Hibru 11:7 - Nobonob Baibel

⁷ Noa nug Kayaknu ooppa genab doyom, amu Kayak Nug keeke laa, Noa nug deɗ laa ii anttom bekkunu nug amegppa nau aomanu nai mattie, Noa nug ebehi oh Kayaknu bodoetta le meum ele amu, nug nuhig nai amu doya, nug baekkudppa ele ena daaglagnu nug uub itom. Ooppa genab doyak nuhig amuppa amu nug danab laa oh, ag oolagppa genab ii dooppig ele, ag eheɗ heppig aakku ippuanatta, ooppa genab doyak amuppa ele nug am genab tutukku hak danab beum.

Hibru 11:7 ပူးပေါင်းရင်းမြစ်များ

Genesis 19:14

Anam aeh amu, Lot nug aha, danab aɗit aa Lot aɗekuɗ baelti aɗapiɗ ele, ahilahppa ukka amelahppa aum. “Yawe Nug aab okkai imu heeb, padal mekku amunu, aa ahaya, aben laappa ukkeɗ!” awa aum. Lot anam aum, amge danab aɗit amu aa, “Nug qiɗ hak nai atte,” apiɗ.

Genesis 6:13

Antta amu, Kayak Nug Noa amegppa aum. “Danab ah ag heegeg, laa guittak nau mauhnoak mettak kobol am wanppa ambeum daatte amunu, da heppi, danab oh ag iitta mekkulag. Genab da heppi, danab oh, wan ele padal mekkulag.

Genesis 6:22

Kayak Nug anam a amu, Noa nug keeke oh, Kayak hekkununab aum bia amu, nug anam heum.

Genesis 6:9

Noa, nuhig hak amu inam. Noa nug wanppa dayom, haen amuppa nug danab ah oolagppa nug genab tutukku hak danab dayaya, Kayaknu neekkakppa danab ooppa kaliak laa iitta ele oiyeye, Kayak ele oittapiɗ.

Genesis 7:23

Yawe Nug he, danab, doɗ, ai, doɗ laa ag oolag wan qeeqe oitteb ele, amu oh iitta maadna malappig, amge Noa, nuhikkudppa ele, agib ii mauhppig.

Genesis 7:5

Yawe Nug anam a, Noa nug keeke oh Yawe hekkununab aum amu, nug amubia babaittom.

Genesis 8:16

“Na, na waat, na begapad, amu ag waalkad ele, ag oh uub uun, dimittim noig!

2 King 4:5

Elisa nug anam a, ah qab nug Elisa amegppa aum amu, nug aum bia oh ha malowa, nug laug od manom. Nug nukka bekoɗ eleib lakka daanna, nid aɗit aa anilah ehanidya, nippud aoya doya mettaeheh, nug goɗen gokkaɗeɗe, nippudppa noono, anam heeg ukke ukke, nippud amu ohppa goɗen noum.

Job 35:8

Na nau hettem dayeb amu, na danab, na bia, na amu dilagppa hettem. Ge, na genab tutukku hak kobol hettem dayeb amu, na danab laa, nug ah ooppan laa aakku, na nuhigppa hettem.

Prowerb 22:3

Eheɗ bemanu dabmak awa dabmak amu dim lamittak danab nug uug bette antta, nug dekkaɗa, aben uug ii bekku ele, nug appa gotte; amge danab ag doyak ii awak ele, ag hettebib tuɗidna gonana, guittak aotteb.

Prowerb 27:12

Eheɗ bemanu dabmak awa dabmak amu dim lamittak danab nug uug bette antta, nug dekkaɗa, aben uug ii bekku ele, nug appa gotte; amge danab ag doyak ii awak ele, ag hettebib tuɗidna gonana, guittak aotteb.

Esekiel 14:14

danab ewam imu, Noa, Daniel, Job ele, danab ewam amu wan amuppa daaloblob, ag genab tutukku hak danab amunu, ag ii mauhmana, amge ag danab ah laa oh ehanadppeg, ag bau daaglagnu elele iitta.” Naɗi Yawe Nug anam awa atte.

