Hibru 12:3 - Nobonob Baibel

³ Ag Jesus aɗi ippunigtte am antteg! Hipunin danab anukka ag Jesus kekeɗ okkai medappig, amge Nug ɠagattagnab dayom. Ag gemu oolagppa genab dootteb amu, ag keeke amu dabmena, ag ele aib bahilag yom; ag ebehilag ele aib bodoettom.

Hibru 12:3 ပူးပေါင်းရင်းမြစ်များ

Prowerb 24:10

Uug bette haenppa, na uug amu eɗidkkutnu tuɗidna ii hettem dayeb amu; nahip ɠagattag am okkai iitta laa ippunadtte.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Matyu 11:19

Aria Danab Bekkalag da, da uɗien, ee, le ele lattem amunu, ag atteb. ‘Antteg, Nug ee huanak lanana, wain ele huanak latte. Nug laikkud am takis awak danab, amu danab laa ag ig Juda, ihinig ɗo oh ii dim lamidtteb ele,’ aon atteb. Amge doyak dabmak ena ele am keeke genab amu, ag nuhig hakppa genab anidkkulag,” awa aum.

Matyu 12:24

Amge haen ɗo gumak danab-Parasia ag amu doon, ag inam appig. “Umu Nug ouɗi nau ikkilag Belsebub, Nug nuhig ɠagattagppa aakkuib ouɗi nau lamadtte,” aon appig.

Matyu 15:2

“Aɗinu nahipad ippunittak awak danab ag alai aɗi anukka ɗo meppig niitte amu ag tippaltteb? Ag ee lakkulagnu hena amu, ag eppelag, ɗo atte amubia ag ii ihatteb,” aon appig.

Matyu 21:23

Amu dimppa Jesus Nug Kayaknu mettid lakka noa, danab ah amelagppa nai mattieye, mana mettak danab okkai, amu Juda dilag ikki danab ele ag Jesus gumidna gona, oɗ mettan appig. “Na ɠagattag aɗippa uɗat imu hettem? Aun nug ɠagattag amu mettom?” aon appig.

Matyu 21:46

Ag anam doona, aɗaglagnu ib madippig, amge danab ah kuɗum ag Jesusnu, Nug am propet laa dooppig amunu, ag Nug aɗaglagnu baɗappig.

Matyu 22:15

Jesus Nug nai amu mattia male, ɗo gumak danab-Parasia ag ahan, laih gona, ag attem heppeg, Jesus Nug nai eheɗ laa ab, ib anidna heppeg, ɗo danab Nug aɗaglagnu nai madippig.

Luk 14:1

Am Sabat laappa Jesus Nug ɗo gumak danab-Parasia dilag ikki laa laugppa ee lakkunu ukkom. Ukke amu ɗo gumak danab-Parasia amu laikkud ag nug meidna daappig.

Luk 15:2

Amunu ɗo gumak danab-Parasia amu ɗo mehuqak danab ele ag nai hena appig. “Danab amu Nug hipunin danab, amu danab laa, ag ig Juda, ihinig ɗo oh ii dim lamidtteb ele, Nug ag ele laippu dayaknu ooppa eleleib dootte, amu ag ele oh ee latteb,” aon appig.

Luk 16:14

Amu ɗo gumak danab-Parasia, ag am men doɗonu oolag mauhom amunu, Jesus Nug nai amu oh mattie doona, ag ahan, nuhignu guhuɗittak nai madippig,

Luk 2:34

Simeon anam ana, nug itittak ena matowa, nid anig Maria amegppa aum. “Doye, nid imu heeb, Israel danab ah kuɗum ag nena qekkulag, amge Nug heeb, kuɗum ag eɗun ahaglag. Nug am Kayak anidkkunignu epponak keeke daakku, amge danab kuɗum nuhignu nai nau akkulag.

Luk 5:21

Nug anam a amu ɗo mehuqak danab amu ɗo gumak danab-Parasia ele appa daana, ag akka akka dabmakppa inam appig. “Danab imu amu Nug am aun? Nug nai umu atte amu Nug Kayaknu dabittak nai maditte. Kayak Nug nukka hipunin uhuqa megakkunu elele,” aon appig.

Jon 10:20

Anam daanna, kuɗum laa ag appig. “Ouɗi nau nuhigppa daatte amunu, Nug kaaka qette. Ag aɗinu Nug oɗe dootteb?” aon appig.

Jon 18:22

Jesus Nug anam a amu, daup laa hibaitta dayom ele nug eppeg oohap ta, hippeg mataɗaɗa aum. “Na mana mettak ikki danab nai amuppate nob medattemte?” awa aum.

