Hibru 11:23 - Nobonob Baibel

²³ Moses anig mameg ele aa ele Kayaknu oolahppa genab doopiɗ amunu, anig nug Moses menue, nid enanag anidya, kalam ewam lokkumeh niittom. Aa Paronu oolah ii baɗeɗe hepiɗ.

Hibru 11:23 ပူးပေါင်းရင်းမြစ်များ

Sam 118:6

Yawe Nug da ele daattep amunu, da ii baɗapa. Ao, ⌊Yawe Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.

Sam 56:4

Ao, da Kayak, da nuhig nai binag mettem amu, da nuhignu oolppa genab doottem. Anam amunu, da ii baɗapa. Ge, ⌊Kayak Nug danab dahilppa aɗi hekkulagnu ii uuatteb hekkulag amu,⌋ danab ag aɗi keeke dahilppa hekkulagnu elele iitta.

Eksodas 1:16

“Haen aa Hibru ah nid menuglagnu ehanadttep amu, Hibru ah laa nid menuebeb, aa pehettak neegkkulah. Ah amu nug nid danab menueb anidya, aa nid amu qepeɗ mauhkku. Amge ah nug nid ah menueb amu, aa aib qepiɗ! Aa uupeɗ daakku” awa aum.

Eksodas 1:22

Aria dimppa, Paro nug Isip danab ah amelagppa inam aum. “Hibru ah ag nid danab bau menuadppeg anidna, ag aɗadna, Nil leppa agappeg noig; amge nid ah menuadppeg amu, ag uuadppeg dayeg!” awa aum.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Aisaia 41:14

O ag Jakop buɗub, ag ahilag ɠagattag am maɗuai bia, amge ag aib baɗappig. Ao, ag Israel danab ah ag ahilag ebqak am kuɗum iitta, amge ag aib baɗappig. Da Yawe, da ag ehanadkkul.” Yawe, Nug am ag Israel, ahilag qagaiettakppanu eɗua uhuqaknu ehanittak, Nug ele ag Israel, ahilag Kayak Oppiaawak Ele amu, Nug anam atte.

Aisaia 51:12

Amu Yawe Nug atte. “Da, ge da, da oo mak madattem. Danab am keeke gai-iitta, oh mauhtteb amunu, aɗinu ag danabnu baɗadtteb? Ao, aɗinu ag danab bekkalkad, ag gikkiɗah bia paha nauhtteb ele amu, aɗinu ag ag baɗadtteb?

Aisaia 51:7

Ag danab ah dahilad, ag kobol tutukku dootteb, ag dahil ɗo ag oolagppa daatte amu, ag dahil nai doyeg! Ag danab dilag nai haknu aib baɗappig. Ao, ag awa awa qettak nai naunab ahilagnu atteb amu, ag amunu baɗak eheɗ nau aib dooppig.

Daniel 6:10

Danab okkai amu ag anam heeg, king nug ɗo amu he ye, onig me, haen Daniel nug ɗo amunu doya amu, nug aha, lakka ukka, nug oo attan laa gililppa ulah ibuppa, danab nug appa dayaya, neekkeb laih Jerusalem daatteppa gokkunu elele, nug gililppa ulah ippu amuppa gateg qaun o, nug Kayak amegppa, “Ena hen mekkame,” anana, Kayak unuqittom. Nug deɗ ohppa haen ewam Kayak anam unuqittom. Nug kingnu ɗo nai amu ii babaittom haenppa heum bia tuɗitta heum.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Aposel 7:20

Ag uug nau amuppa daanna, haen amuppa Moses anig nug menuom. Nug Kayak noobppa nid ena daye, nug anig mameg ele aa kalam ewam anam lakka lokkumeh dayom.

Hibru 13:6

Diig amunu ig ⌊anen anen⌋ ig oonigppa baɗak iitta ele akkunig. “Naɗi Nug da ehaniɗtte amunu, da ii baɗapa. Ao, ⌊Naɗi Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.”