Hibru 10:22 - Nobonob Baibel

²² amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Hibru 10:22 ပူးပေါင်းရင်းမြစ်များ

1 King 15:3

Abaiya nug hipunin oh, nug mameg heum amu, nug ele heum. Nug alag Dawit nug meu ohppa Yawe dim lamittom bia, Yawe, nuhig Kayak, nug Nug anambia ii dim lamittom.

1 Stori 12:33

Seblon buɗubppanu am 50,000. Danab amu ag ban haknu sul aon malappig. Ag lat, lat doɗo ele, o ban, o daɗib, o aɗi bannu keeke oh aɗan ban hekkulagnu dooppig. Ag meulag ohppa Dawit, nuhigib dabmena oo metta ii uuak kobol dim lamidppig.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

1 Stori 29:17

O Kayak dahil, da doottem, na danab oolagppa attem attem daatte, ag oolag italttem. Amu na danab nug nuhig dabmak oiyak ele am tutukkuib anidna, na amunu ootppa ena doottem. Anam amu, keeke imu oh da na mettami amu, da oo qak iitta ele, da dabmak genab dim lamitten mettami. Laa amu, da danab nahipad ag ina daatteb amu, ag oo qak iitta ele keeke medappig, da amu ele antten, gamag ahak okkai doottem.

Sam 111:1

Ag Yawe binag meig! Da meul ohppa genab tutukku hak danab ah, am Jakop buɗub ag Kayak dim lamidtteb ele, da ag ele qagmeta, Yawe amegppa, “Ena hen mekkame,” akkul.

Sam 119:10

O Yawe, da nahip dabmak dookkulnu meul ohppa dabmettem. Na heppe, da ɗo nahip dim lamittaknu ib amu apiɗidpanu oɗ medattem.

Sam 119:145

O Yawe, da meul ohppa na unuqidttem. Da nahip ɗo dim lamidkkulnu amu, na da oɗelppa aokkutnu oɗ medattem.

Sam 119:2

Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.

Sam 119:34

Da nahip ɗo dim lamidkkulnu, da meul ohppa anam hekkulnu amu, na ɗo nahipnu diignu doyak tutukku meɗakkutnu oɗ medattem.

Sam 119:58

Da meul ohppa ele nahip itittak enanu ool hette. Ao, na oo bodoette enanag maɗoɗ ele hak kobol dim lamidna hena meɗakkutnu ame amu, na amu hekkutnu oɗ medattem.

Sam 119:69

Am beɗup tak danab ag dahilnu hambuppueg, laa ag dahilnu nau dootteb, amge da meul ohppa nahip oo yaak nai ɗo bia, da nai amu dim lamidttem.

Sam 119:7

Nahip ɗo am genab tutukkuib. Da nahip ɗo amu doyeye, da ool oppiaawak eleppa na binan humakkul.

Sam 119:80

Da uɗa nak ii doopanu amu, da nahip ɗo dim lamidppi, nahip neekkakppa da oolppa kaliak laa ii daamanu ool daatte.

Sam 32:11

Amunu ag genab tutukku hak danab ah, ag Yawe Nug aɗi keeke ena oh heum, ag amunu oolag ena doon, oolag gamag ahaɗ! Ao, ag genab tutukku hak danab ah, ag oo gamag ahak okkainab doon ahi etteg!

Sam 51:10

O Kayak, na heppe, da ool unuqag oppiak ele daakkunu oɗ medattem. Ao, na heppe, dahil dabmak tutukku ele dayeye, na dim lamidkkulnuib hekkulnu unuqidttem.

Sam 73:28

Dahilnu amu, da Kayak guguitte daakkulnu am ena! Da Naɗi Yawe Nug dahil padal mak eɗitteb ena daakkulnu ehanittak daakkunu oɗ mettai, Nug anam daatte. Da keeke ena okkai okkai oh Nug hette amu, da laa oh amelagppa akkul.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Sam 9:1

O Yawe, da meul ohppa ele, na amenppa, “Ena heme,” akkul. Da na kobol danab haknu elele iitta heme amu, da amunu madikkul.

