Hibru 11:9 - Nobonob Baibel

⁹ Amu nug Kayaknu ooppa genab doya ukka, wan Kayak medakkunu nai qakka aum, nug atu amuppa aab diig danab iitta laa dayom. Nug peh lag, amuppaib daattom. Aria, nug bekka Aisak, nug alag Jakop ele, aa nug buɗub amu, Kayak Abraham amegppa keeke medakkunu nai qakka aum ele amu, aa nai amu ele aopiɗ. Amu aa ele wan amuppa peh lag ahilti, amuppaib wan amuppa daadttapiɗ.

Hibru 11:9 ပူးပေါင်းရင်းမြစ်များ

Genesis 12:8

Nug qaɗab qewowa amu, nug aha noa, wan qauko ele, Betelnu laih kaɗag uɗitteppanu daatte, nug appa ukkom. Nug peh lag nuhig aab aɗit Betel, Ai ele gamalahppa qappe, Betel am laih qaban uɗitteppanu daye, Ai am laih kaɗag uɗitteppanu dayom. Aben amuppa ele Abram nug qaɗab qa, Yawe noobppa dup noa binag maama, nug Yawe unuqittom.

Genesis 13:18

Yawe Nug anam a amu, Abram nug aha oiyaya, Hebron appa nug danab laa onig Mamre, nuhig ad ok daappig, aben amuppa nug peh lag nuhig qappowa dayom. Appa ele amu, nug Yawe noobppa dup noa binag mekkunu qaɗab qeum.

Genesis 13:3

Nug Negeb ukka dayowa, aha oiya oiya, Betel aabppa teum. Anukka nug Betel, Ai ele gamalahppa dayaya,

Genesis 17:8

Na gemu Kanan wan imu ooppa wan laihnu danab ina daattem, amu da na, na buɗunad ele, da ag wan imu madappi, ahilag wan hanhan daakku. Amu da ahilag Kayak daakkul,” awa aum.

Genesis 18:6

Ag anam appig amunu, Abraham nug paha peh lag ooppa noa, Sarah amegppa aum. “Na paha plaua enanag tappiɗ okkai ewam kabolina, bret mane!” awa aum.

Genesis 18:9

Lanana amu, ag Abraham oɗ medappig. “Na waat Sarah adeppa daatte?” oɗ medappig. Ag anam oɗ mettaeg amu, nug aum. “Nug peh lag ooppa, uppa uma daatte,” awa aum.

Genesis 21:34

Keeke amu oh dimppa amu, Abraham nug Pilistia wanppa haen elab nakok dayom.

Genesis 23:4

“Da am aab diig danab iitta, da uɗien, ag oolagppa daattem; da wan laihnu danab amunu, da wan nakok laa imuppa ah dahil boumkkulnu daden mekkulnu ool daatte,” awa aum.

Genesis 25:27

Dimppa aa ena meya, Esau nug hikan danab dayom. Nug dad okkaippa oiyom, amge Jakop nug toetta dayak danab; nug ag daappigppa dayom.

Genesis 28:4

amu Kayak, Abraham itittak ena mettom amu, Nug heeb, itittak ena amu na beɗunppa dayebeb, na wan laihnu danab wan imuppa gemu daattem ele amu, Kayak, Abraham amegppa aum bia, na wan imu aokkutnu ool daatte,” awa aum.

Genesis 31:25

Amu haen Laban nug Jakop wan amuppa gumitta teum amu, Jakop nug Gileat wanppa, laih qauko qauko eleppa peh lag nuhig qappa dayeye, aakku Laban nuhikkud ele ag ele Gileat qaukoppa, appa haen tutu dayaknu aab kalan daappig.

Genesis 35:27

Aria, Jakop nug aha, nug mameg Aisak Mamre dayeye, nug nug gumitta noa dayom. Mamre am aab laa onig Kiriat Arba guguittak dayom. Kiriat Araba onig laa am Hebron. Anukka Abraham, Aisak ele Hebron appa daadpiɗ.

Genesis 36:7

Aɗinu? Jakop, Esau ele amu, aa oh keeke, doɗ ele kuɗum amunu, aa wan laippuppa daaglahnu elele iitta.

Genesis 47:9

Oɗ mette amu, Jakop nug Paro amegppa aum. “Dahil maɗ amu, da mamelad aɗi dilag maɗ bia iitta. Dahil amu 130 aakkuib. Da wanppa oiyeye amu, da uug kuɗum anidmi,” awa aum.

Sam 105:12

Yawe Nug nai imu haen Abraham buɗub ag tutuib daaegeg aum. Ao, ag aab diig danab iitta Kanan wanppa, danab ameg nakokib daappig.

Jeremaia 35:7

Keeke laa amu, ag lag ii buuadmana, ee ii eppamna, grep ele ii eppamna. Ag keeke amu aɗan ii oimna. Iitta. Ag hanhan peh lagppaib daanna oiglag. Ag oiyeb oiyeb danab anam daanna, ag haen elab wan ag daattebppa daaglag,’ awa aum.

Hibru 6:17

Anukka Kayak Nug ig Nug bekkod ehanigkkunu nai ɠagattag qetta aum, Nug nai amu iinab baolimanu ippunikka auta aokkunu, Nug nai nuhig Nug onigppa ɠagattag qettom.