Hibru 11:13 - Nobonob Baibel

¹³ Abraham aɗi amu ag ahilag ooppa genab doyak amuib aɗan mauhppig. Ag Kayak keeke madakkunu nai qakka aum, nai amuib aoppig daanna mauhppig; keeke amu ii aoppig, amge butti aɗi keeke amuam bekkunu genab anidppig. Ag appig. “Ig am wan laihnu danab uɗit daatteb bia daattem; wan imuam ig appanig diignab iitta,” aon appig.

Hibru 11:13 ပူးပေါင်းရင်းမြစ်များ

Genesis 21:34

Keeke amu oh dimppa amu, Abraham nug Pilistia wanppa haen elab nakok dayom.

Genesis 23:4

“Da am aab diig danab iitta, da uɗien, ag oolagppa daattem; da wan laihnu danab amunu, da wan nakok laa imuppa ah dahil boumkkulnu daden mekkulnu ool daatte,” awa aum.

Genesis 25:8

nug mauhom. Nug am danab kainonab. Haen elab wanppa oiya, nug mauhom.

Genesis 47:9

Oɗ mette amu, Jakop nug Paro amegppa aum. “Dahil maɗ amu, da mamelad aɗi dilag maɗ bia iitta. Dahil amu 130 aakkuib. Da wanppa oiyeye amu, da uug kuɗum anidmi,” awa aum.

Genesis 48:21

Israel nug itittak ena nai mattia malowa, nug Josep amegppa aum. “Mauhak dahil am miag, amu da mauhppi, dimppa dimppa Kayak Nug ag buɗulkad aɗi omalatteb, na mamenad dilag wan Kanan, ag appa gokkulag

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

Genesis 49:18

O Yawe, na da ehaniɗkkutnu, da na amen mettem.

Genesis 49:28

Amuam Israel dilag huu okkai 12, amu ag mamelag itittak ena mattom, am anam. Ag itittak ena piɗe piɗe, anen anen, ag diilag bia elele aoppig.

Genesis 50:24

Aria, dimppa Josep nug awakkud amag ele amelagppa aum. “Da mauhkkul hettem, amge Kayak Nug ehanatteb, ag eɗun, Kanan wanppa gokkulag. Kayak Nug Abraham, Aisak amu Jakop ele wan amu madakkunu nuhig nai ɠagattag qa, ag amelagppa mattiom,” awa aum.

Job 19:25

Aɗinu? Da inam doottem; laa Nug da qagaiettakppanu eɗua uhuqak danab dahil daatte. Ao, Nug daatte amu, gog tak haenppa Nug wanppa daakku.

Sam 119:19

Da wanppa daattem amu, da aab diig danab iitta daattem. Na heppe, da nahip ɗo dookkulnu ool daatte!

Sam 39:12

“O Yawe, na dahil unuqittak dookkutnu oɗ medattem. Na dahil gayak imu dookkutnu unuqidttem. Na dahil gayak imu ii dokkutnu ool ii daatte. Aɗinu? Wan imuppa da wan laihnu danab; aab diig danab iitta daattem. Da mamelad aɗi, ag ele anam aakku daappig.

Eksodas 2:22

Aa ewau matulak aoya oiya, dimppa Sipora nug oo ele daye, nug nid danab laa menuom. Nug nid amu menue, Moses nug nai anana, nug, “Da wan laihnu danab; da dahil wanppa ii daattem,” awa aum amunu, nug nid amu onig Gersom ataɗom.

Lewitikas 25:23

⌊Am aib daulag atiom,⌋ wan amu dahilnab daatte amunu, ag wan amu aib hanhannu daden maknu meppig. Aɗinu? Wan am dahil; ag am wan laihnu danab ah daan, dahil wanppa daan, dahil uɗat hetteb.

Namba 10:30

Moses nug Hobap amegppa anam aum, amge Hobap nug nob ma aum. “Iitta. Da ii gopa. Da eɗue wanelppa, dahilad danab dilagppa gokkul,” awa aum.

Namba 24:17

Da laa anidttem, amge gemu iitta. Ao, da nug anidttem, amge umanab daatte. King naɗi laa hoɗoppai bia, geha Jakop buɗubppanu uɗikku. Yo, king naɗi laa geha Israel danab ah dilagppanu uɗikku. Nug geha Moap danab uɗalkad aoɗadkku. Yo, nug geha Set buɗubppan danab ⌊am Moap danab, nug ag⌋ ikkilkad oh aoɗadkku.

Matyu 13:17

Amu ele da genab ag amelagppa attem. Kayaknu propet kuɗum amu genab tutukku hak danab aɗi ele ag keeke gemu ag anidtteb ele imu anidkkulagnu oolag huana heum, amge ag laa ii anidppig. Ag nai gemu ag dootteb amu, ag amu dooglagnu oolag huana heum, amge ag ii dooppig.

Jon 12:41

Aisaia Jesusnu binag amahlak oppiaawak ele anttom amunu, nug Jesusnu aum.

Jon 8:56

Ag mamelag Abraham nug dahil uɗiak haen anidkkunu maɗoɗppan gamag ahak doyaya, ameg ma dayom. Nug antta, nug oo gamag ahom,” awa aum.

Rom 4:21

Nug doya malom, Kayak Nug haen matu keeke hekkunu nai qakka aum amu, Nug amu hekkunu elele.

