Genesis 9:6 - Nobonob Baibel

⁶ Da danab da bia hemi amunu, aun laa nug danab heeb mauhkku, nug ele danab laa eppegppa mauhkku.

Genesis 9:6 ပူးပေါင်းရင်းမြစ်များ

Genesis 4:14

Gemu na da wan imuppanu, na noompanu lamiɗttem amunu, da haen oh aben laippuppaib ii daapa; qati qati oikkul. Danab laa da aniɗa, nug duul ob mauhkkul,” awa aum.

Genesis 42:22

Ag akka akka anam anana amu, Ruben nug aum. “Da haen amuppa, ‘Ig amanigppa hipunin laa aib hemut,’ ami, amge ag dahil nai iinab dooppig. Aria, ig hemutnu nob amu, gemu ig aottem,” awa aum.

Genesis 5:1

Adam buɗubppan danab onilag bukppa yaappig am inam. Tatam Kayak Nug Adam heum amu, Nug Nug bia heum.

2 Samuel 4:11

Amu gemu aa danab nau aɗit, aa danab nug mauhkkunu eheɗ hak laa ii heum, nug nukka nug laugppa, nuhig niiak abenppa niieye, aa qeeh mauhom amu, da ahilah hak nau amunu appi, aqatppeg aa mauhkkulahnunab daatte. Isboset tiig aa eppelahppa daatte, aa wanppa daaglahnu elele iitta,” awa aum.

1 King 2:9

Amge na nug nau dahilppa heum amu, na amunu dabmak aona, na, ‘Nug eheɗ laa ii heum,’ aib dabmeme. Na am danab doyak dabmak ena ele amunu, na nuhigppa aɗi hekkutnu daatte amu, na dookkut. Na heppe, nug mauhaɗ!” awa aum.

2 King 11:1

Amu Jehu nug Juda dilag king Ahasia qe mauhe, Ahasia anig Atalia nug nug bekka Ahasia mauhom doyowa, nug aha he, laa ag danab oh ag king ele tiig laippu amu, ag ag aqaeg mauhppig.

2 King 11:16

Jehoiada nug daup dilag okkai amelagppa anam a, ag anam hena, ag Atalia aɗan omalna, ag king laug enanagnab guguittak, od laa onig Hosnu Od, ag amuppa wana, ag nug qeeg mauhom.

2 King 11:20

Ag anam heeg, Juda danab ah ag gamag ahak dooppig. Ag Atalia qep elabppa kingnu lag enanagnab, appa qeeg mauhom amunu, Jerusalem appa maɗoɗib dayom.

2 Stori 33:24

Amon king daya, anam heehe, nuhikkud ehanittak danab okkai ag nug qeppeg mauhkkunu dabmak aon, nai qakkan, ag nug king laug enanagnab nuhigppa qeeg mauhom.

Sam 51:4

Da hipunin na, nahip-ppanab hemi. Ge, da nahip neekkakppa eheɗ hemi. ⌊Amu genab, da hipunin laa dilagppa hein, ahilagnu eheɗ hemi, amge diigppanab⌋ da hipunin nahip-ppa hemi. Ge, da nahip neekkakppa eheɗ hemi. Da hipunin hemi amunu, na Kayak, haen na dahilnu, “Na hipunin heme,” attem am, na tutukkuib attem. Yo, haen na da hettoɗiakppa meiɗna, na kobol tutukkuib hettem.

Eksodas 20:13

Na danab aib qeppe mauhom.

Prowerb 28:17

Danab nug laa qe mauhtte amu, nug moɗppa nokkunu oola gotte; auntai laa nug nuhig haknu nob aomanu aib ehanittom.

Eklisiastis 3:3

Danab aqeb mauhkkulagnu haen daatte; danab ehanatteb, eɗun ena daaglagnu haen ele daatte. Danab keeke loppaɗkkulagnu haen daatte; danab ag keeke buuglagnu haen ele daatte.

Lewitikas 17:4

amge nug doɗ amu awa, mettid haknu peh lag danab ah appa qagmetteb ele, nug lag amu odppa, Yawe gumitta, doɗ amu mana, Yawe medakkunu ii uɗitte dayeb, nug am danab laa nug hipunin okkai ha, layag qe mauhtte, hipunin amubia hekku. Nug aɗi heum ele, amuam danab laa qe mauhak bia heum amunu, nug Israel oolagppanu geɗittak daakkuoitte.

Lewitikas 24:17

Aun laa nug danab o ah laa qeeb mauheb amu, ag laa amu heum qeppeg mauhaɗ!