Sam 94:15

Laa amu, Nug heeb, hettoɗiak danab ag genab tutukku hak kobol dabmenana, ag nai doya mala hettoɗia epeɗia elele mettak kobol dim lamidkkulag. Amu laa oh ag oolagppanab Kayaknu dabmetteb ele, ag amu dim lamidkkulag.

Eksodas 29:4

Amu dimppa na Aron bekkod ele omaladna gona, dahil mettid haknu peh lag danab ah appa qagmetteb ele, na ag lag amu odppa maadna heppe, ag le layeg!

Prowerb 23:26

O bekkal, na oot da meɗe! Na dahil oiyak anidna, amuib dim lamitte!

Aisaia 29:13

Am Naɗi Nug atte. “Danab ah imu ag oɗelagppan nai mattiakppa da gumiɗna uɗitteb. Ao, ag nai mattiak ahilagppa da binal meɗatteb, amge ag oolag da ii meɗatteb. Ag dup nona binal metteb, amge ag danab dilag dabmakppaib, amu ag danab dilag ɗoppaib amu hetteb.

Aisaia 52:15

Ag dabmak huanaknab aoglag, amubia danab ah wan atu kuɗumnu ag ottaikkulag. Anam amu king ag nuhignu oɗelag qamutna, dabmak kuɗum aoglag. Aɗinu? Keeke ag nuhignu ii dooppig amu, ag anidkkulag. Ge, laa ag nuhignu keeke laalanu a ii dooppig ele amu, ag amu doon, ag amu diignu doyak tutukku aɗaglag.” Yawe Nug anam atte.

Jeremaia 24:7

Da heppi, ag da Yawe, ag da dooiɗkkulagnu, ag oolag okkai daakku. Ag oolag eɗueb, ag meulag ohppa dahilnu daaglagnu oolag daakku amunu, ag dahilad danab ah daaglag, da ahilag Kayak daakkul.

Jeremaia 3:10

Israel ag anam heegeg, da ag uug nau mattami, amu Juda, ag da ippunadmi bia da dim lamiɗkkulagnu uun hetteb amu, ag anidppig, amge ag genab eɗun dahilppa ii uɗippig. Iitta. Ag ameg qakkak hakib hena, gaɗalagib eɗun dahilppa uɗippig.” Yawe Nug anam atte.

Jeremaia 30:21

Jakop buɗub oolagppanunab laa, nug ahilag okkai daakku. Ao, ag oolagppanu laa nug king daakku. Da nug da gumiɗa uɗikkunu omalkkul. Da nug omalppi, nug da gumiɗa uɗikku. Aɗinu? Laa nug nukka nug, ‘Da dakka, da Yawe guguitten wakkul,’ ana hekkunu am elele iitta.

Esekiel 16:9

Amu Naɗi Yawe Nug tuɗitta atte. “Amu tatam da na le laitte, tiin ihai ukke, goɗen digdig ele beɗun laidmi.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Lewitikas 14:7

Am mana mettak danab nug ai mauhom tiig, le ele amu awa, laa nug Kayak ele ouqeya daaglahnu bekkun daatte amu, haen eblaih aɗit anam tauɗ qetta, nug danab amu amegppa nug Kayak ele ouqa dayaknu elele akku. Kobol amu malak dayeb amu, mana mettak danab nug ai bau amu paɗeb, nug hagagɗa, aab dimittim, dadppa keeke, nug appa ukka oikku.

Lewitikas 16:4

Anam hewowa amu, nug le layowa, nug linen lamen gaɗa aɗatte ele tatam mewowa, nug lamen nakok elab, dahilnu tituanak daatte amu, nug amu ele mekkuoitte. Amu hewowa, nug lamen nakok elab, imuagppa matagiɗ bia qakkaknu takkowa, nug igippan lamen mekkuoitte. Lamen amu oh am dahilnu tituanak daatteb. Nug le layowa, mekku.

Lewitikas 8:6

Anam awowa amu, nug Aron, bekkod ele diia doa he, ag le laappig.