Esekiel 14:20

da Naɗi Yawe, da genab bau daattem, genab amubia da inam attem. Danab ewam amu, Noa, Daniel, Job ele, danab ewam amu ag wan amuppa daaloblob, ag ag bekkalkad aɗelkad ehanadppeg, bau daaglagnu elele iitta. Danab ewam amu ag genab tutukku hak danab amunu, ag ii mauhmana, amge ag laa amu ehanadppeg bau ii daamna.” Naɗi Yawe Nug anam atte.

Esekiel 33:5

Nug trampetnu gayak doyom, amge nug nau aomanu keeke aɗitai laa ii heum. Nug anam heum amunu, nuhig mauhak am nug beɗuppa. Nug trampet gayeye, ena daakkunu dabma oololob, nug ena daalo, amge iitta.

Matyu 2:12

Mettona, ag niiegeg, tuqan tulppa Kayak ag eɗun Herot toppa ii gomananu aum amunu, ag eɗun, ib laa aon, ag appalagppa goppig.

Matyu 24:15

Aria, propet Daniel nug keeke naunab laa, nug aab he nauhtte ele amu, nug amunu yom. Danab aun nug nai imu ebqette amu nug meu nuhig tutukku aokkunu dabmaɗ! Aria, ag keeke naunab amu aben gun eleppa meppeg dayebeb anidna amu, laa ag

Matyu 24:25

Doyeg! Keeke amu ii neumppa, da ag dabmekkulagnu nai iikku ag amelagppa ain malami.

Matyu 24:38

Hiɗ naɗi ii beum haenppa danab ah ag ee lanana, le lanana, ewau matulak aona, ah nug mettanna, anam heegeg ukke, Noa uubppa teum.

Matyu 3:7

Layattette amu, ɗo gumak danab-Parasia, ɗo gumak danab-Sadyusi ele ag layattak aoglagnu kuɗum ukkaeg, Jon nug ag anatta, nug ag amelagppa inam aum. “Ag am danab nau, mat nau bia. Aun nug nau aomnanu nai ag amelagppa mattie, ag Kayaknu oppoɗi bak uɗitte ele ii aqamanu uɗippig?

Luk 17:26

Nug anam ana amu Nug baula aum. “Noanu haenppa danab ag kobol aɗi aɗi heppig, amubianab Danab Bekkalag da, da eɗue uɗikkulnu haenppa amu, danab ag kobol anamib hekkulag.

Rom 1:17

Nai Enappa Kayak Nug ib attenppa ihinignu, “Genab tutukku hak danab,” akkunu ippunigtte. Genab tutukku daagnignu ib am ooppa genab doyak, aakkuib. Ib laa iitta. Kayak naippa yaak inam daatte amubia. “Laa nug Kayak noobppa genab tutukku hak danab daatte, nug Kayaknu ooppa genab dootte amunu, nug bau daakku,” awa atte.

Rom 10:6

Amge danab nug ooppa genab doyak ibppa genab tutukku hak danab bekkunu dabmette amu, dabmak amunu Kayak naippa, nai daatte am inam. “Na ootppa, ‘Aun nug hab aabppa tekku?’ aon aib ame. (Amuam nug ta, Kristus omala nekkunu atte.) O iitta na, ‘Aun nug mauhak abenppa nokku?’ aon aib ame.” (Amuam nug noa, Kristus omala bekkunu atte.)

Rom 3:22

Da ib laanu attem amuam inam. Danab nug Jesus Kristusnu ooppa genab dootte amu, Kayak nuhignu, “Genab tutukku hak danab,” awa atte. Ib amuppa amu aun aɗi oh ag oolagppa genab dootteb ele, Kayak Nug ahilagnu, “Genab tutukku hak danab,” awa atte. Danab laippu laa nug ib laappa genab tutukku hak danab bekkunu ib laa ii daatte.

