Hibru 12:9 - Nobonob Baibel

⁹ Amu ag imu ele antteg! Ig oh mamenkad wan imuppanu amu, ag ig ena bekkunignu toligna, bu iqaeg, ig ag hepppignu ahilagnu ena elele doomut. Anam amunu, ig Mamenig hab aabppa daatte ele amu, ig Nug waappanab daatu! Ig anam daatta, bauklel aognig.

Hibru 12:9 ပူးပေါင်းရင်းမြစ်များ

Job 12:10

Doɗ oh ag Nug eppegppa daaegeg, Nug a, ag bau daatteb. Nug a, ag mauhtteb. Ao, danab ah oh ele, Nug ag ulah matte, ag bau daatteb. Nug ii madatte amu, ag mauhtteb.

Eksodas 20:12

Na mamen, anin ele binalah mate! Ge! Na paha ii mauhmananu, na wan laappa, da Yawe, nahip Kayak, da na medakkulnu hettem amu, na appa haen elab daakkutnu, na anam hekkut.

Prowerb 30:17

Laa nug mameg awa awa qedatte; anig oɗe dim lamidkkunu, ‘Am keeke hamunab,’ dootte amu, alɗal nug ameg oolnu noakppa ya lakku. Ao, kaub ag nug beɗu lakkulag.

Aisaia 38:16

O Naɗi, nahip ehanittakppa danab ah ag bau daatteb. Nahip ehanittakppa da ele bau daattem. Na he, oɗe dahil iitta meum. Na he, da ii mauhmi, da eɗuen bau daattem.

Aisaia 42:5

Kayak, Nug Yawe, Nug hab ha, abenppa me daatte; Ao, Nug wan ele ha, wanppan keeke bau daatteb oh ele heum. Nug wanppan danab ah oh bau dayak madatte. Ao, Nug aun aɗi wanppa oitteb amu, nug ag ouɗi madatte. Amu Kayak, Nug Yawe, Nugib nuhig maɗi nid amegppa geha atte.

Aisaia 45:10

Laa nug aha, mameg amegppa ‘Na aɗinu menuiɗme? ⌊Na eheɗ heme⌋,’ atte amu, nuhignu gadonnab gadon. Ao, laa nug aha, anig amegppa, ‘Aɗinu na da dokkulnu guittak doome? ⌊Na nau heme,⌋’ atte amu, nuhignu gadonnab gadon.” Yawe Nug anam atte.

Aisaia 57:16

Amu da hanhan dahilad danab dilagnu nai ii hepa. Da ahilagnu hanhan oo nauhak ii doopa. Aɗinu? Da hanhan nai helom, da hanhan oo nauhak doolom amu, danab ah dahilad ag gai-iitta daalob. Ao, da hanhan nai helom, da hanhan oppoɗi bak doolom amu, danab ah dahilad ag mauhlob.

Esekiel 22:7

Jerusalem danab ah, ag oolagppan laa ag mamelkad anilkad dilagnu, “Keeke hamunab,” dootteb. Ag oolagppan laa ag wan laihnu danab eheɗ hadatteb, amu laa ag ag nid mamelkad iitta ele eheɗ hattana, ag ah qab ele eheɗ hadatteb.

Lewitikas 19:3

Ag anen anen anilkad mamelkad dilagnu ena elele dooglagoitte. Amu dahil sabatnu ɗo da ag mattami amu, ag haen oh dabmettan, amu waappa daaglagoitte. Da am Yawe, ahilag Kayak.

Sekaraia 12:1

Nai imuam Yawe, Nug Israel dilagppanu aum. Yawe, Nug hab abenppa ma, wannu ukku, wan ele ha, Nug danab ah ele bau madatte amu, Nug atte.

Malakai 1:6

Yawe Nukka Ɠagattag Oh Ele Nug mana mettak danab amelagppa atte. “Nid danab nug mameg binag mette; maɗi nid laa nug okkai nuhig noobppa bodoettak daatte. Da am ag mamelag, amge ag da binal ii metteb. Ao, da am ahilag okkai, amge ag dahilnu ena elele ii dootteb. Ag mana mettak danab ag da onilnu, keeke hamununab, dootteb. Ag anam dootteb, amge ag da amelppa atteb. ‘Ig ib adekkuppa na oninnu, keeke hamunab doottem?’ aon atteb.

