Hibru 11:22 - Nobonob Baibel

²² Josep nug Kayaknu ooppa genab doyom amunu, haen nug mauhkkunu haaha amu, nug Israel ag dimppa Isip uun ahan gokkulagnu ana, nug beɗu attem boumkkulagnu ele aum.

Hibru 11:22 ပူးပေါင်းရင်းမြစ်များ

Eksodas 13:19

Ag gonana, ag Josep ebehi ele maon goppig. Aɗinu? Anukka Josep nug Israel bekkod laa amelagppa aum. “Geha dimppa Kayak Nug ag Israel, ag Isipnu eɗua diia gokku amunu, haen amuppa ag da ebehil ippanu aon ele ukkeg!” awa aum. Josep anam awa ana, nug he, ag amu hekkulagnu nai mattin, ɠagattag qedappig. Ag anam appig amunu, Moses he, ag Josep ebehi ele maon goppig.

Luk 9:31

aa tulai doeh, Nug ele nai madippig. Danab aɗit aa Kayaknu binag amahlak oppiaawak ele beeh, Jesus Nug Jerusalem appa Kayak uɗat mettom amu hewowa, wan imu uua gokku, ag amunu nai madippig.

Aposel 7:16

Ag mauhatteg, gaɗalag amu ag eɗun akkan gona, Sekem matmatppa boumadppig. Anukka Abraham nug silwa men doɗoppa wan amu Hamor buɗub, danab amu ag eppelagppanu awom.

Josua 24:32

Amu Israel ag Isip uun beppig, haen amuppa ag Josep ebehi ele maon uɗippig. Ag maon uɗin, Kanan wanppa Sekem guguittak, appa boumppig. Ag memetalag anukkanu Jakop, nug wan amu aokkunu, nug Hamor bekkod silwa men doɗo 100 matta awom. Nug wan amu awom amu, ag aguppa Josep ebehi boumppig. Anam amu, wan amuam Josep buɗubnu wan, ag aulag aakku dayom. Hamor am Sekem mameg.