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

Namba 8:7

Ag oppiak ele daaglagnu amu, na inam iikkude he! Na le, amuam le heeb danab nug da Yawe, da ele ouqa dayaknu elelenu le amu, na le amu tauɗ qadakkut. Na amu hewona, na heppe, ag beɗulagppan uɗig oh aagppeg ukkeb, ag lamen ahilkad ele ihaladkkulag. Ib amuppa ag oppiak ele daaglag.

Matyu 3:11

Da ag oolag eɗuom Kayak dim lamidtteb ele leppa layadttem, amge laa Nug da dimulppa uɗitte amu, nuhig ɠagattag am dahil eɗidtte. Nug am danab okkainab, da am okkai iitta; dahil hak am nuhig bia iitta, dahil am elele iittanab iitta. Nug Kayak Ouɗi, aab aɗu eleppa ag layadkku.

Luk 1:1

O danab naɗi Tiopilus, danab kuɗum ag tatam keeke ig oonigppa beppig, amunu nai yaappig.

Jon 3:5

Nikodemus anam a amu, Jesus oɗeppa awa aum. “Genabnab genab da na amenppa attem. Danab nug leppa, amu Kayak Ouɗippa ele menuak ii aokku amu, nug Kayaknu ɗo maɗoɗ ooppa nokkunu elele iitta.

Jon 8:9

Aria, danab nai anam doona, ag laippu laippu dimittim gona malappig. Kaino ag tatam anuqna dimittim waeg, laala dim goppig. Ukkaeg Jesus Nugib dayeye, am ah nug ele Jesus noobppa hibaitta dayom.

Aposel 22:16

Aria, na aib hamu daame! Na ahan, layattak aon, na Jesus onigppa unuqidppeppe, Nug hipunin nahip uhuqa medakku.’ Ananias nug anam da amelppa aum.

Aposel 8:21

Na uɗat imu, ig hettem ele amu, na amu ooppa daakkutnu elele iittanab. Aɗinu? Kayak anidtte; na oot am tutukku iitta.

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

2 Korint 7:1

O da gamalad, Kayak Nug ihinignu nai qakka anak amu aum amunu, ig meunignu, amu ouɗinignu dubuttid ele oh geɗidta, ig Kayaknu ebehinig oh bodoetta le mak dootta, ig meunig ohppa Kayaknu oppiaawak ele daat oitu!

Epesus 3:12

Ig Jesus Kristusnu uɗat okkai, diig amunu, amu nuhignu ooppa genab doyak, amuppa ele, ig Nug ele ouqeta daattem amunu, ig Kayak toppa gokkunignu ib matulak daatte. Ig gokkunignu ii baɗattem.

Epesus 5:26

Ge, Kristus Nug tamaniak leppa amu Kayak naippa ele iheb, oppiaawak daakkunu,

Epesus 6:5

Begbeg maɗi nid ag wan imuppan gumak danab ahilkad dilagnu ena elele doon, ag ⌊Kayaknu neekkakppa eheɗ hemanananu ag⌋ baɗan, oɗelag dim lamitteg! Ag oolag aɗitppa uɗat aib heppig. Ag Kristus oɗe dim lamidtteb, amubia ahilkad okkai dilag ele anam heig!

1 Timoti 4:2

Nai amuam hambuppuak danab ag kobol hambuppuak henana, nai hambuppuak amu yaaeg bette. Hambuppuak danab amu ag oolagppan oiyak ippunittaknu ulum am uɗat pehettak ii hette amunu, ag ahilag hipuninnu dab-ii-medatteb.

Taitus 3:5

Nug ig eɗua awikkom. Ig ihinig genab tutukku hak kobol hemutnu laala anatta ii heum. Iitta. Nug ihinignu oo gai-iitta doya oo mekka ehanikkom amunu, Nug ig ihikka, nuhig Ouɗippa Nug bauklel mekke, ig bau menuak aomut.

