Hibru 11:4 - Nobonob Baibel

⁴ Abel nug Kayaknu ooppa genab doyom amunu, nug mana mettak, Kain eɗittak, mana mettak enanag heum, amu Kayak nuhig mana mettaknu amu enanag antta nuhignu, “Genab tutukku hak danab,” awa aum. Abel nug am anukka mauhom, amge nuhig ooppa genab doyak am ig aɗi hekkunignu gemu ele ig ippunigtte.

Hibru 11:4 ပူးပေါင်းရင်းမြစ်များ

Genesis 4:10

Nug anam awa a amu, Yawe Nug aum. “Na kobol aɗi heme? Doye! Na amap Abel nug tiig wanppa ne, amu baag da daulppa danab baag bia doottem

Genesis 4:15

Kain anam a amu, Yawe Nug aum. “Iitta! Kain nuhig bu mettak am nakok okkai, amge danab laa nug Kain qeeb mauhkku amu, nuhig bu mettak am okkainab,” awa aum. Anam awowa amu, Yawe Nug danab laa Kain antta, qemanu Kainppa at meum.

Genesis 4:25

Aria, Adam wau ele aa baula oiyya, Ewa nug nid danab baula menuom. Menua, nug aum. “Kain nug Abel makkuɗe mauhom amunu, Kayak Nug nid laa Abel abenab aokkunu meɗom,” awa aum. Nug anam aum amunu, nug onig Set ataɗom.

Genesis 4:8

Nug anam aum, amge geha Kain nug Abel amegppa aum. “I dad okkaippa noɗu!” awa aum. Anam a amu, aa goya oiyya, Kain nug ban ha, amag Abel makkuɗe mauhom.

1 King 18:38

Nug anam unuqitte, aakku Yawe nug he, aab aɗu neum. Aab amu na, mana mettak amu ewa, qaɗabppa aab ameg mak amu ewa, qaɗabnu men amu ewa, gappud amu ele ewa, am qaɗab daug aiɗak le ippu hakppa le gokkaɗeg, amba dayom amu, le amu oh ele he, iitta meum.

Job 8:10

Na ig memetankad dilag nai dabmekkut dayeb amu, na appanu ippunittak iite aomna? Ge, na ig memetankad dilag doyak okkai dabmekkut dayeb amu, na nai amuppanu diignu doyak tutukku iite aomna?

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Prowerb 21:27

Nau hak danab ag doɗ manan, Kayak mettaglagnu heegeg anatta, Nug ooppa uuaknab dootte. Nug amunu uuaknab dootte amunu, genabnab genab ag ɗo hamuib dim lamidna, eheɗ hekkulagnu dabmena, mana mettak hekkulag amu, Nug amunu ooppa uuaknab okkai dootte.

Lewitikas 9:24

Aakku, Yawe toppan aab aɗu na, manaknu ofa, amu ittag ele qaɗabppa dayom, am laippun ewa iitta meum. Haen danab ah ag amu oh anidna, ag maɗoɗppan gamag ahak doon ena, ag laippun gatelag qaun ona, gomelna, iɗulag wanppa meppig.

Matyu 23:35

Anam amunu, wan imuppanu genab tutukku hak danab aqe mauhak digmak Abel, nug am genab tutukku hak danab, nug mauhe uɗie, Berekia bekka Sekaraia, ag nug qaɗab, Kayaknu mettid lag ele gamagppa qeeg mauhom, nuhig mauhak batak amu, qe mauhak hipunin amu oh danab ah haen geha imunu ag qaɗelagppa daakku.

Taitus 1:16

Ag oɗelagppa, “Ig Kayak doottem,” atteb, amge ahilag hakppa ag Kayak dimedatteb. Ag danab naunab, oɗe dim lamittak danab iitta. Kobol ena laa ahilagppa ii daatte amunu, ag ena hekkulagnu elele iitta.

Hibru 11:2

Amu danab anukkanu, ag am oolagppa genab dooppig amunu, Kayak Nug ahilagnu oo ena doyaya, ahilagnu ena aum.

Hibru 12:1

Aria, ihinignu amu ig anukkanu danab kuɗumnab ag ig ooppa genab doyak kobol ippunikkeg anidttem amunu, ig ooppa genab doyak ippu tutukku dim lamidtu! Ig danab laa ag nug eɗid eɗid qaiettan gotteb ele ag keeke oh beɗulag uug medatte ele, ag amu buɗieg ukke, qaiettan gotteb, amubia ig aɗi keeke, ig amu aɗat ooppa genab doyaknu ippu tutukku ii dim lamidkkunig amu, ig keeke amu buɗipput ukkeb, ig aɗi hipunin, nug ig beɗunigppa ta aɗaikkom daatte ele, ig amu ele qepput na ukkeb, ig Kayak Nug ippunig mekkom amu, amuppa bahi yaak ele iittappa qaiettat gotu!

Hibru 12:24

Amu ag Jesus, Nug am gamag danab, Nug nug tituana nai qakkak bau heum daatte ele amu, ag nuhigppa wappig. Kain nug Abel qe mauhom, haen amuppa Abel tiig neum, amunu nob nau mak dayom, amge Jesus ehanigkkunu he, Nug tiig neum amu, ag amuppa wappig.

Hibru 5:1

Aria, mana mettak ikki danab tituanaknu kobol amu inam. Kayak Nug danab oh oolagppanu danab laa, nug danab ah oɗelag awa, Kayak amegppa akkunu, Kayaknu uɗat ele hekkunu, tituana mette. Danab amunu uɗat am nug Kayak ɗo medakkunu, amu Kayak Nug danab ah dilag hipunin uhuqa madakkunu, nug doɗ ele mana, Kayak medakkunu daatte.

Hibru 9:22

Aria ɗo kobolppa, tiigppaib keeke oh bia oppiak daakkunu daatte. Amu tiig ii ne amu, Kayak Nug hipunin ii uhuqtte.

2 Pita 2:8

Lot, nug am genab tutukku hak danab, nug ag oolagppa dayeye, deɗ deɗ ppa nug kobol nau ahilag amegppa antta, daugppa ele doya, nug ena iinab doyaya, guittak ele doyom.

Jut 1:11

Danab amunu am gadonnab gadon. Ag Kainnu kobol hena oitteb. Ag men doɗonuib dabmena, Balam kobol eheɗ heum bia hetteb. Ag anukka Kora tappe nak ha nauhom, amubia ag anam hena, padal metteb.