Hibru 1:1 - Nobonob Baibel

¹ Kayak Nug anukka ig mamenkad amelagppa nai haen kuɗum ib laalappa ele propet oɗelagppa aum,

Hibru 1:1 ပူးပေါင်းရင်းမြစ်များ

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

Genesis 6:3

Amu Yawe Nug aum. “Dahil Ouɗi Nug hanhan danab oolagppa ii daama. Aɗinu? Ag am danab; ag mauhtteb. Ahilag dayak am maɗ 120 batak daakku,” awa aum.

Joel 2:28

Yawe Nug atte. “Amu dimppa da dahil Ouɗi danab ah diig oh dilagppanu ⌊danab ah laala⌋ madakkul. Da madappi, ag bekkalkad, aɗelkad ele ag propet nai madippeppeg, ahilkad danab kaino ag tul niiakppa keeke anidppeg, ahilkad danab bau ag tuleglegppa keeke anidkkulag.

Luk 24:27

Nug anam amelahppa awowa, Nug Mosesnu naippa digme ukke, Kayaknu propet oh dilag nai ele nuhignu nai aum niitte amu, Nug amu oh diig mehuqom.

Luk 24:44

Nug amelagppa aum. “Anukka da ag ele daatta, da ag amelagppa dahilnu nai oh Mosesnu ɗoppa, amu Kayaknu propet dilag yaakppa ele, nai amu oh bekkuoitte ami,” awa aum.

Jon 16:13

Amge Kayak Ouɗi, doyak diig genabib diig, haen Nug na, Nug keeke oh doyak diig genabibppanu ippunadkku. Nug nukka nuhig dabmakppa ii mattima. Iitta. Nug aɗi doyom aakkuib madikku. Aɗi aɗi dimppa bekku, amu ele ippunadkku.

Jon 7:22

Ag alalkad ag digmena Kayak oɗe dim lamidna, gaɗa otaɗak heegeg uɗie, Moses nug ɗo naippa meum daatte, amunu ag ele Sabat deɗppa uɗat henana, nid naunau gaɗalkad otaɗtteb.

Jon 9:29

Ig doottem, Kayak Nug Moses nai mettom, amge danab imu am adebtagnu uɗiom amu, ig ii doottem,” aon appig.

Aposel 13:32

Aria, Pol nug anam aum amu, nug nai tuɗitta aum. “Ig Nai Ena mehuqttem am inam. Kayak Nug ig mamenkad aɗi amelagppa nai laa qakka aum,

Aposel 2:30

Dawit nug propet dayom amu, Kayak Nug nukka nuhig nai ɠagattag qetta, Dawit amegppa a, Dawit nug nai ɠagattag qettak amu Kayak oɗeppanu uɗie doyom. Kayaknu nai ɠagattag qettak amuam inam. ‘Dimppa na buɗunppan da king laa otippi ba, nug nahip sia kingppa daakku,’ awa aum. Nug anam a, Dawit doyom, amge

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Aposel 3:21

Amu gemu Nug hab aabppa daatte. Nug appa dayebeb ukkeb, Kayak keeke oh eɗua bau hekkunu anukka nai nuhig ana qakke, nuhikkud propet ag oɗelagppa mehuqppig amu, Nug haen amu uɗikkunu ameg mekkuoitte.

Hibru 11:2

Amu danab anukkanu, ag am oolagppa genab dooppig amunu, Kayak Nug ahilagnu oo ena doyaya, ahilagnu ena aum.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Hibru 2:2

Anukka Kayak Nug engel oɗelagppa ɗo nai aawo be, nai amu ɠagattag daattom. Ɗo nai anam ɠagattag daye, danab ag uun, tappaeg neum amu, ag nob nau, ahilag eheɗ hak eleleppa aodppig.

Hibru 2:3

Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.

Hibru 3:5

Moses nug am Kayaknu danab ah tamaniak ooppa maɗi nid dayaya, oo metta ii uuak kobol dim lamitta, dimppa keeke bekkunu amu Kayak oɗeppanu awa madittom.

Hibru 4:8

Amu Josua nug danab amu Kayaknu hik awak mattalo amu, Kayak Nug dimppa deɗ laanu ii mattilo

Hibru 5:5

Amu Kristus Nug ele am anam. Nug nukka binag amu awa, mana mettak ikki danab ii beum. Iitta! Kayak Nug Nug amegppa aum. “Na am da Bekkal. Gemu da na Mamen bemi daattem,” awa aum.

Hibru 9:19

Tatam amu Moses nug ɗo oh danab dooglagnu mehuqa malowa, dimppa nug makau nakkud tiilkad amu meeme tiilkad ele awa, le ele kabolia, nug sipsip uɗig kokoɗnab amu uud laa onig hisop gumuppa ita, amu amuppa nug tiig le ele nug tituana nai qakkaknu ɗo yaak buk itoɗiak qaɗeppa tauɗ qettowa amu danab oh ele tauɗ aqom.