobol ena ele hekkulagnu maɗattagnignu, ig amu ele dabmetu!

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

1 Pita 2:17

Amu ag danab oh dilagnu, kobol eleleppa ena elele doyeg! Ag lailkad Naɗinu oolagppa genab dootteb ele, amu dilagnu oolag mauhaɗ! Ag Kayaknu ebehilkad oh bodoetta le maɗ! Ag king binag meig!

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!

1 Pita 4:8

Ag lailkad dilag huana oolag mauhkkunu dabmak ahilagppa anuqak dayaɗ! Aɗinu? Layagnu oo mauhak kobol nug kobol eheɗ kuɗum tone iitta mette.

2 Pita 1:7

Amu ag lailkad ele layam ena daaglagnu kobol aona, ag genab tutukku hak kobol ele ouaqateg! Amu ag oo mauhak kobol aona, lailkad ele layam ena dayak kobol ele ouaqateg!

1 Jon 3:23

Nuhig haknunab nai am inam. Ig Nug Bekka Jesus Kristusnu oonigppa genab doot, Nug ig amenigppa haknunab nai aum, amubia ig lainkad ele nug oo mauhak ele doognigoitte.

1 Jon 4:20

Am laa nug, “Da Kayaknu ool mauhtte” atte, amge nug layagnu nau ninig ele dootte amu, nug am hambuppuak danab. Aɗinu? Danab nug layag laa antta malom ele, nug nuhignu oo mauhak ii dootte dayeb, nug attem ha, Kayak, nug Nug ii anttom amu, nug nuhignu oo mauhak dookku?.

Revelesen 2:4

Amge eheɗ hak nahip laippu imunu da na amenppa iikku attem. Na anukka baubu Kristen beme haenppan na oo mauhak kobol dim lamidna autna autnanab aome, amge gemu oo mauhak nahip amu anam ii daatte.