Hibru 10:1

Aria, Mosesnu ɗo am Israel danab ah ag attem attem hekkulagnu ippunattom, amge hak amu oh am keeke ena butti aɗi genab bekkulag dottogib aakku dayeye anidttem. Hak amu oh am ɗo diigppanab aɗi daatte dottogib daatte; am keeke amunab iitta. Diig amunu amu, ɗo nug mana mettak iɗu iɗu anamib maɗ ohppa haknu atte, amge ɗo nug danab ag gunnab abenppa nokkulagnu elele daaglagnu bappaladkkunu elele iitta. Ɗo nug heeb, ag elelenab ii bemana.

Hibru 10:19

Amunu O lailad, ig Jesus tiigppa Kayaknu mettid lag Oo Gunnab Eleppa gokkunignu ib babaittak daatte; ig baɗak iitta nokkunignu elele.

Hibru 11:28

Moses nug Kayaknu ooppa genab doyom amunu, aqaknu engel nug Israel dilag nid danab tatamnu menuattak gukkuatta ii wamanu, nug Israel ele ag Pasowanu Hobul hena, ag sipsip tiilkad laulkad od uguppa tauɗ qedappig.

Hibru 12:24

Amu ag Jesus, Nug am gamag danab, Nug nug tituana nai qakkak bau heum daatte ele amu, ag nuhigppa wappig. Kain nug Abel qe mauhom, haen amuppa Abel tiig neum, amunu nob nau mak dayom, amge Jesus ehanigkkunu he, Nug tiig neum amu, ag amuppa wappig.

Hibru 4:16

Amunu uug haenppa Kayak Nug ihinignu oo gai-iitta doya oo mekka ehanikkunu, Nug ig ehanittak okkai hamu megakkunu amu, ig ii baɗatta, Kayak gumitta gotu!

Hibru 6:11

Amu ag dimppa gogtak haenppa aɗi aɗi aoglagnu dabmak aɗan oitteb ele amu, ag amuib aoglagnu elele daaglagnu, ig ag maɗi ahilag gemu pehettak hetteb amu, ag anamib heppeg ukkeb, gogtak haenppa malaglagnu oonig daatte.

Hibru 7:19

Aɗinu? Ɗo nug he, keeke laa elelenab ii beum, amge Kayak Nug ib laa ooɗom. Ib amu nug ɗo eɗittak, enanag. Amu ib amuppa ig Kayak toppa wakkunignu elele daattem.

Hibru 9:10

Keeke amu oh am ee lanak keeke, le lanak keeke, amu le laaittak kobol digdig ele. Ɗo amu oh am danab beɗulagnuib. Kayak Nug ɗo amu oh danab ag dim lamidppeg ukkeb, dimppa Nug ib bau ooɗaknu haen uɗieb batak daaglagnu he daappig.

Hibru 9:19

Tatam amu Moses nug ɗo oh danab dooglagnu mehuqa malowa, dimppa nug makau nakkud tiilkad amu meeme tiilkad ele awa, le ele kabolia, nug sipsip uɗig kokoɗnab amu uud laa onig hisop gumuppa ita, amu amuppa nug tiig le ele nug tituana nai qakkaknu ɗo yaak buk itoɗiak qaɗeppa tauɗ qettowa amu danab oh ele tauɗ aqom.

Jems 1:6

Amge haen danab laa nug oɗmak amu hette amu, nug amu aokkunu ooppa genab doyaɗ! Nug, “Da aokkultai o iittatai?” anam aib dabmeum. Danab nug dabmak anam ele, nug am ɠagattag ii daatte; nug am yu ulah heehe, koɗkoɗ qette amubia daatte.

Jems 4:8

Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

1 Pita 3:21

Aria, ag gemu daatteb amu, ag am Noa aɗi, ag aɗi keeke ippunigtteb bia daatteb. Ag ele leppa ehanittak aotteb. Amuam layattak, amge layattak am beɗunigppanu dubuttid ihaknu keeke iitta. Iitta. Layattakppa ⌊ag oolag eɗueb,⌋ ahilkad ooppan oiyak ippunittaknu ulum am ag oolagppa eheɗ laa ii daatte ippunatte, ag amuppa Kayak oɗe genab dim lamidkkulagnu Nug amegppa ahilag nai ɠagattag qettan maditteb. Amunu diig am Jesus Kristus, Nug mauhakppanu eɗua hibaittom.