Hibru 11:32 - Nobonob Baibel

³² Amu oh ag anam heppig amunu, gemu da aɗi nai laa tuɗitte madikkul. Amu da Gideonnu kaya, Baraknu kaya, Samsonnu kaya, Jeptanu kaya, Dawitnu kaya, Samuelnu kaya, amu propet dilag kaya ele madikkulnu elele amge haen iitta.

Hibru 11:32 ပူးပေါင်းရင်းမြစ်များ

Sam 99:6

Moses, Aron ele aa mana mettak danab nuhikkud oolagppa daapiɗ. Samuel nug laa ag Nug onig diiom ele amu, nug ag oolagppa dayom. Ag Yawe ehanadkkunu gaaeg, Nug ag oɗelagppa awom.

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!

Matyu 5:12

Danab kobol nau amu hetteb ele, anukka danab ag Kayaknu propet ele anam eheɗ hadappig amunu, ag gemu ahilagnu ele anam heppeg, aria, ag gamalag ahebeb, ag oolag enaib dayaɗ! Aɗinu? Nob ahilag hab attan am okkainab.

Luk 13:28

⌊Amu ag ooppa nokkulagnu elele iitta amu,⌋ haen ag Abraham, Aisak, Jakop amu propet oh ag Kayaknu ɗo maɗoɗ ooppa daappeg anadnana, ag am geɗattak dimittim daatteb doonna, ag gaanna, aelkad ele emalkkulag.

Luk 16:31

Nug anam aum, amge Abraham nug amegppa aum. ‘Ag Mosesnu nai amu Kayaknu propet dilag nai ele doona ii dim lamidppeg amu, aria laippu laa nug mauhom, matmatppanu aha ukka amelagppa ab amu, ag amu ele geha ag oolagppa amunu genab ii doomna,’ awa aum.” Jesus Nug nai amu mattiom.

Jon 21:25

Amu keeke kuɗum laa ele Jesus Nug heum amu, keeke amu oh danab nug bukppa yaalo amu, buk huanaknab daalob, buk amu wan imu ohppa ambena, laa ele daalob.

Aposel 10:43

Nuhignuib propet ag inam yaappig. ‘Aun aɗi ag Jesusnu oolagppa genab dootteb ele amu, Kayak Nug, Nug onigppa, hipunin ahilag uhuqa madakku.’ ” Pita nug anam aum.

Aposel 3:24

Amu propet oh Samuelnuppa digmak daaeg uɗiom, haen gemu ihinigppa doum daatte, ag oh nai mehuqnana, imunu appig amu iikku ig anidttem.

Rom 3:5

Amge kobol nau ihinig am heeb, Kayak Nug genab tutukku hak kobol aakkuib hette, nuhig kobol amu miag atieb amu, attemu? Ig aɗi akkunig? (Da ig danab ihinig dabmak dim lamitte madittem.) Ig, “Haen Kayak Nug ihinig eheɗ haknu bu megatte amu, Nug nai doya mala hettoɗia epeɗia elele mettak kobol ii dim lamidtte,” aot akkunigte?

Rom 4:1

Aria, Abraham nug am danab ig bia, nug amu ig mamenig amunu, ig nuhignu aɗi akkunig? Nug Kayak noobppa genab tutukku hak danab daakkunu aɗi anttom?

Rom 6:1

Amunu ig aɗi nai akkunig? “Kayaknu ehanittak okkai hamu mettak am okkai ba daakkunu, ig hipunin kuɗum hetata daatu!” aot akkunigte?

Rom 7:7

Amunu ig aɗi akkunig? Ig, “Ɗo amu hipunin ele aa am keeke laippu,” akkunigte? Iittanab! Amge genab, ɗo nug da hipunin ii ippuniɗlo amu, da aɗi kobol am hipunin ele, da ii doolom. Amu inam bia. Ɗo atte, “Na aib danab laanu keeke amen qeeb aolomnab dabmak eheɗ aome.” Ɗo anam ii alo amu, da danab laanu keeke ameg qeeb aolonab dabmak eheɗ awak kobol am nau amu, da ii doolom.

Jems 5:10

O lailad, eheɗ hettak doya, oo bodoettak dayaya maokkunu kobol, ag amunu antte oo maittak kobol laa anidkkulagnu anukka propet ag Naɗi onigppa nai mehuqttappig ag daulagppa doaɗ!

2 Pita 1:21

Aɗinu? Danab laa nug nukka nuhig dabmakppa propet nai ii aum. Iitta. Kayak Ouɗi Nug propet dabmak madette, ag nai Kayak toppanu uɗiom amu, ag madippig.