Rom 4:11

Nug gaɗa ii otaɗom, haen amuppa nug ooppa genab doye, Kayak Nug nuhignu, “Genab tutukku hak danab,” awa ana, Nug amunu epponak keeke daakkunu Nug Abraham gaɗa otaɗkkunu aum amunu, Abraham nug am danab oh, ag gaɗalag ii otaɗppig daanna, Kayaknu oolagppa genab dootteb, Kayak ahilagnu, “Genab tutukku hak danab,” atte ele amu, nug ag mamelag anuqak daatte.

Rom 4:13

Anukka Kayak Nug Abraham, amu nug buɗuppud ele Nug ag geha wan atu oh madakkunu nai qakka aum. Nug nai nuhig amu qakka aum, amge Abraham nug ɗo dim lamittom, diig amunu Kayak anam ii aum. Iitta. Abraham nug ooppa genab doye, Kayak nuhignu, “Genab tutukku hak danab,” awa awowa, Nug nai qakka anak nuhig amu aum.

Rom 9:30

Amunu ig inam aot akkunig. Iitta aɗi danab ag Kayaknu genab tutukku hak kobol aoglagnu uɗat ii heppig, amge ag genab tutukku hak kobol amu aoppig. Kayaknu genab tutukku hak kobol, amu awaknu ib am ooppa genab doyak.

Galesia 5:5

Amge ihinignu amu Kayak Ouɗi Nug ehanikkekke, ig ooppa genab doyak ihinigppa, ig Kayak Nug ihinignu, “Genab tutukku hak danab,” awa akkunu ameg metta, keeke amu bekkunu haen tapaɗidta daattem.

Hibru 11:1

Danab nug ooppa genab doyak ele amu, nug aɗi keeke aokkunu dabmak aɗa daatte ele, nug genabnab genab aokkunuib dabmette; nug ii aomanu nakok laa ii dabmette. Amu ele nug keeke amegppa ii anidtte ele, nug anamib genab anidkkunu dabmette.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

Hibru 8:5

Mana mettak uɗat, ag wan imuppa hetteb ele amu, ag hab aabppa Kayaknu mettid lag ooppa kobol niitte amubia dottog aakku hetteb. Nai laa amu ippunigtte am nai anukka Kayak Nug Moses amegppa aum. Nai amuam haen Moses nug Kayaknu mettid haknu peh lag digma hekkunu heehe, Kayak aum. “Da na qaukoppa dottog ippunidmi bianab na heppe, ag keeke amu oh anamib heig!” awa aum.

1 Pita 3:20

Ouɗi amu ag am danab anukka Noanu haenppa Kayak oɗe dim ii lamitteg, Kayak Nug pahanab ahilag nob nau madakkunu ii dabmeum. Iitta. Nug oo bodoettak dayeye, Noa nug uub itom. Uub amuppa amu danab ah eblaih ewam ele ag akka ooppa nona daanna, ag danab ah nau ele ouqena, ag ele padal memananu ag leppa ehanittak aoppig.

2 Pita 1:1

Da Saimon Pita, da am Jesus Kristusnu maɗi nid, amu totol danab ele, da pas imu yaattem. Da ag laa, ag ihinig Kayak, Jesus Kristus, Nug Padal ii maknu ehanittak ihinig daatte amu, Nug genab tutukku hak kobolib dim lamitta he, ag ooppa genab doyak enanag, ihinig bia, ag amu aoppig, da ahilagnu yaattem.

2 Pita 2:5

Amu Kayak Nug he, Noanu haenppan danab laa ohnab iite padal meppig? Yo, Noa, nug am genab tutukku hak kobolnu mehuqak danab amu, Kayak Nug nug, amu eblaih aɗit ele laa ag akka aakkuib atognoattom; danab laa oh, ag am Kayaknu nuhig haknu ele uuak danab amu, le hiɗ naɗippa padal meppig.

2 Pita 3:6

Amu leppa ele Kayak Nug he, le hiɗ naɗi ba, haen amuppanu wan atu awe padal meum.