Jon 5:16

Nug anam a, Jesus Nug keeke amu Sabat deɗppa heum dooppig amunu, diig amunu Juda okkai ag digmena, Jesus eheɗ hedappig.

Jon 7:12

Danab ah kuɗumnab ag appa goppig ele, ag akka akka Jesusnu nai kuɗum madippig. Laa ag appig. “Nug am danab ena,” amge laa appig. “Nug am danab nau, nug danab ah kuɗum hambuppualadtte,” aon appig.

Jon 8:13

Jesus anam mattie amu, ɗo gumak danab-Parasia ag appig. “Na nakka nahipnu nai mehuqttem amunu, nai nahip am genab iitta,” aon appig.

Jon 8:52

Awa a amu ag Nug amegppa appig. “Gemu ig genab doottem, na ootppa hahail ele! Abraham nug mauhom, amu propet ele mauhppig, amge na attem, ‘Laa nug nahip nai awa dim lamidkku dayeb, nug am iinab mauhma.’

Jon 8:59

Nug anam aum amunu, Juda ag Nug makkuɗkkulagnu men agappig, amge Jesus Nug danab kuɗum oolagppa beɗu lokkumittatta, Kayaknu mettid lakkanu aha ukkom.

Jon 9:40

Ɗo gumak danab-Parasia laa appa Nug gukkuidna daappig ele amu, ag amunu appig. “Ig elete danab amenig gaɗuak?” aon appig.

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

2 Korint 4:1

Kayak Nug ihinignu oo gai-iitta doya oo mekka ehanikka, uɗat imu ig mekkom amunu, ig oo bai noak ii doottem.

2 Korint 4:16

Ig am dabmak amu aottem amunu, Kayak uɗat hekkunignu amu ig ii bodoedattem. Ao, genab, ig beɗunig amuam nauhkkun hette, amge deɗ oh Kayak Nug ig oonig bau ɠagattag medatte.

Galesia 6:9

Amunu ig kobol ena hekkunignu amu ebehinig aib bodoettom. Ig ebehinig bodo-ii-edakku amu, aria geha meu awak haenppa ig meu ena aakku aognig.

Duteronomi 20:3

Nug akku. “O Israel danab ah, ag daulag human doyeg! Ag gemu kekeɗ banelag gotteb. Ag aib baɗappig! Oolagppa gai-iitta aib dooppig. Ag ban henana, ag baɗak eheɗ nau dooppeg, ahilag dabmak eɗatteb, hamu laih laih aib oolppig.

2 Tesalonaika 3:13

Amge O lainkad, ahilagnu amu ag uɗat ena hak kobolnu aib oolag bahi yeeb uuppig.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Hibru 12:5

Ag oolag ɠagattag qedakkunu Kayak Nug nai laa aum amu ag nai amu ag daulag atiomtai? Nug nai amuppa ahilagnu am Nug bekkod doyaya aum. Nai amuam inam. “O nid dahil, Naɗi Nug na ena bekkutnu tolitta bu nitteb amu, na amunu keeke hamu bia aib doome. Ge, Nug na ena bekkutnu daut bateb amu, na oot bai aib noum.

Hibru 3:1

Amunu O ig lainkad, ag Kayaknu danab ah oppiaawak ele, Nug ag ig ele hab aabppa daagnignu tituanikkom amu, ag Kristus Jesus, Nug am ihinig ooppa genab doyaknu mana mettak ikki danab, Nug am ihinig ooppa genab doyaknu totol danab daatte ele amu, ag nuhignu atognona dabmena autna aweg!

1 Pita 2:23

Danab ag nuhignu nai eheɗ appig, amge Nug nai eheɗ ahilagnu nob ii meum. Nug guittak awom, amge nuhig guittak amunu Nug ag nob nau aoglagnu ii aum. Jesus Nug amu ii heum, me Nug Kayak, epeɗiakppa keeke oh eleleppaib epeɗidtte amu, Nug nukka Nug beɗu oh Nug eppegppa meum.

Revelesen 2:3

Da doottem, na da onilnu eheɗ laala na beɗunppa be doome; gemu ele doottem. Anam amge na uug doyaya eɗittaknuib dabmak awak kobol dim lamidna, na amuppa na gai-iitta ii meme.

1 Samuel 12:24

Amge ag dabmenan, ag ebehilag oh Yawenu bodoetta le meeb, ag oo metta ii uuak kobol dim lamidna meulag ohppa Nug waappa daan, Nug oɗe dim lamitteg! Ag keeke okkai okkai, Nug ahilagnu heum ele amu, ag keeke amu ele dabmenan oiyeg!