Hibru 1:6 - Nobonob Baibel

⁶ Laa ele amu Kayak Nug Bekka naanaeg wanppa meeb uɗikkunu haaha, Nug inam ele aum. “Kayaknu engel oh ag Nug noobppa dup nona binag meig!” awa aum.

Hibru 1:6 ပူးပေါင်းရင်းမြစ်များ

Sam 97:7

Amu danab ah ag kayak hambuppuak dottolkad noolagppa dup nona binalag metteb ele, ag uɗa nak dooglag. Ao, danab ah oh ag ahilag kayak hambuppuak binalag metteb, ⌊ag uɗalag nekku⌋. Ag kayak hambuppuak oh, ag Nug noobppa dup nona binag meig!

Matyu 24:14

Amu danab ah oh dooglagnu ag Kayaknu ɗo maɗoɗnu Nai Ena wan atu ohppa mehuqppeg, danab ah dooppeg, geha haen amuppa gog tak haen bekku.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Jon 3:16

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

Rom 8:29

Aɗinu? Danab aun aɗi ag Kayaknu oolag mauhkku amu, Nug ag anukka doyattom. Nug doyattom amunu, Nug ag kuɗum Nug Bekka ele oh daan, Bekka Nug ag oolagppa ag awalag nid naanaeg daakkunu, ag Bekka daatte bia daaglagnu, Kayak Nug maittaknab amu awom.

Duteronomi 32:43

Ag wanppan wan anen anennu danab ah oh, ag Yawenu danab ah ele maɗoɗppan gamag ahak doyeg! Aɗinu? Nug laa ag nuhig maɗi nid guittak madappig ele, Nug amunu nob tutukku madakku. Nug kekeɗ nuhikkud dilag eheɗ haknu nob tutukku madakku; amu Nug ele danab ah nuhikkud dilag eheɗ haknu nob nau tiigppa iitta mekkunu heeb elele metteb, Nug heeb, nuhig wan ele eɗua, nuhig neekkakppa oppiaawak daakkunu hekku.

Kolosi 1:15

Kayak Bekka Nug am Kayak, danab laa nug Nug anidkkunu elele iitta, Nug bianab aakku daatte. Nug am keeke oh Kayak he beum daatte, Nug amunu ikki anuqaknab daatte.

Kolosi 1:18

Jesus Kristus Nug am Kristen tamaniak ikki daatte, amu Kristen tamaniak am Nug beɗu daatte. Kristen tamaniak diig amu Nugib aakku. Nug am danab anuqak moɗppan bau eɗua hibaittak danab. Nug anam daatte amunu, keeke oh ikki amu Nug aakku daatte.

Hibru 1:5

Kayak Nug engel dilag inam iinab aum. “Na am da Bekkal, gemu da na Mamen bemi daattem.” Iitta. Laa amu Kayak Nug engel laippu laa nuhignu, “Da nug Mameg daakkul; nug da Bekkal daakku,” ii aum amunu, ig nai amuppa Jesus Nug engel eɗadtte anidttem.

Hibru 10:5

Amunu haen Kristus Nug wanppa uɗia, Nug Kayak amegppa aum. “O Kayak, na ootppa keeke anuqak am, danab ah ag ofa iɗu iɗu na mettaglagnu ii daatte. Ao, danab ag nahip qaɗabppa manaknu ofa, ib etta hipunin haknu ofa ele na mettaglagnu amu, na amunu ootppa keeke anuqak ii doottem. Iitta. Na keeke amu ag abenlag aokkunu amu, na da beɗul imu bappaidna meɗame.

1 Pita 3:22

Jesus Nug eɗua hibaitta, Nug hab aabppa teum. Nug Kayak eppeg naɗiap-ppa daatte. Engel oh, laa ag gumaknu ehah ele oh, aria ɠagattag digdig oh ele, ag oh Nug waappaib daatteb.

1 Jon 4:9

Kayak Nug Bekka laippunab, ig nuhigppa bauklel aognignu wanppa me uɗiom amunu, amuppa amu Kayak Nug ihinignu oo mauhak dootte ig ippunikkom.