Hibru 12:2 - Nobonob Baibel

² Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Hibru 12:2 ပူးပေါင်းရင်းမြစ်များ

Sam 110:1

Yawe Nug dahil Naɗi amegppa inam atte. “Na da eppel naɗiap-ppa daappe ukkeb, da nahip kekeɗ na waatppa maadkkul,” awa aum.

Sam 138:8

Yawe, Nug keeke oh dahilppanu hekkunu nai ana qakkom amu, Nug anamib hekku doottem. ⌊O Yawe,⌋ nahip oo mauhaknab kobol am hanhan daatte. Ao, na uɗat oh dahilnu hee betteb ele amu, na heppe, gogppa tekkunu ool daatte.

Aisaia 31:1

Aun aɗi ag Isip appanu ehanittak aoglagnu dabmetteb amu, ahilagnu am gadonnab gadon. Ag bannu hosppa ⌊Isipnu⌋ ehanittak aoglagnu dabmetteb. Ag Isip dilag daup bannu karis kuɗum eleppa daan, ban hetteb doon amunu, bannu karis amuppa ehanittak aoglagnu oolagppa genab dootteb. Ao, ag Isipnu ban danab kuɗumnab hos attan daan oin, ban hetteb doon amunu, ahilagppa ehanittak aoglagnu oolagppa genab dootteb. Ag anam dabmetteb, amge ag Israel dilag Kayak Oppiaawak Ele, ag nuhig dabmak aoglagnu oɗ ii medatteb. Ao, ag Yawenu, ag ehanittak nuhigppanu aoglagnu ii dabmetteb. Ag anam hetteb amunu, ahilagnu gadonnab gadon.

Aisaia 45:22

Amu ag danab ah oh wan atu ohnu ag padal memananu ag da dim lamiɗna, ehanittak da eppelppanu aweg! Aɗinu? Da aakkuib Kayak daattem. Kayak laal ii daatte.

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Aisaia 8:17

Yawe, Nug gemu Jakop buɗub dimattowa, ii ehanadtte ele amu, da Nug ameg mebippi, ⌊Nug keeke oh hekkunu aum amu hekku⌋. Da Yawe, nuhignu oolppa genab dookkul.

Maika 7:7

Amge da amu, da Yawe Nug da ehaniɗkkunu dabmak aɗe oittem. Da Kayak, Nug padal mepanu ehanittak dahil daatte, da Nug ameg mettem. Dahil Kayak Nug dahil unuqittak dookku.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Namba 21:9

Yawe Nug anam hekkunu a amu, Nug aum amubia Moses nug mat dottog brasppa ha, biidod igippa me dayeye, danab aun aɗi mat emalatteg, ag neekkeg ukke, mat dottog brasppa hak amu anidna, ag ii mauhppig. Iitta.

Matyu 16:21

Haen amuppa Jesus Nug digma, Nug ib laa iitta, Nug Jerusalem ukkeb, appa Juda dilag ikki danab, mana mettak danab okkai, amu ɗo mehuqak danab ele ag heppeg, Nug guittak kuɗum dookku, ag qeppeg mauhkku, deɗ ewam uueb Kayak heeb, Nug eɗua hippaidkku amu, Nug nuhikkud ippunittak awak danab amelagppa aum.

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Mak 14:36

“O Mame, Mame, aɗi keeke haknu daatte amu, na hekkutnu elele. Amu uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu amu da ii lapa, amge na dahil dabmaknab aottem ii dim lamidmana, na nahip dabmaknab aottem, amuib dim lamidkkutnu ool daatte!” awa aum.

Mak 15:28

((Ag Jesus danab aɗit ele atuladppig amunu, Kayak nai laa, nai amu meu oom. Nai am inam. “Ag nuhignu, ‘Nug am hipunin danab lailag,’ akkulag.”))

Mak 16:19

Naɗi Jesus Nug anam a amu Kayak Nug he, Jesus Nug hab aabppa ta, Kayak eppeg naɗiap-ppa heɗep na dayom.

Mak 9:12

Ag anam aeg amu Jesus Nug aum. “Ɗo mehuqak danab ag, ‘Elaiya nug tatam uɗia, keeke oh bappaidkku,’ atteb amu, ag genab atteb, amge ag dahilad, ag Kayak nai laa ele dabmekkulag. Nai amuam inam. ‘Danab Bekkalag da, da guittak dooppi geɗilkkulag.’

Mak 9:24

Jesus Nug anam a amu nid mameg nug aum. “Da oolppa genab nakokib doottem, amge na heppe okkai baɗ!” awa aum.

Luk 17:5

A amu totol danab 12 ag Naɗi amegppa appig. “Na heppe, ig ihinig ooppa genab doyak amu okkainab maɗ!” aon appig.

Luk 23:11

Herot nug nuhikkud daup ele ag Nug hippeg qakkan, aon aon qettan, dimettan, lamen elab enanag laa aon takkidna meeg, eɗua Pailat toppa ukkom.

