Hibru 10:34 - Nobonob Baibel

³⁴ Amu ag danab maniguittakppa daappig, ag amu dilag oolag doyom. Amu haen laala dimittim danab ag uɗin, ahilkad keeke ena ena aɗadna diippig, amge ag amunu oolag ii nauhom. Iitta. Ag maɗoɗppan gamag ahak doon uueg aoppig. Aɗinu? Ag ahilag keeke ena hanhannu, dimppa aoglagnu appa ana daatte dooppig.

Hibru 10:34 ပူးပေါင်းရင်းမြစ်များ

Eklisiastis 3:6

Danab keeke anidkkulagnu mattiglagnu haen daatte; danab mattiak uɗat uuna, baula ii mattimnanu haen ele daatte. Danab keeke qagmena aɗaglagnu haen daatte; danab keeke kinipan abenppa buɗippeg gokkunu haen ele daatte.

Matyu 19:21

A amu Jesus Nug amegppa aum. “Na genab tutukku hak danab elelenab bekkutnu amu na gona, na enun oh meppe, danab laala daden meppeg, na men doɗo amu oh aon, daɗek danab mattona amu, na hab attan enun okkai ele daakkut. Anam hewona amu na eɗun dona, da dim lamiɗe!” awa aum.

Luk 10:42

amge keeke laippuib am okkai daatte, am Maria nug keeke ena amu tituanom. Keeke ena nuhig amu ig aɗidta ii aomta,” awa aum.

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Luk 9:25

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku?

Aposel 21:33

Uueg, ban daup dilag ikki anuqak nug gumatta wana, Pol aɗa, daup amelagppa, “Ag nug sen aɗitppa qakkeg!” ana, nug Juda danab oɗ mattom. “Imu danab aun, nug aɗi heum?” awa oɗ mattom.

Aposel 28:20

Diig amunu da ag gemu daatteb, da ag ele mattit, appi anidna dooglagnu am da ag anadkkulnu ele ool daye onilagppa emi. Da Israel dilag dabmak aɗa ameg ma dayak, ⌊amuam Kristus uɗikkunu dabmak⌋ da amunu gemu sen imuppa da eppel qakkak daattem,” awa aum.

Aposel 5:41

Ag anam heeg, totol danab 12 ag Juda dilag hettoɗiak okkai onig Sanhidren, amuppanu dimittim gona, ag maɗoɗppan gamag ahak doona, inam dabmeppig. “Kayak nug ig Jesus onignu uɗa nak, guittak ele aognignu elele anikkom amu, amuam ena.” Ag anam dabmeppig.

2 Korint 5:1

Wanppan keeke haen tutuib daatte, hab aabppanu keeke am hanhannu ele amunu, ig imuam dabmettat doottem. Ig gemunu beɗunig am wan imuppaib oiyaknu daatte. Keeke hanhannu iitta, danab nug peh haen tutuib daakkunu hette, amubia. Anam daatte amu, aria peh nug nauhtte, amubia ig beɗunig gemunu nauhppeg amu, Kayak Nug beɗunig laa, lagnab bia, hab aab appa megakkunu daatte. Lag amuam Kayak Nug heum; danab laa ii heum. Nug hanhan daakku.

Epesus 3:1

Diig amunu amu da Pol, da iitta aɗi ag ehanadkkulnu Kristus Jesusnu maniguittak danab daattem.

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Epesus 6:20

Ao, da Nai Ena imu madittem amunu da maniguittakppa daattem. Ge, da amu madikkulnu uɗat ele amunu amu, ag Kayak Nug heeb, da helom bia da baɗak iitta dayen, nuhig nai madikkulnu unuqitteg!

Pilipai 1:7

Amu haen laa da maniguittakppa dayeye, haen laa da dimittim dayeye, da danab laala Jesusnu nai tabappeg nekkunu hetteb amu, nuhig nai nemanu da wagai mein, da ele nuhig nai ɠagattag qedette, Jesusnu Nai Ena ele madittem, haen amu oh amu da ag ele, ig oh Kayaknu ehanittak okkai hamu megatte ele amu aomut amunu, da oolppa ahilagnu enanag doottem am kobol ena; kobol tutukku.

Kolosi 1:5

Ag tatam nai doyak diig genabibppanu, amuam Jesusnu Nai Ena, ag amu doon, keeke Kayak Nug hab attan ahilagnu tituanom amu, ag amu aoglagnu ele doona, gemu ag aoglagnu dabmak aɗan oitteb amunu, ag ooppa genab doyak ahilag, oo mauhak ahilag ele aɗan daatteb.

1 Timoti 6:19

Ag anam hekkulag amu ag keeke kuɗum dimppa ehanadkkunu, ag bau dayak genab aoglagnu qagmekkulag.

2 Timoti 1:16

Da Naɗi Nug Onesiporus nug baekkudppa ele, da Nug ahilagnu oo gai-iitta doya oo matta ehanadkkunu unuqidttem. Aɗinu? Onesiporus nug haen kuɗum da qagaiettak daaiyi, nug da ool ena daakkunu ehaniɗom. Da maniguittak daami amunu ele nug uɗa ii neum.

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

Hibru 11:16

amge anam am iitta. Ag appalag ena dimppanu, hab aabppa amunuib dabmeppig amunu Kayak Nug, “Da ahilag Kayak,” akkunu amu uɗa ii nette. Iitta. Nug aab enanag, ag daaglagnu babaittom daatte.

Hibru 13:14

Ig doottem, wan imuppa aab okkai haen elab hanhan daakkunu, ig appa daagnignu laa ii daatte. Amge ig am aab okkai butti aɗi bekku ele amunuib ameg metata daattem.

Hibru 13:3

Ag lailkad laa maniguittakppa daatteb ele, ag ag ele oh maniguittakppa daalob bia doon, ag amu dilag dabmenan dayeg! Ele amu, ag lailkad laa, danab laa ag eheɗ hadatteb amu, ag ele guittak amu aolob bia doon, ag amu dilag dabmenan dayeg!

Hibru 9:15

Amunu Kayak Nug danab onilagppa eum ele, danab amu ag itittak ena haen ohnu ele, Kayak anukka Nug bekkod madakkunu nai qakka aum amu, ag amu aoglagnu elele daaglagnu, Kristus Nug nug tituana nai qakkak baunu gamag danab daatte. Kayak Nug amu madakkunu elele daattenu diig am Kristus Nug danab ag nug tituana nai qakkak alag waappa daana, hipunin heppig ele, ag hipunin amuppanu uhuqak aoglagnu mauhom.

Jems 1:2

O lailad, haen ag ma anttak digdigppa daatteb amu, ag amunu oolag aib ottaiom. Iitta. Ag maɗoɗppan gamag ahak doyeg!

1 Pita 1:4

Amu ele ig Kayak Nug bekkod keeke madakkunu dabmette ele, keeke amuam hanhan daakku, ii nauhma, iitta ii mema amu, Nug hab aabppa ahilagnu babaittom daatte amu, ig amu ele dimppa anidkkunignu ameg mettem.

1 Jon 3:2

O gamalad, gemu ig aakku Kayak bekkod daattem, amge ig geha attem daagnig am miag ii atiom. Amge ig doottem, haen Kristus Nug miag atia beeb, ig Nug bia daagnig. Aɗinu? Ig Nug attemnab daatte anidkkunig.