Hagai 1:4 - Nobonob Baibel

⁴ “Gemu ag lag enappa daatteb. Dahil mettid lag am nauhak daatte. Ag ahilag lag enappa daappeg, dahil mettid lag anam daakkunu am enate?” Yawe Nug he, Hagai nug nai amu doya, danab ah mattom.

Hagai 1:4 ပူးပေါင်းရင်းမြစ်များ

2 Samuel 7:2

nug propet Natan amegppa aum. “Gadon, da lag enanagnab, ad sidappa hak, da lag amuppa iikku daattem, amge Kayaknu Tituanak Nainu Kunup am pehppa daatte,” awa aum.

2 King 5:26

Nug aum, amge Elisa nug Gehasi amegppa aum. “Da ouɗil amu na ele daaeheh, amu haen danab nug uɗan tekkunu karis aɗa oola na, hibaitta dayom ele amu, da doomi. Gehasi gemu am men doɗo, o lamen, o olip dad, o grep dad, o sipsip, o makau, o maɗi nid, o maɗi ah awaknu haen iitta.

Sam 102:14

Amu nahip maɗi nid ag Jerusalemnu men aɗ, men lag ele ohnu mennu oolag mauhtte. Ao, ag Jerusalemnu, am keeke okkai dabmetteb, amge ag ele nuhig ibppan gappudnu ele oolag doye dabmetteb.

Sam 74:7

Ag nahip mettid lag manaeg ewa iitta meum. Ao, aben na onin oppiaawak ele daakkunu dayom ele amu, ag heeg, aben amuam nahip neekkakppa dubuttid tak ele dayom.

Eklisiastis 3:3

Danab aqeb mauhkkulagnu haen daatte; danab ehanatteb, eɗun ena daaglagnu haen ele daatte. Danab keeke loppaɗkkulagnu haen daatte; danab ag keeke buuglagnu haen ele daatte.

Jeremaia 22:14

King amu nug atte. “Da dahil lag enanagnab hekkul. Da lag oo okkai kuɗum attan enanag hekkul,” awa atte. Nug anam anana, nug he, ag lag henana, ag gililppa ulah ippu okkai ena bappaidna, ag ad sida aona, gililppa qataqena, ag gau kokoɗppa bala medatteb.

Jeremaia 26:18

“Hesekaia nug ig Juda, ihinig king dayeye, propet onig Maika, Moreset ted, nug dimppa aɗi bekkunu nai mattia, nug Juda danab ah amelagppa inam aum. ‘Yawe Nukka Ɠagattag Oh Ele, Nug inam atte. “Kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak daakku. Anam amu, dahil mettid lag, nuhig tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.” Yawe Nug anam atte,’ awa aum.

Jeremaia 26:6

da heppi, lag dahil imu nauhakib daakku; anukka da hei, aab Silo nauhom, amubia nauhak daakku. Da amu heppi, wan atu ohppan danab ah ag aab okkai Jerusalem onig aon, eheɗ laa awaknu anak waappa dayaknu nai ahilagppa mekkulag,” awa atte.’ ” Yawe Nug Jeremaia anam akkunu aum.

Jeremaia 33:10

Amu Yawe Nug inam atte. “Na attem. ‘Aben imuam hele-ettak, wan meu waknu nakokib elele, am anam daakku, amu danab, doɗ ele imuppa ii daamna,’ aon attem. Na attem am genab, Judanu aab, aab Jerusalem imu ele nauhakib daaglag, amu danab, doɗ ele ag appa ii daamna, amge da heppi, aben amu ohppa danab ah ag qinob eɗun daanna,

Jeremaia 33:12

Amu Yawe Nukka Ɠagattag Oh Ele, Nug inam atte. “Aben imuam qinob hele-ettak daakku, amu danab, doɗ ele imuppa ii daamna, amge amu dimppa da heppi, sipsip gumak danab ag wan imuppa daappeg, gikkiɗah dad sipsip dilag ele dayeb, gumak danab ag sipsip ahilkad appa atognoadkkulag.

Jeremaia 52:13

Nug ba he, Babilon dilag daup ag Yawenu mettid lag, kingnu lag enanagnab, amu danab ah onilag ele, nug ag laulkad oh ele Jerusalem appa manatteg eoppig.

Gayak Nai 2:7

Naɗi Nug qaɗab, Juda danab ah appa doɗ main, Nug medappig ele, Nug qaɗab amu geɗittom; Nug nuhig mettid lag uua, Nug appa ii daatte. Nug he, king laulkad enanagnab ag kekeɗ eppelagppa daatteb. Kekeɗ ag Yawe laugppa tena, muttub qeeg, oqotti oum; oqotti amuam hobul dayaknu haen epeɗiak, Yawe Nug Israel amuppa daaglagnu aum, hobul amuppa danab ah ag huan etteb ele amu, oqotti amuam amubia dayom.

Gayak Nai 4:1

O gadonnab gadon, kekeɗ ag heeg, keeke golppa hak, amemɗi aotte ele, am gemu amemɗi ii aotte. Ge, gemu gol enanag am amemɗi ii aotte. Kekeɗ ag heeg, men daden nob okkainab ele Yawenu tituanak daatteb amu, men amuam ib oɗatle ohppa, appa mauhnoak daatteb.

Esekiel 24:21

⌊Esekiel⌋ na Israel danab ah ⌊na ele Babilon ippa diia ukka laih me dayak danab ah daatteb amu⌋ na ag amelagppa inam appe doyeg! Naɗi Yawe Nug inam atte. ‘Da heppi, hipunin hak danab, Israel buɗubppan iitta, ag dahil mettid lag heppeg nauhkku. Ag Israel, ag dahil lag ag oolagppa daattenu enanag doon, “Lag amu ig oonigppa daatte amunu, aɗitai laa heeb, ig ii nauhmata,” aon atteb. Ag lag amunu enanagnab doon, lag amunu ag oo mauhak bia dootteb. Ag anam dootteb, amge gadon, ag bekkalkad aɗelkad Jerusalem appa daatteb, bekkalkad aɗelkad amu ag banppa mauhkkulag.

Lewitikas 19:25

Anam daya maleb, maɗ tanig eleppa amu, ag ad meu aon lakkulag. Hak anamppa ad diig ag meulkad huana okkulag. Da am Yawe, ahilag Kayak.

Maika 3:12

Ag Jerusalem danab okkai, ag nau amu hetteb, ag nai hambuppuak amu ele maditteb amunu, ag beɗulagppa kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak bia daakku. Anam amu, Kayaknu mettid lag, amunu tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.

Hagai 1:3

Yawe Nug nai mette, Hagai nai amu doye, Yawe Nug ele he, propet Hagai nug nai laa ele ab, danab ah dooglagnu doyom. Nai amuam inam.

Hagai 1:5

Hagai nug nai amu ag matte, dimppa nug nai imu ele mattom. Yawe Nukka Ɠagattag Oh Ele Nug atte. “Ag ahilag haknu pehettan dabmetteg!

Hagai 1:9

Amu Yawe Nukka Ɠagattag Oh Ele Nug anam anan, Nug imu ele atte. “Ag keeke kuɗum aoglagnu dabmeppig, amge ag keeke nakokib aoppig. Ag keeke aoppig ele amu, da hei, iitta meum. Aɗinu? Ag anen anen oh ag laulkadppa ahilag uɗat hetteb, amge da laul am nauhakib daatte,” awa atte.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Pilipai 2:21

Danab laa oh ag akka ahilagnuib dabmenana, Jesus Kristusnu uɗat atognokkulagnu dab-ii-metteb.