Hagai 1:9 - Nobonob Baibel

⁹ Amu Yawe Nukka Ɠagattag Oh Ele Nug anam anan, Nug imu ele atte. “Ag keeke kuɗum aoglagnu dabmeppig, amge ag keeke nakokib aoppig. Ag keeke aoppig ele amu, da hei, iitta meum. Aɗinu? Ag anen anen oh ag laulkadppa ahilag uɗat hetteb, amge da laul am nauhakib daatte,” awa atte.

Hagai 1:9 ပူးပေါင်းရင်းမြစ်များ

2 Samuel 21:1

Amu Dawit king dayeye, haen amuppa Israel wanppa gu ii neene, maɗ ewam anam daye, danab ah ag eenu tutu maknab daappig. Ag anam daappig amunu, Dawit nug Yawe amunu oɗ metta unuqittom. Dawit unuqitte, Yawe Nug nug amegppa aum. “Saul nug baekkudppan ele ag eheɗ hena, ag Gibeon danab ii aqadlob am aqaeg mauheg, ag tiilag, Saul nug baekkudppan ele eppelagppa daatte amunu, uug imu wan imuppa beum,” awa aum.

2 Samuel 22:16

Yawe Nug he, ulah huanak hos ihie, ulah huana noobppa doa gotte, amubia Nug he, ulah huanak ukke, yu oppate, yu unuqag diigppa oolnu noak daatteb amu, ag miag atippig. Ao Yawe Nug nai he, wan ukku miag atiom.

2 King 19:7

Antte! Da heppi, Asiria dilag king, nuhig dabmak am kaboliak daakku. Nuhig dabmak am anam daakku amunu, nug nai laa doyowa, nug eɗua, nuhig wanppa ukkeb, appa da heppi, laa ag nug qep-ppa, qeppeg mauhkku.” ’ Yawe Nug anam atte,” awa aum.

Job 10:2

Da Kayak amegppa akkul. ‘Na diig lokkumakppanu da amelppa, na eheɗ heme, ii amananu oɗ medattem. Ao, na da eheɗ hemi akkutnu daatte dayeb amu, na da hipunin atten atten hemi appe dookkulnu unuqidttem.

Prowerb 11:24

Danab laa amu, nug laa ehanatta, nug nuhig keeke hamu madatte, me ⌊Kayak Nug danab amu ititte,⌋ nug keeke kuɗum baula ele nuhignu aotte; amge danab laa amu, nug laa ehanattaknu kobol daatte bia ii madatte, nug nuhig keeke aɗatte, me nug eɗua, daɗeknab daatte.

Prowerb 27:20

Mauhak am danab daalo, padal mak ele danab daalo, aɗit amuam baubau danab ah diilopnu doolop; amubia, danab ag keeke baubau aoglagnu oolag hette.

Eklisiastis 1:8

Keeke oh anamib; danab nug amu ohnu madikkunu elele iitta amunu, keeke oh am bahi yaak megatte. Danab ameg nug neekka, keeke anidkkunu uuak ii dootte. Ge, danab daug nug nai dookkunu uuak ii dootte.

Aisaia 40:7

Anana am tuɗitta aum. “Gikkiɗah bunaɗtte, bala mauɗna, nena qetteb. Aɗinu? Yawe Nug ulah iwale, ahilagppa gotte. Am genabnab genab, danab ah ag gikkiɗah bia paha mauhtteb.

Aisaia 5:10

Haen amuppa muɗi grepnu dad okkai am geha grep meulkad huanak, kuɗum ii oma amunu, geha wain nakokib aoglag. Ag ee aeg battam 10 eppaglag, am geha ee aeg meu ob, ag battam laippu inaglag,” awa aum.

Jeremaia 12:13

Danab ah ag wit aeg eppaglag, amge uud keeke qaun ele bekkulag. Ag uɗat huanak hekkulag, amge meu ena nakok laa ii aomna. Da, Yawe, da ool huana nauhtte, diig amunu Juda ag ee meu ena ii aomna.” Yawe Nug anam awa atte.

Esekiel 21:31

Da ahilagnu oppoɗi bak eheɗ nau doottem amu, da bu eheɗ madakkul. Ao, da ool eheɗ nauhom, diig amuppa da eheɗ nau hadakkul. Da heppi, danab nau, ag laa guittak mattaglagnu oolag hette ele amu, ag uɗin aɗualadkkulag. Danab amu ag danab, keeke ele heppeg nauhkkulagnu doon autna aotteb.

Lewitikas 19:25

Anam daya maleb, maɗ tanig eleppa amu, ag ad meu aon lakkulag. Hak anamppa ad diig ag meulkad huana okkulag. Da am Yawe, ahilag Kayak.

Hagai 1:4

“Gemu ag lag enappa daatteb. Dahil mettid lag am nauhak daatte. Ag ahilag lag enappa daappeg, dahil mettid lag anam daakkunu am enate?” Yawe Nug he, Hagai nug nai amu doya, danab ah mattom.

Hagai 1:6

Ag keeke kuɗum ebatteb, amge ag keeke nakokib eɗun aotteb. Ag ee latteb, amge ag oolag ii aɗatte. Ag le latteb, amge ag oolag ii diditte. Ag beɗulagppa lamen metteb, amge ag oug dootteb. Ag men doɗonu uɗat hetteb, amge ag men doɗo aon, ag bek battam giɗo eleppa inatteb bia hetteb,” awa atte.

Malakai 2:2

Ag dahil nai imu doon, ag oolagppanab meig! Nai ag dooglagnunab attem am, ag da onilnu am binag ele doyeg! Ag haknunab nai dahil ii doon, ii dim lamidkkulag dayeb amu, da ag eheɗ laa awaknu anak waappa daaglagnu, uug naunab ele laa ahilagppa bekkunu akkul. Ag dahil haknunab nai ii dim lamidkkulag dayeb amu, ag itittak ena laa ag aoppig amu, da heppi, eheɗ laa awaknu anak waappa dayak bia daakku. Ge! Ag da binal mekkulagnu oolagppanab ii dootteb amunu, da nakok matu bia itittak ena ahilag laa aoppig amu, da hei, itittak ena amuam eɗua, ag eheɗ laa awaknu anak waappa daatteb.

Duteronomi 28:38

⌊Amu haen ag Israel, ag ippa, ahilag wanppa daanna,⌋ ag dad okkai eppaglag, amge ag meu huana ii aomna. Amunu diig am, tap-lokus dad ahilkad lakkulag.

Revelesen 2:4

Amge eheɗ hak nahip laippu imunu da na amenppa iikku attem. Na anukka baubu Kristen beme haenppan na oo mauhak kobol dim lamidna autna autnanab aome, amge gemu oo mauhak nahip amu anam ii daatte.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!