Hibru 11:3 - Nobonob Baibel

³ Ig Kayaknu oonigppa genab doottem amunu, ig imunu maittak aottem. Kayak Nug oɗeppa haknunab nai aawo, wan, hab, atu, keeke oh ele beppig daatteb amunu, keeke ig gemu anidttem, keeke amu oh am keeke ig anidkkunignu elele, am amuppa ii beum.

Hibru 11:3 ပူးပေါင်းရင်းမြစ်များ

Genesis 1:1

Digmak haenppa Kayak Nug hab, wan ele heum,

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

Aisaia 40:26

Ag attan neegna, habppan keeke antteg! Aun nug keeke amu oh heum? Laa Nug keeke amu oh gumaama, Nug keeke amu oh onilkad dootte ele, Nug heum. Nug am ɠagattag okkai naɗi ele amunu, habppan keeke oh am hanhan anamib daatte. Laa iinab qettoɗtte.

Jeremaia 10:11

Ag Israel danab ah, ag wanppan wan anen anen ohppan danab ah inam appeg dooglag. “Kayak hambuppuak ag bappaladtteb, ag hab, wan ele ii heppig. Ag ii heppig, amu ag wanppanu qettoɗkkulag.”

Jeremaia 10:16

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Israel ele hattom. Israel ag am nuhikkudnab danab ah. Nug onig am Yawe Nukka Ɠagattag Oh Ele.

Jon 1:3

Kayak Nug keeke oh Nai Kayak Ippunigtte eppegppa me, Nug keeke oh haattom. Keeke laa ib laappa ii beum.

Aposel 14:15

“Ag ippan danab, ag aɗinu anam hetteb? I ele am danab, ag biaib. I Nai Ena ag amelagppa mehuqta, amu i ele ag keeke nau hamu meu iitta amu uuadna, ag Kayak bau daatte amu Nug dim lamidkkulagnu amelagppa mehuqttep. Nug am hab, wan, yu ele, amu keeke oh amuppa daatteb ele, amu oh Nug hattom.

Aposel 17:24

Pol nug anam ana, nug tuɗitta aum. “Amu Kayak Nug wan imu ha, keeke oh wanppa daatteb, laa ig anadttem, laa ig ii anadttem ele amu, Nug heum. Kayak amu Nug habnu, wannu ele Naɗi daatte amunu, Nug mettid lag, danab eppelagppa hetteb, amu ooppa, Nug ii daatte.

Rom 4:17

Amuam Kayak naippa, nai Abrahamnu inam daatte bia. “Da heppi, na wanppan wan laala kuɗum mamelag daakkut.” Abraham, nug Kayaknu ooppa genab doyom, amu Kayak Nug nuhignu, nug am ig oh ig mamenig daatte dabmette. Kayak Nugib danab mauhppig ele bauklel madatte amu, Nug keeke ii beppig ele, keeke beppig bia onilagppa ette.

1 Korint 2:7

Amu nai ig mehuqttem ele, nai amuam Kayaknu doyak dabmak ena ele, nuhig dabmakppa daye, danab dilag neekkakppa miag atiak ii daya, lokkumak dayom ⌊uɗie, gemu batak⌋. Amu Kayak Nug wan ii beum haenppa, Nug nuhig doyak dabmak ena ele amuppa ig binag amahlak oppiaawak ele aognignu maittak awom daatte.

1 Timoti 4:5

Aɗinu? Keeke amu oh Kayak naippa amu unuqittakppa ele ig aot lakkunignu oppiaawak daatte amunu, ig aognig.

Hibru 1:2

amge Nug gemu, gog tak haen imuppa amu, Nug Bekka oɗeppa ig amenigppa nai mattiom. Kayak Nug Bekka Nug aug daakkunu Nug keeke oh aokkunu aum, amu nuhigppa Nug keeke oh ele hattom.

Hibru 6:5

ag Kayaknu nai doona enanag anana, kobol enanag butti aɗi haen amuppa ahilagppa bekkunu ele dooppig amu,

2 Pita 3:5

Anam, amge digmakppa Kayak Nug oɗeppa nai aawo, hab wan ele beeh, Nug he, wan le ooppanu ba, le eɗitta dayom amu, ag amu doonna daulag atitte.

Revelesen 4:11

“O Naɗi, ihinig Kayak, Na keeke ohnab heme. Nahip doyakppaib na keeke oh he beppig. Gemu keeke amu oh nahip doyakppaib ele iikku daatteb amunu, binag amahlak oppiaawak, ɠagattag, binag ele nahip-ppa daakkunu, na elele daattem.” Ag anam aegeg anidmi.