Hibru 1:14 - Nobonob Baibel

¹⁴ Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Hibru 1:14 ပူးပေါင်းရင်းမြစ်များ

Genesis 32:24

Nug anam ha, nug nukka ag haen tutu dayaknu aab kalak daappigppa appa dayom. Dayeye amu, danab laa be, nug ele nug ehalak heeheh ukke, wakkaɗom.

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

Job 1:6

Amu deɗ laa engel ag Yawe ag aɗi aɗi hetteb ippunidkkulagnu Nug gumidna gona daaegeg, Satan nug ele appa ukke, oh daappig.

Sam 104:4

Nug he, ulah am nuhig nai awa ukkak danab daatteb. Ao, Nug he, amemɗi am nuhikkud maɗi nid daatteb.

Sam 34:7

Yawenu engel nug laa oh ag Yawenu ebehilag oh bodoetta le mette ele, nug ag guguattak dayaya, nug ag ehanatte, qagaiettakppa ii daatteb.

Daniel 3:28

Anam daye, Nebukatnesar nug aum. “Ig Satrak, Mesak, Abetnego dilag Kayak binag metu! Nug he, nuhig engel laa uɗia he, nuhikkud maɗi nid ag eheɗ laa ii aoppig. Ag ahilag Kayaknu oolagppa genab doon, da ag eheɗ hekkulagnunab ami amu, ag nai amu ii dim lamidppig. Ag ahilag Kayak, ag Nug noobppa dup nona, Nugib binag mekkulagnu hena, ag kayak laa noobppa dup nona binag mekkulagnu uun autna aona, amu ii hemananu ag mauhkkulagnu dayeb am nai iitta doon, dabmak amuib dim lamidppig.

Daniel 6:22

Dahil Kayak Nug da eheɗ laa Nug noobppa ii hemi aniɗa, O king, da nahipnu ele eheɗ laa ii hemi ele anttom amunu, Nug he, nuhig engel laa uɗia he, laion ag oɗelag aahekkulagnu elele iitta daan, ag da laiɗkkulagnu elele iitta. Ag da guittak laa ii meɗappig,” awa aum.

Daniel 7:10

Le noa gotte, amubia Nug dayomppa aab aɗu le bia, noa ukkom. Engel tausen gane ag Nug ehanidna daaegeg, milion gane ag Nug noobppa daappig. Nug he, laa ag hettoɗiakppa epeɗiak danab daaglagnu daappig ele, ag heɗep nena daaegeg, ⌊ag epeɗiak uɗat hekkulagnu⌋ laa buk kolattom. ⌊Buk amuppa danab ah ag attem attem wanppa daanna heppignu nai am daatte.⌋

Matyu 1:20

Josep nug amunu dabmak awewe, tuqan tulppa Naɗinu engel nug gumitta neum. Na amu nug aum. “Josep, Dawit bekka, na Maria ah nahip daakkunu, na nug aokkutnu aib baɗame. Doye! Kayak Ouɗi Nug nukka nid amu mettom.

Matyu 13:41

Danab Bekkalag da, da dahilad engel heppi, ag gona, danab Kayaknu ɗo maɗoɗ ooppa daatteb ele, ag oolagppanu wannu etetuab nau, ig eeɗigtteb ele, amu oh amu aria danab ag kobol eheɗ hetteb ele, ag qagmaadna diin,

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Matyu 2:13

Ag ukkaeg, Naɗinu engel tulppa Josep amegppa aum. “Na ahan, nid nakok anig ele diiatna, oolna Isip wanppa gona, appa daappe, da na eɗun uɗikkutnu appi doona uɗikkut. Aɗinu? Haen nakokib ukkeb, Herot nug nid nakok mattia antta qekkunu hekku,” awa aum.

Matyu 24:31

Uɗien, trampet gayebeb, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Matyu 25:34

Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.

Matyu 4:11

Jesus Nug anam a amu, Satan Jesus uuittom. Uuitte, amu engel ag nena, Jesus ehanidppig.