Rom 8:24

Kayak Nug ig eɗua awikkom, amu gemu ig amu gogppa tekkunu dabmak aɗat daattem. Amge ig amu gogppa taknu dabmak aɗat daattem ele, ig amu anidta malalom, gogppa taknu dabmak aɗa dayaknu uɗat laa tuɗitta ii daalo. Danab nug gogppa tak anttom ele, nug aɗinu tuɗitta gog taknu dabmak aɗa daakku?

2 Korint 4:18

Anam daatte amunu, keeke ig amenigppa anadttem ele, ig amunu keeke am anuqak dab-ii-mettem. Iitta. Ig keeke ig amenigppa ii anidttem ele, ig amunu am keeke anuqak dabmak aottem. Aɗinu? Keeke ig amenigppa anidttem ele am haen tutuib daakku, amge keeke ig amenigppa ii anidttem ele am geha hanhan daakku.

2 Korint 5:6

Diig amunu amu ig hab aabppanu beɗunig aognignu dabmak aottem; ig ii aognignu ii dabmettem. Ig anam dabmetata amu, ig imu ele doottem. Ig wan imuppa oiyaknu beɗunig ele oitata amu, ig Naɗi ele hab aabppa appa ouqak ii daattem.

Epesus 2:19

Anam daatte amunu, ag iitta aɗi ag baula wan laihnu danab, o aab diig danab iitta, ag amubia iitta. Ag Kayaknu danab ah oppiaawak ele, ag ag ele huu laippu; ag ele Kayak bekkod.

Hibru 11:14

Danab ag akka ahilagnu anam atteb amu, ag amuppa miag atiak ippunigtteb; ag appalag diignab anidkkulagnu neegna daatteb.

Hibru 11:17

Abraham nug Kayaknu ooppa genab doyom amunu, haen Kayak Nug Abraham ma anttak mettom, haen amuppa Abraham nug bekka mana, Kayak medakkunu keeke oh babaitta, ⌊Kayak medakkunu⌋ heum. Anam ha dayeye, Kayak he, nug bekka ii qeum, amge Kayak Nug Abraham amu oh helo bia doyom. Tatam Kayak Nug Abraham amegppa Aisaknu inam aum. “Na buɗunadnab am Aisak, nuhigppa bekkulag,” awa aum. Yo, Kayak anam nai qakka a, Abraham nuhig nai amu awom, amge dimppa nug Kayak oɗe dim lamidkkunu, Aisak mana, Kayak medakkunu keeke oh babaittom. Aɗinu? Abraham nug anam hekkunu haaha, nug Kayaknu inam dabmeum. “Da bekkal mauha, eɗua hippaidkkunu amu, Kayak Nug amu hekkunu elele.” Nug anam dabma, keeke oh Aisak mana, Kayak medakkunu babaitta mala dayom amunu, ig inam akkunignu elele. “Abraham nug bekka mauhak abenppanu eɗua awom,” aot akkunig.

Hibru 11:27

Moses nug Kayaknu ooppa genab doyom amunu, nug Isip wan uua, aha ukkom. Nug Paronu oo nauhak amunu oo ii baɗom. Amu danab ag Kayak amelagppa anidkkulagnu elele iitta, amge Moses nug anttom bia daya, nug uug doyaya eɗittaknuib dabmak awak kobol dim lamitta dayom.

Hibru 11:39

Ooppa genab doyak danab amu ag Kayaknu oolagppa genab doon, ag Kayak noobppa onig ena aoppig, amge ag oolagppa laa nug Kayak keeke ena madakkunu nai qakka aum amu, ag wan imuppa daappig haenppa ii aoppig.

1 Pita 1:1

Da Pita, da am Jesus Kristusnu totol danab. Da nai imu ag Kayaknu danab, Nug tituanattom ele, ag prowins onilkad Pontus, Galesia, Kapadosia, Asia, amu Bitinia ele, ag aab diig danab iitta goppig daatteb amu, da ahilagnu yaattem.

1 Pita 1:17

Ag Kayak, Nug danab oh melemel laippuppa ahilag hak anen anenppa epeɗiadtte amu, ag Nug unuqidnana, Nug onig diin Mame atteb amunu, ag haen imuppa aab diig danab iitta daanna wan imuppa oitteb amu, ag nuhignu ag ebehilag oh bodoetta le meeb, ag Nug onig binag metteg!

1 Pita 2:11

O lailad, ag laihnu danab, aab diig danab iitta wan imuppa daatteb amunu, da ag beɗulagnu kobol nau, kobol amuam ag hanhan ig Kayak amegppa danab ena daamtanu wagai metteb ele amu, ag kobol amu ii hemananu dabmak maɗettak nai iikku madattem.

1 Jon 3:19

Ig anam hekkunig amu, ig amuppa doyak diig genabibnu meuppa daattem doognig. Ele amu, Kayak Nug ihinig dabmak eɗitte, Nug keeke oh dootte amunu, ⌊ig ihinig hakppa, oiyakppa, oonigppa ele ig lainkad dilagnu oonig mauhtte dayeb, Nug amu dootte,⌋ amu haen ig anen anen ig oonigppa, “Da elelenab ii hettem bia” doottem, haen amuppa ele ig Kayak noobppa baɗak iitta daagnignu elele.