Hibru 12:5 - Nobonob Baibel

⁵ Ag oolag ɠagattag qedakkunu Kayak Nug nai laa aum amu ag nai amu ag daulag atiomtai? Nug nai amuppa ahilagnu am Nug bekkod doyaya aum. Nai amuam inam. “O nid dahil, Naɗi Nug na ena bekkutnu tolitta bu nitteb amu, na amunu keeke hamu bia aib doome. Ge, Nug na ena bekkutnu daut bateb amu, na oot bai aib noum.

Hibru 12:5 ပူးပေါင်းရင်းမြစ်များ

Job 34:31

Danab laa nug Kayak amegppa, ‘Da hipunin hemi, beɗulppa aab ele, amge da baula anam ii hepa,’ akku dayeb,

Sam 118:18

Yawe Nug da ena daakkulnu bu ɠagattag da meɗom, amge Nug da mauhpanu ehaniɗe, da ii mauhmi.

Sam 119:109

Kekeɗ ag da hanhan iuglagnu hetteb, amge da nahip ɗonu ii daul atima.

Sam 119:16

Da nahip ɗonu enanagnab doottem. Da nahip nai ii daul atima.

Sam 119:67

Da eheɗ hein, guittak ii aomi haenppa amu, da ib tutukku apiɗitten oimi, amge na bu meɗai, gemu amu da nahip nai dim lamidttem.

Sam 119:75

O Yawe, da imu doottem. Na laa bu medakkutnu henana, na genab tutukku hak kobol dim lamidna hettem. Anam bia amu, na oo metta ii uuak kobol dim lamidna, na da bu meɗame.

Sam 119:83

Genab, da am doɗ gaɗa wain inaknu aab kahppa daya nauhtte bia daattem, amge diig amunu da nahip ɗonu daul ii atitte.

Sam 94:12

O Yawe, danab na toliadna, bu madattem ele amu, ag itittak ena aoppig daatteb. Ao, danab na nahip ɗo ag ippunadttem ele amu, ag itittak ena aoppig daatteb.

Prowerb 3:1

O da bekkal, da aɗi na ippunidttem amu, na aib daut atiom. Ao, na daut atimanu amu, na dahil haknunab nai, nahip dabmakppa meppe dayebeb oiye!

Prowerb 4:5

Da mamel nug nai amu amelppa anana, nug aum. “Na doyak dabmak ena ele, aria diignu doyak tutukku ele aon oiye! Ge, na aib nai dahil imu daut atiom, o na aib dahil nai imunu dekkaɗna laih gome!” awa aum.

Jeremaia 31:18

Amu Yawe Nug atte. “Da genab Israel danab ah ag mahitteb doomi. Ag mahina atteb. ‘Makau nag nug nai ii doyaya, kobol digdig heehe, mameg bu mettom, amubia Kayak, na ig bu anam mekkame. Ig bu aakku aomut. O Yawe, na am ihinig Kayak amunu, na ehanigppe, ig eɗut nahip-ppa uɗignignu oɗ medattem.

Gayak Nai 3:39

Anam amunu, danab auntai laa nug hipunin heeb, Yawe Nug amunu bu metteb; danab amu nug bu mettom, nug amunu naittuɗ mekku dayeb, nug ena hekkute?

Luk 24:6

Nug ippa iitta. Nug eɗua hibaittom,” aoya apiɗ. Aa anam aya amu amelagppa nai tuɗidya apiɗ. “Nai imu haen Nug Galili dayaya, ag amelagppa mattiom amu, ag daulagppa doaɗ!

Luk 24:8

Aria, ag Jesus Nug nai amu anukka amelagppa aum amunu dabmeppig.

1 Korint 11:32

Amu haen Naɗi Nug ig aɗi hettem anikka, Nug ihinig hak amu epeɗitta, ig danab Kayak ii dim lamidtteb ele oh padal ii mematanu, ig ena bekkunignu Nug ig tolikka, bu iqaaqa bappaigtte.

Galesia 6:9

Amunu ig kobol ena hekkunignu amu ebehinig aib bodoettom. Ig ebehinig bodo-ii-edakku amu, aria geha meu awak haenppa ig meu ena aakku aognig.

1 Timoti 1:20

Kobol amunu amu Himeneus, Aleksander ele aa anam hepiɗ. Aa anam heeh, da aa tamaniak ooppanu lamati, dimittim Satan eppegppa wapiɗ daattep, amuppa aa oolah eɗueb, aa baula Kayaknu dabittak nai ii mattimyanu dabmak aoglah.

Hibru 12:7

Nai anam daatte amunu, Kayak ag ena bekkulagnu uug madatte amu, ag anen anen haen amuppa, “Kayak ehaniɗtte,” doona, ɠagattag dayeg! Kayak Nug ahilagnu, Nug bekkodnab doyatta atognoadtte. Danab aun laa nug nid nuhig, nug ena bekkunu ii tolitta, bu ele ii qette? Laa iitta.

Hibru 13:22

O lailad, uɗug imu tutuib yaami amunu, ag daulag human, ena haknu dabmak maɗettaknu nai yaami imu, ag dooglagnu oɗ madattem.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!