Mak 10:17

Jesus Nug anam ha mala amu Nug ibppa ugekke, danab laa nug qaiqaɗ Jesus gumitta ukka, Jesus baegppa laippun gateg qaun o, nug aum. “Ippunittak danab ena, da attem heina da bauklel hanhannu aokkul?” awa aum.

Luk 1:19

A amu engel nug oɗeppa awa aum. “Da am Gabriel. Da Kayak noobppa daattem, amu Nug he, da amenppa nai ena imu appi dookkutnu uɗimi.

Luk 1:23

Aria, anam daye dimppa Sekaraia nug nuhig uɗat haen, Kayaknu mettid lakkanu, amu male, nug eɗua appagppa ukkom.

Luk 16:22

Am dimppa daɗek danab amu nug mauhom. Mauhe am engel ag nug aon meeg, Abraham ele daapiɗ. Daaeheh amu enub danab nug ele mauhe, ag nug boumppig.

Luk 2:13

Engel nug amelagppa ana male, pahanab Kayaknu engel kuɗum hab aabppanu neeg, moitan daanna, ahi ettana appig.

Luk 2:9

Kayaknu engel gumatta ne, Naɗi binag amahlak oppiaawak ele ag taliliatta honaɗom. Honaɗe amu, ag baɗak eheɗ nau doyeg,

Aposel 11:22

Ag Naɗinu oolagppa genab doyeg, Kristen tamaniak Jerusalemnu ag nai amu doona heeg, Barnabas Antiok ukkom.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Aposel 12:7

Ag anam daaegeg, laippun Naɗinu engel laa appa hibaitta dayeye, amahlak lag oo amuppa amahlom. Amahlele, engel nug Pita qetti laih qeqala, maɗetta aum. “Pahanab ahe!” awa aum. Awa a amu, laippun sen Pita eppegppanu amu uhuqya nepiɗ.

Aposel 13:2

Ag am Naɗi noobppa dup nona binag menana, ee ohnu kud mena daaegeg, Kayak Ouɗi Nug ag amelagppa aum. “Da Barnabas, Saul ele aa uɗat laa hekkulahnu tituanatmi amunu, ag otiatna meɗeg!” awa aum.

Aposel 16:26

Ag anam daaegeg amu mim okkai laa laippun na he, maniguittak lag amu ohnab uɗalele, od paha matulatte, senppa hippaladppig ele oh uhuqattom.

Aposel 27:23

Pol nug anam awowa amu nug tuɗitta aum. “Gemu tuqan imuppa, Kayak, da nuhig dayeye, da Nug noobppa dup noin binag mettem ele amu, nuhig engel nug da gukkuiɗa hibaitta dayaya,

Aposel 5:19

amge tuqan amuppa Naɗinu engel nug maniguittak lag od matula he dimittim doeg, nug amelagppa aum.

Rom 11:14

Da amu hettemnu diig am, kobol amuppa da heppi, danab da ele buɗub laippu, amuam Juda danab, da heppi, Juda danab ag, ag iitta aɗi ag gemu Kayaknu kobol enanag aotteb anidna, ag amunu ittag aqeeb, ag dabmak aona, kobol amuppa Juda danab oolagppanu laala ag Kayak baekkudppa daaglagnu dokkulagtai.

Rom 13:6

Laa ele amu, danab ag gumaknu ehah ele, ag ele Kayaknu maɗi nid daatteb, ag uɗat amu ena gokkunu dabmedatteb, amu diig amunu ag ag takis madatteb.

Rom 15:16

da iitta aɗi ag oolagppa uɗat hekkulnu Kristus Jesusnu maɗi nid bemi. Da iitta aɗi ag Kayak Nug oo daatte amubia daaglagnu, Kayak Ouɗi Nug heeb, ag oppiaawak danab bena daaglagnu, da ag diie, Kayak medakkulnu mana mettak danab bia bein, Kayaknu Nai Ena mehuqttem.

Rom 15:27

Am genab ag oolag ena daye, akka ahilag dabmakppa anam heppig. Aɗinu? Ag Jerusalem dilagnu keeke nob eɗua mettak bia hekkulagnu daatte dootteb. Ag anam hekkulagnu dottebnu diig am, Kristusnu nai nug Juda ahilagppanu aha, iitta aɗi dilagppa ukkom amunu, iitta aɗi ag beɗunignu keeke, amuppa Juda danab keeke nob eɗun mattaglag am ena dootteb.