Luk 24:26

Nug anam anana, Nug aa amelahppa nai tuɗitta aum. “Propet ag Kristus Nug ⌊hipunin uhuqkkunu,⌋ Nug guittak aokkununab daya awowa, anuqak abenppa daakkunu, ag Kayak oɗe aon, amunu iite yaappig?” awa aum.

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Jon 12:24

Genabnab genab da ag amelagppa attem. Wit aeg nug qaɗu bekkunu wanppa ii na qekku, aeg nug ele ii nauhkku amu, aeg nug aakkuib daatte, amge nug wanppa na qa nauhkku dayeb amu, nug bau ba, meu huanak otte.

Jon 12:32

Amge haen ag da ad emaitakppa aihiɗkkulag, haen amuppa amu da danab ah oh eeɗadppi, ag dagattolppa dokkulag,” awa aum.

Jon 13:3

Jesus Nug Mameg keeke oh Nug eppegppa meum doya, Nug Kayak toppanu uɗiom, Nug eɗua Kayak toppa gokkunu ele doyom

Jon 6:40

Ao, da Mamel Nug oo niitte ele amu anam aakku. Danab aun ag Nug Bekka da, ag da aniɗna, ag dahilnu oolagppa genab dootteb ele amu, ag bauklel hanhannu aoglag. Da dakka geha wan haen malakppa maɗadakkul,” awa aum.

Jon 8:56

Ag mamelag Abraham nug dahil uɗiak haen anidkkunu maɗoɗppan gamag ahak doyaya, ameg ma dayom. Nug antta, nug oo gamag ahom,” awa aum.

Aposel 2:36

Anam amunu Israel danab ah, ag oh tutukkunab doyeg! Kayak Nug he, Jesus Nug Naɗi, am Kristus ele daatte. Ag Nug ad emaitakppa atulppig.” Pita ag amelagppa anam mattie dooppig.

Aposel 3:15

Ag danab ena, Nug bauklel diig, ag Nug qeeg mauhom. Ag qeeg mauhom, amge Kayak Nug he, Nug eɗua hibaitte, i amunu aɗi heehe anttomnu mattiak danab daaɗa, amunu mehuqttep.

Aposel 5:31

Jesus Nug heeb, ig Israel ig oonig eɗueb, Kayak Nug ihinig hipunin uhuqa megakkunu Kayak he, Jesus Nug Kayak eppeg naɗiap, amuam aben onig okkainab ele, Nug appa ihinig Okkai, ihinig Eɗua Awikkak Danab ele daatte.

Aposel 5:41

Ag anam heeg, totol danab 12 ag Juda dilag hettoɗiak okkai onig Sanhidren, amuppanu dimittim gona, ag maɗoɗppan gamag ahak doona, inam dabmeppig. “Kayak nug ig Jesus onignu uɗa nak, guittak ele aognignu elele anikkom amu, amuam ena.” Ag anam dabmeppig.

1 Korint 1:18

Amu danab ag oolagppa genab ii dootteb ele, ag ad emaitaknu nai dabmenan, nai amunu ag ahilag dabmakppa, “Amuam dabmak tutukku iitta,” aon atteb. Amge ig danab ah, Kayak Nug ig eɗua awikkom ele amu, ig ad emaitak nainu, “Amuam Kayaknu ɠagattag,” aot attem.

1 Korint 1:23

amge ig ib aɗit amuppa ii gottem. Iitta! Ig Kristus ad emaitakppa atulitteg mauhom, ig amunu nai mehuqttem. Ig anam mehuqutut, Juda danab ag nai amunu ag eheɗ doon, ag kekeɗ mettaegeg, Grik danab ag nai amunu, “Dabmak tutukku iitta,” aon anana, ii aotteb.

Epesus 2:16

Nug ad emaitakppa mauhom, amuppa ameg aɗit amu ouaqate, aa laippu daattep. Ad emaitak amuppaib Nug kekeɗ kobol qe iitta me, Nug danab amu oh omalatta, Kayak toppa ukkom.

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

Pilipai 1:6

da imu am genabib genab doottem. Kayak Nug ahilagppa uɗat enanag digmeum amu, Nug uɗat amu tuɗitta heeb ukkeb ukkeb, Kristus Jesusnu deɗppa gog tekku.

Pilipai 3:20

Amge ig am hab aabppan danab. Ig Eɗua Awikkak Danab ihinig, Naɗi Jesus Kristus, Nug appanu eɗua uɗia awigkkunu tappaɗidta ameg mettem.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

Hibru 1:13

Kayak Nug Bekka amegppa anam aum, amge Nug anukka engel nuhig laa amegppa inam laa iinab aum. “Na da eppel naɗiap-ppa daappe ukkeb, da nahip kekeɗ na waatppa maadkkul.” Iitta! Nug Jesus amegppa aakkuib amu aum.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Hibru 10:14

Anam amunu, Nug mana mettak laippuib heum amuppa Nug he, danab ag Kayak he ag oppiaawak danab benan daatteb ele, ag elelenab daatteb. Amu hanhan ele anamib daaglag.