Namba 16:22

Yawe Nug anam aum, amge Moses, Aron ele aa laippun gatelah qaun o gomelya iɗulah wanppa meya, aa Kayak unuqidya apiɗ. “O Kayak, na danab ah oh dilag Kayak. Na danab laippuib hipunin heeb amu, danab ah oh imu dilagnu oo nauhak doon, eheɗ hadakkutte?” aoya apiɗ.

Namba 27:16

“O Yawe, na aakkuib am Kayak danab oh bauklel madattem. Danab ah nahipad imu, ag sipsip laa ii gumadtte ele bia daamnanu, na danab laa nug ag dabmadakkunu epeɗikkutnu, da na oɗ medattem,” awa aum.

Luk 18:2

Amu Nug inam aum. “Amu aab laappa epeɗiak danab laa nug Kayaknu ebehi oh bodoetta le ii me, danab dilagnu ele dab-ii-madatta dayom.

Luk 18:4

Ah amu nug anam heehe, epeɗiak danab nug laa ehanidkkunu amu, kobol amu nug beɗuppa ii daattom, amge dimppa nug ooppa aum. ‘Da Kayaknu ebehil oh bodoetta le ii me, danab dilagnu ele am da dab-ii-mettem,

Jon 3:6

Danab nug beɗu bau daakkunu, amuam anig mameg dilahppa aotte, amge danab nug Kayak Bekka bekkunu amu, nug amu Kayak Ouɗi eppegppanu aotte.

Aposel 2:30

Dawit nug propet dayom amu, Kayak Nug nukka nuhig nai ɠagattag qetta, Dawit amegppa a, Dawit nug nai ɠagattag qettak amu Kayak oɗeppanu uɗie doyom. Kayaknu nai ɠagattag qettak amuam inam. ‘Dimppa na buɗunppan da king laa otippi ba, nug nahip sia kingppa daakku,’ awa aum. Nug anam a, Dawit doyom, amge

Rom 1:3

Nai ena amuam Kayak Nug bekka, ihinig Naɗi Jesus Kristus, nuhignu nai. Wan imuppan menuakppa amu, Nug Dawit buɗubppa aakku doum.

Rom 9:3

Kayak Nug da lailad, ag am da ele tiinig laippu, Nug ag eɗua diikkunu ool okkai daatte amunu, ib laa elele daalo, ib amuam da eheɗ laa awaknu anak waappa daalom, Kristus da geɗileb, da laih wain padal melom, ib amuppa da Israel danab ah ag Kayak noobppa ena daaglagnu ehanadkkulnu elele daalom amu, da anam helom. Amge ib anam bia laa iitta.

Rom 9:5

Kayaknu danab anukkanu amu, ag am Israel danab memetalkadnab. Amu Kristus ele amu, Nug danab daakkunu, Nug Israel buɗulagppa doum. Nug am Nug Kayak, keeke oh dilag ikki daatte. Ig Nug binag hanhan metu! Genab.

Duteronomi 27:16

Appeg, Lewi buɗub ag inam akkulag. “Aun laa nug mameg, o anig onig he nauhtte, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Jems 4:10

Ag akka ag Naɗi noobppa ag onilag qeppeg neeb oiyeg! Ag anam daanna oiglag amu, Naɗi Nug ag humatta attan maadkku.

Jems 4:7

Anam amunu, ag Kayak waappa dayeg! Ag Satan nug aɗi eheɗ hekkulagnu hette, ag ii hemananu ag ɠagattag hippaidna daappeg, nug ag uuatta, oola gokku.

1 Pita 5:6

Amunu Kayak Nug geha nuhig deɗppa ag humadkkunu, ag akka ag onilag qeppeg neeb, ag Kayak eppeg ɠagattag waappa dayeg!

Revelesen 22:6

Amu engel nug baula da amelppa aum. “Nai imuam genabnab, danab ah oh ag oolagppa genab dooglagnu elele. Naɗi Kayak, Nug propet nuhikkud gumadtte ele amu, Nug nuhig engel me, keeke oh paha bekkulagnu daatte amu nuhikkud maɗi nid ippunadkkunu uɗiom,” awa aum.