Hibru 1:10 - Nobonob Baibel

¹⁰ Kayak Nug baula ele Nug Bekka amegppa inam aum. “O Naɗi, keeke oh digmak haenppa, na wan heme. Ao, na eppenppa hab ele heme.

Hibru 1:10 ပူးပေါင်းရင်းမြစ်များ

Genesis 1:1

Digmak haenppa Kayak Nug hab, wan ele heum,

Sam 19:1

Kayak binag amahlak oppiaawak ele attemu daatte amu, hab attannu keeke amu ippunigtteb. Ao, Nug keeke okkai okkai hette amu, hab waappan keeke ag amu ippunigtte.

Prowerb 8:29

Haen Nug yu tom metta, yu nug tom ii eɗidmanu aum amu, da Nug ele daamuɗ. Ao, haen Nug wan ukku babaittatta dayom amu, da Nug ele daamuɗ.

Aisaia 40:12

Aun yu, le oh ele eppegppa gokkaɗe ukke, gane daatte doyom? Aun nug habnu elab dookkunu nug eppeg melemel daakkunu ha ma ukke, habnu okkai aakku doyom? Aun wan ohnu gappud awa, kalegppa ina aɗom? Aun nug qauko oh dilag uug dookkunu, qauko amu oh skelppa maattom? Aun nug qauko nakok oh dilag uug dookkunu qauko nakok amu oh skelppa maattom?

Aisaia 42:5

Kayak, Nug Yawe, Nug hab ha, abenppa me daatte; Ao, Nug wan ele ha, wanppan keeke bau daatteb oh ele heum. Nug wanppan danab ah oh bau dayak madatte. Ao, Nug aun aɗi wanppa oitteb amu, nug ag ouɗi madatte. Amu Kayak, Nug Yawe, Nugib nuhig maɗi nid amegppa geha atte.

Aisaia 48:13

Da eppelppa wan hemi. Da eppelppa hab ele hemi. Gemu amu, keeke amu oh dahil ɠagattagppa tutukku ena daatteb.

Aisaia 51:13

Aɗinu ag anam baɗadna, ag da Yawe, da ag hattami amu, ag dahilnu daulag atitte? Da hab hein, da wan ele hemi. Aɗinu ag danab ag ahilagnu oppoɗi bak nau doon, ag ag waalagppa daaglagnu wagai mena, ag hadappeg nauhkkulagnu dabmetteb ele amu, aɗinu ag amu dilag hanhan deɗ oh eheɗ nau baɗan oitteb? Ag anam baɗan oitteb, amge amu dilagnu ag gemu adeppa daatteb?

Aisaia 51:6

Ag danab ah ag amelag human, hab anidna, ag honap wan ele antteg! Aɗinu? Qinob dimppa hab nug aab kah iitta mette bia iitta mekku. Ao, wan ele am alag ma, iitta mekku. Ge, danab ah wanppa daatteb amu, ag qabuttid mauhtteb bia mauhkkulag. Keeke oh anam iitta mekku, amge dahil danab ehanatte, padal ii metteb kobol amu, kobol amuam hanhan daakku. Ao, genab tutukku hak kobol dahil am iitta ii mema.

Aisaia 64:8

O Yawe, ig am anam aakku daattem, amge na ig Mamenig daattem. Na waa keeke hak danab bia daattem, ig am wan, waa haknu, ig amubia daattem. Na ig oh heigme.

Jeremaia 32:17

“O Naɗi Yawe, na ɠagattag nahip-ppa, nakka ebehinppa ele hab, wan ele heme. Aɗi keeke uug ele na hekkutnu elele iitta laa ii daatte.

Sekaraia 12:1

Nai imuam Yawe, Nug Israel dilagppanu aum. Yawe, Nug hab abenppa ma, wannu ukku, wan ele ha, Nug danab ah ele bau madatte amu, Nug atte.

Duteronomi 4:19

Aria ag neegppeppeg, lomppa teeb, ag aam, kalam, hoɗoppai ele, ag keeke amu oh anadna amu, ag aib amuam kayak daatteb anana, noolagppa dup nona binalag mak heppig. Yawe, ahilag Kayak, Nug keeke oh hab waappa daatteb amu, Nug am wanppan danab ah oh ehanadkkunu hattom.

Hibru 12:27

Amu, “Baula,” nai amu inam ippunigtte. Kayak Nug anukka keeke hattom ele amu, keeke amu oh geha uɗalkkulag. Keeke oh diignab iitta ele daatte amu, uɗalak amu heeb, iitta mekku, baula ii daamna. Keeke laa, diignab ele amu, keeke amu aakkuib geha daakku.

Revelesen 3:14

Nug anam ana, Nug nai tuɗitta aum. “Na nai da attem imu Laodisia Kristen tamaniaknu ikki danab, nuhignu inam ye! Nai imu, laa Nug nuhigppa Kayaknu mattiak tutukku daatte, Nug oo metta ii uuak kobol dim lamitta, Nug laa aɗi heehe anttomnu mattiak danab dayaya, nai genabib maditte, Kayak keeke hattom amu ele Nug atognoadtte, amu nuhigppan uɗitte.