Hagai 1:3 - Nobonob Baibel

³ Yawe Nug nai mette, Hagai nai amu doye, Yawe Nug ele he, propet Hagai nug nai laa ele ab, danab ah dooglagnu doyom. Nai amuam inam.

Hagai 1:3 ပူးပေါင်းရင်းမြစ်များ

Esra 5:1

Anam amu ⌊haen ukke⌋, propet danab Hagai, propet laa Ido buɗub Sekaraia amu, aa Kayak, Israel dilag Kayak, Nug Juda danab ah oh, laa Jerusalemnu, laa Juda wanppa laih laihnu amu, Nug ag oh ahilag gumattak daatte amu, aa Nug oɗeppa nai aoya, Nug onigppa Juda danab ah oh amelagppa propet nai mattiya, ⌊ag Kayaknu mettid lag buuglagnu⌋ apiɗ.

Hagai 1:1

Darius nug Persia dilag king dayaya, nuhig king dayaknu maɗ aɗitppa, kalam ebqak eblaih laippu ele, kalam amunu deɗ digmakppa Yawe Nug nuhig nai propet Hagai mettom. Nai nug mettom amu, nai amuam Juda dilag gawana Serubabel, nug Sealtiel bekka, amu Jehosadak bekka Josua ele dilah. Josua nug am mana mettak ikki danab dayom.

Hagai 1:2

Nai Nug Hagai mette, nug aa amelahppa aum am inam. “Yawe Nukka Ɠagattag Oh Ele, Nug inam atte. Danab ah imu ag atteb. Gemu am Yawenu mettid lag eɗut hekkunignu haen tutukku iitta, aon atteb,” awa aum.

Hagai 1:4

“Gemu ag lag enappa daatteb. Dahil mettid lag am nauhak daatte. Ag ahilag lag enappa daappeg, dahil mettid lag anam daakkunu am enate?” Yawe Nug he, Hagai nug nai amu doya, danab ah mattom.

Sekaraia 1:1

Darius nug Persia dilag king dayaya, nuhig king dayaknu maɗ aɗitnu kalam eblaih ewam eleppa Yawe Nug nuhig nai propet Sekaraia ⌊engel laa oɗeppa⌋ mettom. Sekaraia nug Berekia bekka. Berekia nug am Ido bekka. Nai Yawe Nug Sekaraia ⌊Israel amelagppa ab dooglagnu⌋ mettom am inam.