2 Pita 3:2

Amu da ag Kayaknu propet ag nai appig, amu ag daulagppa dokkunu, ihinig Naɗi, Nug ihinig Padal ii maknu ehanittak ele daatte amu, nuhikkud totol danab ag Nug oɗeppanu haknunab nai aon ag amelagppa madippig amu, da nai aɗit amu oh ag daulagppa dob, ehanadkkunu ool daye yaami.

Ikki Danab 13:24

Manoa wau anam aum, haen ugekke, aa bekkalah do, aa nug onig Samson ataɗeh, Yawe nid amu itittette okkai meum.

Ikki Danab 15:20

Samson nug Israel dilag epeɗiak danab maɗ 20 oh dayom, amge haen amuppa Pilistia ag Israel wan guman daappig.

Ikki Danab 4:1

Ehud mauhom dimppa amu, Israel danab ah ag baula Yawenu neekkakppa eheɗ heppig.

Ikki Danab 6:1

Israel danab ah ag anam daaeg ukke, ag baula Yawenu neekkakppa eheɗ heppig amunu, Yawe Nug ag diia, Midian eppelagppa maatte, ag maɗ eblaih aɗit ele anam daappig.

Ikki Danab 6:11

Yawe Nug propet oɗeppa Israel danab ah anam amelagppa ana male, Kayaknu engel nug na, Opra aabppa ad ok waappa heɗep na dayom. Ad amuam Joasnu. Joas nug am Abieser buɗubppan danab laa. Midian danab ag nug anidmananu, Joas bekka Gideon nug grep meu tappa leppu awaknu abenppa wit mumuɗaɗa dayom.

Ikki Danab 6:14

Anam a amu, Yawe Nug eɗua, nug neekkittatta, Nug amegppa aum, “Da na ele daagnih amunu, na ɠagattag amu ele daan gona, Israel ehanadna, ag Midian eppelagppan eɗun diie! Da na iite meitti gottem?” awa aum.

1 Samuel 12:11

Ag anam heeg, Yawe Nug ahilag unuqittak doya, Nug Gideon, Bedan, Jepta, amu da ele meikke uɗimut. Nug meikke uɗit heut, ag Israel, ag kekeɗ ahilkad eppelagppa ii daappig. Iitta. Ag baɗak iittappa daappig.

1 Samuel 16:1

Amu Yawe Nug Samuel amegppa aum. “Da hei, Israel dilag king dayaknu ehah am Saul eppegppa, nug baekkudppa eppelagppa ele ii daatte, me na nuhignu haen elab oot doyeye, oot uugnab doottem. Amu haen gane laa ele ukkeb, na kobol amu uukkut? Uuppe! Da danab laa, Jesi, Betlehem daatte, nug bekka, da nug king daakkunu tituanmi amunu, na ad olip meunu goɗen idppa qeppe noob, aon Betlehem Jesi laugppa gona, goɗen amu aon, laa nug king daakku amu, na nug igippa gokkaɗe!” awa aum.

1 Samuel 16:13

Yawe Nug Samuel anam hekkunu amegppa a, Samuel nug goɗen awa, Dawit awakkud noolagppa Dawit nug king bekkunu goɗen gokkaɗakppa tituanom. Samuel nug Dawit goɗen gokkaɗakppa tituane, Yawenu Ouɗi Nug Dawit, nuhigppa ɠagattag ele uɗiom. Yawenu Ouɗi Nug uɗia daya, Dawit ii uuittom. Iitta! Nug anam dayom. Amu Samuel nug eɗua, Rama ukkom.

1 Samuel 17:45

Goliat nug anam a amu, Dawit nug nob ma aum. “Na qep elab, ban elab, am ban tutu ele aon, da ele ban hekkunihnu uɗime, amge da Yawe Nukka Ɠagattag Oh Ele, da Nug onigppa, da na ele ban hekkunihnu uɗittem. Nug am Israel ban danab dilag Kayak. Na nuhignu guhig ahaknu nai ame.

1 Samuel 2:11

Hana nug anam unuqitta male, Elkana, Hana ele aa eɗuya, Rama gopiɗ, amge nid danab Samuel, nug Silo dayaya, mana mettak danab Eli waappa Yawe noobppa Yawenu ɗo maɗoɗnu uɗat heum.

1 Samuel 2:18

Amu nid danab Samuel, nug Silo appa Yawe noobppa lamen enanag-epod linenppa hak tagakka, Yawenu ɗo maɗoɗ uɗat heum.

1 Samuel 2:4

Yawe he, ban danab ɠagattag ag gai-iitta, lat qiiom bia daatteb. Nug he, danab nena qeppig ele, ag eɗun ɠagattag daatteb.