Namba 35:16

Qe mauhak danab dilag aab okkai am, aun nug ii doyaya laa qe mauhom ele, nug ena daakkunu aab, amge aun laa nug aen mahappa laa qe mauhom dayeb amu, nug am qe mauhak danab aakku daatte. Ag danab duug wak amu heum amu, ag nug qeppeg mauhkku.

Namba 35:25

Ag amu hena, ⌊genab⌋ nug ii doyaya anam heum ⌊anidkkulag dayeb amu, ag anam⌋ anana, ag heppeg, layag nug qe mauhak danab nob ma qeeb mauhkkunu daatte ele amu, nug aib qe mauhak danab qeum. Ag qe mauhak danab amu, nug laa nug layag ii doyaya qe mauhomnu ehanittak aab okkaippa qaietta ukkom amu, ag heppeg, nug eɗua, appaib ukka, laa nug qe mauhak danab qeeb mauhkkunu dabmette ele, nuhignu awaittak daakku. Ag nug appa meppeg ukka dayebeb, mana mettak ikki danab, Kayaknu tituanak daattenu goɗen gokkaɗakppa tituanppig ele amu, nug mauheb, danab amu nug eɗua appag diigppa dokku.

Namba 35:33

Doyaya laa hamu qe mauhak am wan dubuttid mettak amunu, ag wan ag daatteb, ag amuppa aib heppeg, dubuttid ele dayom! Wan dubuttid mettak dayeb, eɗua heeb ena daakkunu amu, qe mauhak danab amu, ag qeppeg mauhkku. Amu bekkunu, am ib laa iitta.

Matyu 26:52

Hoiye amu Jesus aum. “Na nahip qep elab eɗun abenppa me. Aɗinu? Aun nug qep-ppa ban hette amu, nug qep-ppa mauhkku.

Rom 13:4

Laa nug gumaknu ehah ele nug ele am Kayaknu maɗi nid, ag ehanatteb ena daaglagnu daatte. Amge ag kobol tutukku ii henana amu, ag baɗeg! Ag dootteb, nuhig ɠagattag am keeke hamu iitta. Uɗat amu Kayak Nug mettom amunu, danab ag kobol tutukku ii heppeg, nug nob nau madakkunu daatte.

1 Korint 11:7

Aria, danab nug ikki aib hautom. Aɗinu? Kayak Nug danab Nug bia heum daatte, amu lettod amahlak awa he, amimia gotte, amubia danab nug Kayak binag amahlak oppiaawak awa he, laa anidtteb. Aria, lettod amahlak awa he, amia gotte amu, ah nug gamu binag amahalak oppiaawak ele awa, anam hette amunu, ah ag ikkilag hauteg!

Duteronomi 19:11

Amge laa nug layagnu nau ninig ele doya, nug dabma meitta dayaya, nug layag ⌊doyaya⌋ qeeb mauheb, nug oola, laa ii doyaya qe mauhomnu ehanittak aab okkai amuppa ukkeb,

Duteronomi 5:17

Na danab aib qeppe mauhom.

Jems 3:9

Ig oɗenigppa amu ihinig Naɗi, ig Mamenig, Nug binag meta, amu ig danab Kayak Nug Nug bia hattom amu, ig oɗenigppa amu, ig danab laa eheɗ laa awaknu anak waappa daaglagnu madittem.

Revelesen 13:10

Am aun nug maniguittakppa gokkunu daatte amu, appa gokku. Aun laa nug qep elabppa mauhkkunu daatte amu, nug qep elabppa mauhkku. Kobol amuam Kayaknu danab ah oppiaawak ele, ag tuɗidna uug doyaya eɗittaknuib dabmak awak kobol dim lamidna, ag oo metta ii uuak kobol ele tuɗidna anamib hekkulagoitte ippunigtte

Ikki Danab 9:56

Anam be, amu ib amuppa Kayak Nug Abimelek, Nug nau hak nuhignu bu mettom. Abimelek nug mamegnu eheɗ ha, nug awakkud amakkud 70 amu aqe mauhppig amunu, nug bu aokkunu daye, Kayak he, aakku bu nau awom.

1 Samuel 15:33

Agag nug anam dabmeum, amge Samuel nug aum. “Na qep elabppa hee, nid anilkad kuɗum ag nid iitta daappig, amubia na anin nug ah oolagppa nid iitta daakku,” awa aum. Nug anam awowa, nug Gilgal appa, Yawe noobppa Agag makkuɗe mauhom.