Rom 8:17

Amu ig Kayak bekkod daattem dayeb, ig geha keeke Nug megakkunu dabmette ele aognig. Laa ele amu, Kayak Nug keeke Kristus medakkunu dabmette amu, ig Nug ele oh amu aognig. Yo, ig Kristus uug mawom, uug amu genab tuɗidta maognig dayeb, dimppa ig Nug hab aabppa dayak enanag awom ele, ig amu ele aognig.

1 Korint 1:21

Wan danab ag akka ag ahilag doyak dabmak ena eleppa Kayak mattin anidkkulagnu elele iitta; ag ahilag doyak dabmak ena eleppa amu hekkulagnu am ib iitta. Anam amge Kayak Nug danab ah eɗua diikkunu ib iikku babaittom. Ag ad emaitaknu Nai Ena ig mehuqttem amu doona, ag Kristusnu oolagppa genab dooglag amu, Kayak Nug eɗua diikku. Danab laa ag Nai Enanu, “Am dabmak tutukku iitta,” aon atteb.

2 Korint 9:12

Ag uɗat anam henana, ag Kayaknu danab ah oppiaawak ele ehanadppeg, laala ag keekenu tutu daatteb amu ag elele daaglag. Amge amunuib iitta. Ag Korint aɗi ag kobol amu anam heppeg, Juda laa, ag daɗek daatteb ele amu, ag Kayak amegppa, “Ena heme,” okkainab akkulag.

Galesia 3:29

Amu ag Kristusnu daatteb dayeb amu, aria ag am Abraham buɗub aakku daatteb amunu, ag aakku Kayak Nug anukka Abraham amegppa keeke laa heeb bekkunu nai qakka aum amu, ag amu aoglag.

Galesia 3:7

Anam daatte amunu, ag doyeg! Danab ag Jesusnu oolagppa genab dootteb ele, danab amu ag am Abraham bekkodnab.

Galesia 3:9

Amunu danab ag oolagppa genab dootteb ele, ag Abraham, nug am danab ooppa genab doyak ele, ag nug itittak ena awom bia aotteb.

Epesus 3:6

Nai lokkumak dayom amu inam. Gemu Nai Enanu ɠagattagppa ameg laa, amuam iitta aɗi, ag Juda ele laippu ouqak daatteb. Ig oh laippu daattem. Ag anam daanna, keeke oh Kayak Nug Juda aoglagnu nai qakka aum amu, iitta aɗi ag Kristus Jesusnu daatteb ele, ag ele amu aoglag.

Pilipai 2:17

Ag Jesusnu oolagppa genab dootteb, diig amunu ag Kayak waappa daan, Nug oɗe dim lamidtteb. Anam amu, amuam ag doɗ manan Kayak medatteb bia. Aria, da am wain gokkaɗaknu ofa ahilag mana mettak amu qaɗeppa gokkaɗaknu bia daakkul dayeb amu, da maɗoɗppan gamag ahak doottem, amu da ag ele maɗoɗppan gamag ahak amu dooglagnu ool daatte.

Pilipai 2:25

Amu da Epaproditus, nug am da layalnab, i uɗat ihinih laippu, nug da ele Kayaknu daup danab bia daattep, nug ag Pilipai daatteb, ahilag nai awa ukkak danab, ag nug meeg, da ehaniɗkkunu uɗiom daatte amu, da nug ahilagppa meppi gokkunu ɠagattag dabmettem.

2 Tesalonaika 1:7

Nug ag uug dootteb ele amu, haen ena matta, Nug ig ele haen ena megakku. Naɗi Jesus eɗua, aab aɗu amu engel ɠagattag nuhikkud ele ag hab attannu miag atiak nekkulag, haen amuppa Kayak Nug kobol amu hekku.

Hibru 10:11

Aria, mana mettak danab oh ag deɗ deɗppa maɗi ahilagppa hippaidtteb. Ag baubau mana mettak iɗu iɗu amuib hetteb, amge mana mettak anam am hipunin uhuqaknu elele iittanab.

