Genesis 9:9 - Nobonob Baibel

⁹ “Da ag, amu ag buɗulkad dimppa bekkulag ele amu, gemu da hei, da ag oh ele nug tituana nai qakkak hettem.

Genesis 9:9 ပူးပေါင်းရင်းမြစ်များ

Genesis 22:17

amunu, diig amunu da genabnab genab na itidkkul. Da itidppi, na buɗunad ag appatna, abuɗ le ihippa, o hoɗoppai bia kuɗum daaglag. Ag kekeɗ eɗadna, ahilkad aab diiglag,

Genesis 6:18

Amge da heppi, na ele nug tituanɗa nai qakkagnih ⌊amunu, diig amunu⌋, na, ah nahip, amu na begapad, ag waalkad ele amu, ag uub ooppa nokkulag.

Genesis 9:10

Da ag ele nug tituana nai qakkak hettem, amu da doɗ oh, ag ele uubppa daappig; amuam ai, aabppan doɗ, doɗ dakkuɗ ele, doɗ amu oh ag ele uub uun neppig, keeke oh wanppa bau daan oitteb amu, da ag oh ele nug tituana nai qakkak hettem.

Genesis 9:11

Nug tituana nai qakkak nai da gemu hei, da ag ele iikku hettem, amuam inam. Da baula le hiɗppa keeke oh wanppa bau daatteb amu heppi, ii nauhmana. Ao, da baula le hiɗppa wan heppi, ii nauhma.” Kayak Nug anam awa aum.

Genesis 9:17

Amu Kayak Nug Noa amegppa aum. “Da di apinak, keeke oh wanppa bau daatteb ele amu, am ahilagnu nug tituana nai qakkak nai dahilnu at memi,” awa aum.

Genesis 9:8

Amu, Kayak Nug Noa, amu nug bekkod ele amelagppa inam aum.

Jeremaia 33:20

Nai mette amu, Jeremaia nug inam doyom. “Da, Yawe, da inam attem. ‘Da amahlak hanhan amunppa, nuhig haenppa daakkunu, gatatu hanhan tuqan, nuhig haenppa daakkunu ele nai qakkami, amu laa nug heeb, amun, tuqan ele aa ahilah haenppa ii daaglahnu am elele iitta.

Rom 1:3

Nai ena amuam Kayak Nug bekka, ihinig Naɗi Jesus Kristus, nuhignu nai. Wan imuppan menuakppa amu, Nug Dawit buɗubppa aakku doum.