Hibru 10:33

Amu haen laala danab laa ag danab ah dilag qagmakppa danab ah noolagppa ag aon aon aqan, eheɗ ele hedappig. Haen laala ag Kristen ag lailkad uug anam dooglagnu beɗulagppa beum amu, ag lailkad ehanadppig.

Hibru 11:36

Ooppa genab doyak danab laala amu, kekeɗ ahilkad ag aon aon aqanna, laala ag bu qaun eleppa mataɗadna, amu laala senppa hippaladna, maniguittakppa maatteg daappig.

Hibru 12:3

Ag Jesus aɗi ippunigtte am antteg! Hipunin danab anukka ag Jesus kekeɗ okkai medappig, amge Nug ɠagattagnab dayom. Ag gemu oolagppa genab dootteb amu, ag keeke amu dabmena, ag ele aib bahilag yom; ag ebehilag ele aib bodoettom.

Hibru 13:13

amunu ig ele aab okkainu aɗ dimittim nuhigppa gota, Nug uɗa nak guittak ele Nug mawom bia maotu!

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

Hibru 7:19

Aɗinu? Ɗo nug he, keeke laa elelenab ii beum, amge Kayak Nug ib laa ooɗom. Ib amu nug ɗo eɗittak, enanag. Amu ib amuppa ig Kayak toppa wakkunignu elele daattem.

Hibru 8:1

Aria, nai ig attem ele, nuhig diig am inam. Ig mana mettak ikki danab Melkisedek bia ele, Nug matu hab aabppa Kayak, dagom onig ɠagattag ele, Nug eppeg naɗiap-ppa heɗep neum daatte.

Hibru 9:28

amubia Kristus Nug danab kuɗum dilag hipunin uhuqa madakkunu Nug nukka haen laippu aakkuib, Nug beɗu mana mettak bia Kayak mettom. Nug anam heum amu dimppa Nug baula eɗua uɗikku, amge hipunin uhuqkkunu iitta. Nug danab ameg mena daatteb ele amu eɗua diikkunu uɗikku.

Jems 2:1

O lailad, ag Naɗi ihinig Jesus Kristus, Nug binag amahlak oppiaawak ele amu, ag nuhignu oolagppa genab dootteb amunu, ag danab onilag okkai ele amuib atognoadna, danab onilag iitta ele am keeke hamu bia anadkkulagnu aib heppig.

1 Pita 1:11

Kristus Ouɗi propet, ahilagppa dayom amu, Nug Kristus uug maokkunu, amunu binag amahlak oppiaawak ele dimppa uɗikkunu elenu dabmak mattom amunu, propet ag amunu haen, amu nuhig keeke laa ele hettoɗidttappig.

1 Pita 3:18

Kristus Nug hipunin uhuqa mettaknu haen laippu aakku mauhom. Nug baula ii mauhma. Nug beɗuppa aab laa iitta, amge Nug ig danab, ig beɗunigppa aab ele, Nug ig omaikka, Kayak toppa wakkunu Nug mauhom. Ag heeg, Nug beɗu mauhom, amge Kayak Ouɗi Nug he, Nug eɗua hibaitta, bauklel daatte.

1 Pita 3:22

Jesus Nug eɗua hibaitta, Nug hab aabppa teum. Nug Kayak eppeg naɗiap-ppa daatte. Engel oh, laa ag gumaknu ehah ele oh, aria ɠagattag digdig oh ele, ag oh Nug waappaib daatteb.

Jut 1:21

Ag hanhan Kayaknu oo mauhak ooppa daanna, ihinig Naɗi Jesus Kristus Nug ahilagnu oo gai-iitta doya oo metta ehanattatta, Nug bauklel hanhan madakkunu ameg meig!

Revelesen 1:11

Baag amu nug inam aum. “Na keeke oh anidna amu, na buk itoɗiakppa yona meppe, Kristen tamaniak eblaih aɗit ele onilag Epesus, Smerna, Pergamum, Taiataira, Sardis, Piladelpia amu Laodisia ele, ahilagppa ukkaɗ!” awa aum.

Revelesen 1:17

Da Nug anam anttena, mauhak bia Nug baegppa nein qemi. Amge Nug eppeg naɗiap da qaɗelppa ma dayeye, Nug da amelppa aum. “Na aib baɗame. Da hanhan daattem; anuqakppa, batakppa ele da daattem.

Revelesen 1:8

Naɗi Kayak Nug inam atte. “Da haen oh daattem; da gemu daattem, anukka daami, dimppa uɗikkulnu ele daattem. Da Dakka Ɠagattag Oh Ele,” awa atte.

Revelesen 2:8

Nug anam ana, Nug nai tuɗitta aum. “Na nai da attem imu Smerna Kristen tamaniaknu ikki danab, nuhignu inam ye! Nai imu, laa Nug hanhan daatte; anuqakppa, batakppa ele Nug daatte, anukka Nug mauhom, amge Nug gemu bau daatte, nuhigppan uɗitte.