Hibru 2:3

Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

Hibru 6:12

Ig ag bahilag iitta daaglagnu oonig ii daatte. Iitta. Ag danab ag oolagppa genab doona, ag oo maɗoɗ doon Kayak oɗe dim lamidna, amu kobol amuppa ag keeke Kayak Nug anukka bekkod madakkunu nai qakka aum, ag amu aotteb amu, ag danab anam baelag mattan ukkeg!

Hibru 6:17

Anukka Kayak Nug ig Nug bekkod ehanigkkunu nai ɠagattag qetta aum, Nug nai amu iinab baolimanu ippunikka auta aokkunu, Nug nai nuhig Nug onigppa ɠagattag qettom.

Hibru 8:6

Jesus Nug mana mettak uɗat awom ele amu, uɗat amuam mana mettak uɗat alag eɗidtte, Nug tituana nai qakkak bau, Jesus Nug amunu gamag danab daatte amu, nai qakkak bau amuam nug tituana nai qakkak alag eɗidtte, amubia. Ele amu, nug tituana nai qakkak bauppa keeke Kayak heeb bekkulagnu nai qakka aum ele amu, ag alag amunu eɗadtte.

Hibru 9:28

amubia Kristus Nug danab kuɗum dilag hipunin uhuqa madakkunu Nug nukka haen laippu aakkuib, Nug beɗu mana mettak bia Kayak mettom. Nug anam heum amu dimppa Nug baula eɗua uɗikku, amge hipunin uhuqkkunu iitta. Nug danab ameg mena daatteb ele amu eɗua diikkunu uɗikku.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.

1 Pita 1:4

Amu ele ig Kayak Nug bekkod keeke madakkunu dabmette ele, keeke amuam hanhan daakku, ii nauhma, iitta ii mema amu, Nug hab aabppa ahilagnu babaittom daatte amu, ig amu ele dimppa anidkkunignu ameg mettem.

1 Pita 3:7

Amubia ele ah gamulkad ag waalkad ele daanna, kobol ena ahilagppa heig! Ah ag gamulkad ele oh Kayaknu ehanittak okkai hamu mettak amu aona, bauklel daaglag amunu, ah gamulkad ag ahilkad ah dilagnu, “Dahil kadoi, nakok gai-iitta bia,” doyadnana, ahilagnu ena elele doyeg! Ag amu oh hekkulagnu diig am, geha keeke laa unuqittak ahilag heeb ii nauhma.

Jut 1:14

Enok, nug am Adamnu buɗub buɗub uɗiak eblaih aɗit ele batak amu, nug danab laa amelagppa propet nai danab nau imu dilag mehuqa inam aum. “Antteg! Naɗi amu nuhikkud engel kuɗumnab, ebaqaknu elele iitta uɗitteb. Nug hettoɗiakppa, wanppan danab ah oh epeɗiaknu, Nug heeb, danab ag nuhignu, hak nuhignu ele uuak danab daan, ag Kayaknu, hak nuhignu ele uuak kobol dim lamidna, Kayaknu, hak nuhignu ele uuak kobol nau heppig miag atiak dooglagnu, hipunin danab Kayaknu, hak nuhignu ele uuak danab daan, ag nai nau oh Kayaknu madippig, ag amu miag atiak dooglagnu, Kayak amu nuhikkud engel ele uɗitteb.”

Revelesen 5:6

Anam aum amu da Sipsip Nag laa, Nug sia king ⌊anuqak⌋ guguittak hibaitte, hab daup waɗele Kayaknu bauklel aotteb, ikki danab ele ag Nug talilidna daaegeg, Nug ag gamagppa dayeye anidmi. Sipsip Nag amu laa ag matu qeeg mauha, eɗua hibaitte anidmi. Nug qeqeɗi eblaih aɗit ele amu ameg eblaih aɗit ele. Qeqeɗi eblaih aɗit, ameg eblaih aɗit ele, amuam Kayak Ouɗi kobol ena oh nuhigppa ambak daatte ele, Nug ippunigtte. Amu Kayak Nug me, wan ohppa ukkom.